حلاوة الحب ياللي ما تعرفونه

[وصل العطياني؟؟؟]

[poet font="Simplified Arabic,4,blue,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
لا تعذلون الفؤاد ولا تلومونه=والله ليروح كثر العذل مجاني
من سابع المستحيل يكب مضنونه=اللي هويته وضحّكني وبكّاني
مهما تعذلون والله ما تردونه=عز الله إني عشقته عشق بجناني
سمّوه الإعجاب مدري وش تسمّونه=كلامكم مايشكّـكني في وجداني
ياناس أحبه وأحبّ اللي يحبونه=من حبـِـه أفضّـل أخوانه على أخواني
وحلاوة الحبّ ياللي ماتعرفونه=التضحية للحبيّب كان من كاني
واليوم مالي عذر من داعج عيونه=الجادل النادرة في كل الأوطاني
مفتون فيها وهي بالمثل مفتونة=ماعاد ندري من المجني من الجاني
أهديتها قلبي الصادق بكرتونه=ترميه من كفـّـها في كفـّــها الثاني
وتحطّ كفٍ وراه وكفّ من دونه =وتسكّنه صدرها كله على شاني
أدري يحسدونها لكن ممنونة=مادام في صدرها قلب العطياني
لو يعترض دونها تسعين مزيونة=في وجيههن للجمال أشكال وألواني
أغضيت عنهن بطرف العين وجفونه=وأصدّ عنهن ولا كنّ أحدٍ جاني
هذي مكاتيب والمكتوب مادونه = إن كان راضي بها وإن كان زعلاني
لكن خلّو فؤادي لا تعذلونه = عذل الهواوي تراه يروح مجاني
[/poet]

التوقيع

na111na@hotmail.com