ديار الاساعده من عتيبه

[عتيبـــــ ولد ــــــــة]

والله ونعم ببني عمنا الأساعدة ..

عز الله إنهم مفخرة للقبيلة ..

لكن يا ولد العم في شئ مضيق خاطري شوي ..

أنا أعرف ناس من الأساعدة مثل الفرهود والفوزان وغيرهم ..

وفيهم شي مزعلني ومزعل غيري من العتبان الي معي ..

ألا وهو ..

إن الواحد منهم يستحي إنه عتيبي ..

ليا نشده الواحد وقال له أنت عتيبي ؟ حمر وجهه وصفر وأخضر وتقلب مية لون وليا صرنا موجودين ( العتبان ) قال أنا عتيبي ..

وليا منهم نشدوه وحنا مهب عنده ما يقول عتيبي يصرفها ..

حتى أنا طحت في موقف محرج ..

كان معي واحد من الأساعدة ونشدني واحد قال هذا عتيبي ؟ ( يقصد الأسعدي ) ..

قلت انشده ..؟

ويوم نشده ما جاوب .. وبعد إلحاح قال :

أنا أسعدي .. قال الرجال عتيبي ولا ..؟

قال : أسعدي و ....بس ..!!!


والله العظيم شي يقهر يعني مستعيب من عتيبة ..!!!؟

الحين أنا أفتخر إن الشيخ الفوزان ( عبد العزيز ) عتيبي ..

وكثير منهم علماء ودكاترة وتجار ورجال أعمل ..

لكن ......................... ليه يتحرج ..!!!؟

إن كان مهب عتيبي يقول مهب عتيبي وخلاص ..

زي واحد قالوا له أنت عتيبي ولا ..؟

تدري وش قال ..؟

قال : ............. لا ..!!!

وأنا والله ما كتبت هالكلام إلا من حرقة في داخلي ..

ولو الود ودي كان اشتلت إثباتاتهم وخليت آخر الاسم ( العتيبي ) ..

أرجو إن تتحملون كلامي ..

تشكرااااااااااااااااات ..