هاجوس قلبي مفردآ به ومعميه :: عشاي كرز ومرقدي فالغماره

[خالدالعصيمي]

شيباني نت

والله ان الزاحف انت ههههههه

والله لاطبعها لك كامله على شان مايروح بعضها يتمشى ههههه




[poet font="Simplified Arabic,4,white,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
التتن دامـه فالبقالات بشريـه = بريال والا بالـف ماهـو خسـاره

يامهبلك يامعذربه عنـد راعيـه = ومن عذربه عندي بينقص وقـاره

لاجيت باخليه ما أحتلـت أخليـه = مايطرد الهاجـوس كـود الزقـاره

لولاه باوسوس وبامرض وباتيـه = وتشوفني في كل شـارع وحـاره

مثل الهبيل اللي يضيع البصر فيه = ياكل من الضيقه حبوب الحـراره

أنشهد انه حلـو واللـي محليـه = راعيه ماتطفـي مشاهيـب نـاره

وراع الهوى غير التتن وش يسليه = خصآ ليا منعـت عليـه الزيـاره

لاجيت جنبته وانا كنـت ناصيـه = وحطيت من بينـي وبينـه زبـاره

خايف عليه وخايفآ مـن دناويـه = أبطفي الشعلـه تمـوت الشـراره

ومصاحبآ جيرانه اللـي حواليـه = حيلة ضعيفآ في طرفهـا صقـاره

وأحب ضيفة جاره اللـي يواليـه = القلب يمـه والوجـه يـم جـاره

والبر لولا البـدو مانـي مدانيـه = لخضَر مخضرآ بقلبـي خضـاره

اليا خلا جال المرير ومضاميـه = بعت البداوه واشتريـت الحضـاره

ولي صاحبآ يغليني إغلاي واغليه = مـن يـوم حبيتـه ودلـيـت داره

مـدام منطوقـه فديتـك ولبـيـه = مانـي مفكـر فالفقـر والتجـاره

أسمر لعل البيض تفدى مواطيـه = أموت في سكبة عضـاه وسمـاره

واليا ضحك قلبي يفاخت عراويه = نذرآ علي معـاد عنـدي عيـاره

تنشب عيوني في سنونه وأشافيـه = لبعد عن الوجـه المليـح الستـاره

وعرقا على كبدي ولاقلت له ليـه = مانيب أحسد الشاطرين الشطـاره

مابيه يزعل ودي أنضر وراضيه = لو أحذف بنفسي من اطول عمـاره

من أول أهـذب كلامـي وأنقيـه = واليوم خاشرت الغجـر فالغجـاره

هاجوس قلبي مفردآ به ومعميـه = عشاي كـرز ومرقـدي فالغمـاره




-
[/poet]