الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصة وقصيدة

« آخـــر الـــمـــشـــاركــــات »
         :: الطبيب فيصل العتيبــــــــــــــــي في برنامج الثامنة ... لا يفوتكم (آخر رد :ابو فيصل العطاوي)       :: تعازينا للاستاذ حمود بن خيشوم العصيمي في وفاة إبنه (آخر رد :ابو فيصل العطاوي)       :: كيف نتعامل مع فيروس كورونا (آخر رد :فهيد الايدا المورقي)       :: سعادة أبدية (آخر رد :بندر الجهني)       :: أبرز شيوخ عتيبه في الحاضر (آخر رد :سفير النوايا)       :: مظلات وسواتر الاختيارالاول(مشاريع مظلات للمواقف السيارات-مظلات المدارس-مظلات الحدائق) (آخر رد :مظلات وسواترالاختيارالاول)       :: مسناد العتبان من ربيع الحدود الشمالية عام 1435هـ (آخر رد :مسعود بن سعود)       :: وليد المعلم في حاله صحيه حرجه (آخر رد :فهيد الايدا المورقي)       :: فيرس كورونا والإبل (آخر رد :فهيد الايدا المورقي)       :: سلام تسليمة وفا لوان فيها مداهمات (آخر رد :صامل العصيمي)      

إضافة رد
 
أدوات الموضوع انواع عرض الموضوع
قديم 09-Jan-2008, 08:55 PM رقم المشاركة : 1
معلومات العضو
يزن الهيلوم
عضو ماسي

الصورة الرمزية يزن الهيلوم

إحصائية العضو





التوقيت


يزن الهيلوم غير متواجد حالياً

Cool قصيدة [[ نايف المعلا]] لتفوووتكم

الشعر تعريفه بدون أية جدال
( كلام له معنى مقفى وموزون )

ولو قالوا أبا أقول عن كل الأقوال=هذا الصحيح وقولوا اللي تقولون
ماهو كلامٍ كيف ما قيل ينقال
وش لون ؟ مدري ! كيف ؟ ياكيف ! وش لون ؟
لا قافيه ، لا وزن ، لا نعت ، لا حال
لا وصف ، لا تشبيه ، لا شكل ، لا لون !
يعني سوالف بس من غير منوال
سولف وأسولف وأكثر الناس يوحون
حتى لو إنك جبتها مالها جال
أهم شي تكون رزّه ومزيون
وفي يدك ساعة تعطي الوان وأشكال
مطليّة بألماس ماهو زركون
وفـأصبعك خاتم فضة وفصه جلال
مغير يلمع كل ما قلت هاللون ؟
وشماغ لولا حبكته قلت طربال
لا والله الطربال مع شكله يهون
وعقال من شافه حلف ماهو عقال
يقول هذا عقال وإلا درقسون
وثوبٍ مفصّل ماهو آيات تفصال
لو تلبسه عذرا غدا القلب مفتون
ماهو بثوب الدفة بمية ريال
خامة قماشه ألف وألفين عربون
وإن كنت فاضي يوم ماعندك أشغال
عليك باستديو زماني أو فنون
وطق لك صورة كايفه مالها أمثال
ويفضل إن إيدك على خدك تكون
وحاول تعرف لك على شخص محتال
إعلاميٍ مشهور ماهوب مدفون
بإمكانه يخليك في أيام وليال
مشهور مثل النابغة وابن خلدون
وحاول قبل كل شي تغريه بالمال
لين إنه بكبره يصير إلك مرهون
وأشيا كثيره غير هذي على البال
ياناس ياعالم هو أنتم تشوفون
موروثنا الشعبي غدا نصه خبال
بيدين متشدق ، وساذج ، ومجنون
من عقب ماكانت توارثه الأجيال
أصبح مجرد شي زايد ومركون
ومن عقب ماكان يتنفس ويختال
صار أوكسجينه ثاني أكسيد كربون
تعرضوه صوير وعوير والفال
للي على نهج الثنينه يسيرون
صوير جنب عوير وعوير دجال
وعوير جنب صوير وصوير ملسون
عوير لامن قال يالال يالال
صوير يصرخ ؟ ياخي ابداع وجنون
يامال فرقا العين يامال يامال
جنون يمكن لكن ابداع تبطون
وإليا سمع بيتٍ من بيوت الأبطال
فلنفرض إنه من بيوت ابن لعبون
عقّد حجاجه وانقلب جده هبال
وراحت علومه كلها دون في دون
وقال الحقيقة كل عصر له رجال
وحنا بعصر التلفزة والتليفون ؟؟
لكن ويش الفرق يالغادي الضال
لكل عصر رجال والشعر مصيون
ماهوب عرضه للمهبل والأنذال
اللي ليا بانت نجومه يغيبون
نجومه اللي يستحقون الإجلال
أمثال : بندر ، والزلامي ، وابن عون
وابن سند ، والأكلبي ، وابن هذال
وبدر الحويفي ، والعسيلي يعدون
هذا مثال ! وباقي أمثال ، وأمثال
أسماً ذهب واصحابها ما يهونون
والشعر مهما صار باقي ولا زال
وشعّارنا في كل وادي يهيمون
ياكثرهم كثراه لا جت للأزال
وإن جات للشعر الحقيقي يقلون
مليون ؟ لكن لو تجيب إلك منخال
وتنخلهم بمنخال ماهم مليون
وأنا ما أبري نفسي بكل الأحوال
أخاف في المنخل مع اللي يطيحون !
لكن والله ماني قصير حبال
ولاني من اللي في القوايل يضيعون
والشعر احبه حب مافيه مدخال
ماني وصي الشعر لكن مغبون
من ناسٍ تحاول تحيّل وتحتال
ناسٍ بحذف السين ، والألْف ، والنون
عمالقة واحدهم إن قال ماطال
فطاحلة وإن ْ جيت للحق ما لون !
تحت مسمى الشعر يبنون الآمال
وآمالهم ياجعلهم ما يفيدون
صورة على غلاف المجلة بمدهال
وإلا حوار مطولٍ في التلفزون
وأعمالهم والله من شين الأعمال
هرجٍ يجيبونه وهرجٍ يودون
فلان قال ، وقال ، وفلان رجال
وفلان ماهو رجل وفلان دندون !
أقول ! ناولني من الكيف فنجال
ما عاد صدري يحتمل كثرة غبون
يقول ابن جدلان من عرض ما قال
تكفون صونوا كلمة الشعر تكفون
وأنا بقول اليوم عن كل الأقوال
هذا الصحيح وقولوا اللي تقولون















التوقيع
اضغط على الصورة لرؤيتها بالحجم الطبيعي



(( رادار فكري معك.... يالطيب مشغول ))

YAZAN.A.S.511@YAHOO.COM
رد مع اقتباس
قديم 10-Jan-2008, 01:32 AM رقم المشاركة : 2
معلومات العضو
محب الهيلا
عضو ممـــيز

الصورة الرمزية محب الهيلا

إحصائية العضو






التوقيت


محب الهيلا غير متواجد حالياً

افتراضي

مشكور وماقصرت على النقل















التوقيع
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي
رد مع اقتباس
قديم 11-Jan-2008, 08:55 AM رقم المشاركة : 3
معلومات العضو
رمزي المقاطي
عضو نشيط
إحصائية العضو






التوقيت


رمزي المقاطي غير متواجد حالياً

افتراضي

صح لسانه

يعطيك العافيه

تقبل مروري















رد مع اقتباس
قديم 11-Jan-2008, 11:56 AM رقم المشاركة : 4
معلومات العضو
عبدالرحمن الهيلوم
عضو
إحصائية العضو






التوقيت


عبدالرحمن الهيلوم غير متواجد حالياً

افتراضي

الشعر تعريفه بدون أية جدال
( كلام له معنى مقفى وموزون )

ولو قالوا أبا أقول عن كل الأقوال=هذا الصحيح وقولوا اللي تقولون
ماهو كلامٍ كيف ما قيل ينقال
وش لون ؟ مدري ! كيف ؟ ياكيف ! وش لون ؟
لا قافيه ، لا وزن ، لا نعت ، لا حال
لا وصف ، لا تشبيه ، لا شكل ، لا لون !
يعني سوالف بس من غير منوال
سولف وأسولف وأكثر الناس يوحون
حتى لو إنك جبتها مالها جال
أهم شي تكون رزّه ومزيون
وفي يدك ساعة تعطي الوان وأشكال
مطليّة بألماس ماهو زركون
وفـأصبعك خاتم فضة وفصه جلال
مغير يلمع كل ما قلت هاللون ؟
وشماغ لولا حبكته قلت طربال
لا والله الطربال مع شكله يهون
وعقال من شافه حلف ماهو عقال
يقول هذا عقال وإلا درقسون
وثوبٍ مفصّل ماهو آيات تفصال
لو تلبسه عذرا غدا القلب مفتون
ماهو بثوب الدفة بمية ريال
خامة قماشه ألف وألفين عربون
وإن كنت فاضي يوم ماعندك أشغال
عليك باستديو زماني أو فنون
وطق لك صورة كايفه مالها أمثال
ويفضل إن إيدك على خدك تكون
وحاول تعرف لك على شخص محتال
إعلاميٍ مشهور ماهوب مدفون
بإمكانه يخليك في أيام وليال
مشهور مثل النابغة وابن خلدون
وحاول قبل كل شي تغريه بالمال
لين إنه بكبره يصير إلك مرهون
وأشيا كثيره غير هذي على البال
ياناس ياعالم هو أنتم تشوفون
موروثنا الشعبي غدا نصه خبال
بيدين متشدق ، وساذج ، ومجنون
من عقب ماكانت توارثه الأجيال
أصبح مجرد شي زايد ومركون
ومن عقب ماكان يتنفس ويختال
صار أوكسجينه ثاني أكسيد كربون
تعرضوه صوير وعوير والفال
للي على نهج الثنينه يسيرون
صوير جنب عوير وعوير دجال
وعوير جنب صوير وصوير ملسون
عوير لامن قال يالال يالال
صوير يصرخ ؟ ياخي ابداع وجنون
يامال فرقا العين يامال يامال
جنون يمكن لكن ابداع تبطون
وإليا سمع بيتٍ من بيوت الأبطال
فلنفرض إنه من بيوت ابن لعبون
عقّد حجاجه وانقلب جده هبال
وراحت علومه كلها دون في دون
وقال الحقيقة كل عصر له رجال
وحنا بعصر التلفزة والتليفون ؟؟
لكن ويش الفرق يالغادي الضال
لكل عصر رجال والشعر مصيون
ماهوب عرضه للمهبل والأنذال
اللي ليا بانت نجومه يغيبون
نجومه اللي يستحقون الإجلال
أمثال : بندر ، والزلامي ، وابن عون
وابن سند ، والأكلبي ، وابن هذال
وبدر الحويفي ، والعسيلي يعدون
هذا مثال ! وباقي أمثال ، وأمثال
أسماً ذهب واصحابها ما يهونون
والشعر مهما صار باقي ولا زال
وشعّارنا في كل وادي يهيمون
ياكثرهم كثراه لا جت للأزال
وإن جات للشعر الحقيقي يقلون
مليون ؟ لكن لو تجيب إلك منخال
وتنخلهم بمنخال ماهم مليون
وأنا ما أبري نفسي بكل الأحوال
أخاف في المنخل مع اللي يطيحون !
لكن والله ماني قصير حبال
ولاني من اللي في القوايل يضيعون
والشعر احبه حب مافيه مدخال
ماني وصي الشعر لكن مغبون
من ناسٍ تحاول تحيّل وتحتال
ناسٍ بحذف السين ، والألْف ، والنون
عمالقة واحدهم إن قال ماطال
فطاحلة وإن ْ جيت للحق ما لون !
تحت مسمى الشعر يبنون الآمال
وآمالهم ياجعلهم ما يفيدون
صورة على غلاف المجلة بمدهال
وإلا حوار مطولٍ في التلفزون
وأعمالهم والله من شين الأعمال
هرجٍ يجيبونه وهرجٍ يودون
فلان قال ، وقال ، وفلان رجال
وفلان ماهو رجل وفلان دندون !
أقول ! ناولني من الكيف فنجال
ما عاد صدري يحتمل كثرة غبون
يقول ابن جدلان من عرض ما قال
تكفون صونوا كلمة الشعر تكفون
وأنا بقول اليوم عن كل الأقوال
هذا الصحيح وقولوا اللي تقولون


((مشكوووووووور يزن وكبرنا الخط لعيون شايبك ))















التوقيع
اضغط على الصورة لرؤيتها بالحجم الطبيعي
رد مع اقتباس
قديم 14-Jan-2008, 03:41 PM رقم المشاركة : 5
معلومات العضو
فهد النفيعي
مشرف سابق
إحصائية العضو






التوقيت


فهد النفيعي غير متواجد حالياً

إرسال رسالة عبر مراسل AIM إلى فهد النفيعي إرسال رسالة عبر مراسل MSN إلى فهد النفيعي
افتراضي

الشعر تعريفه بدون أية جدال
( كلام له معنى مقفى وموزون )

ولو قالوا أبا أقول عن كل الأقوال=هذا الصحيح وقولوا اللي تقولون
ماهو كلامٍ كيف ما قيل ينقال
وش لون ؟ مدري ! كيف ؟ ياكيف ! وش لون ؟
لا قافيه ، لا وزن ، لا نعت ، لا حال
لا وصف ، لا تشبيه ، لا شكل ، لا لون !
يعني سوالف بس من غير منوال
سولف وأسولف وأكثر الناس يوحون
حتى لو إنك جبتها مالها جال
أهم شي تكون رزّه ومزيون
وفي يدك ساعة تعطي الوان وأشكال
مطليّة بألماس ماهو زركون
وفـأصبعك خاتم فضة وفصه جلال
مغير يلمع كل ما قلت هاللون ؟
وشماغ لولا حبكته قلت طربال
لا والله الطربال مع شكله يهون
وعقال من شافه حلف ماهو عقال
يقول هذا عقال وإلا درقسون
وثوبٍ مفصّل ماهو آيات تفصال
لو تلبسه عذرا غدا القلب مفتون
ماهو بثوب الدفة بمية ريال
خامة قماشه ألف وألفين عربون
وإن كنت فاضي يوم ماعندك أشغال
عليك باستديو زماني أو فنون
وطق لك صورة كايفه مالها أمثال
ويفضل إن إيدك على خدك تكون
وحاول تعرف لك على شخص محتال
إعلاميٍ مشهور ماهوب مدفون
بإمكانه يخليك في أيام وليال
مشهور مثل النابغة وابن خلدون
وحاول قبل كل شي تغريه بالمال
لين إنه بكبره يصير إلك مرهون
وأشيا كثيره غير هذي على البال
ياناس ياعالم هو أنتم تشوفون
موروثنا الشعبي غدا نصه خبال
بيدين متشدق ، وساذج ، ومجنون
من عقب ماكانت توارثه الأجيال
أصبح مجرد شي زايد ومركون
ومن عقب ماكان يتنفس ويختال
صار أوكسجينه ثاني أكسيد كربون
تعرضوه صوير وعوير والفال
للي على نهج الثنينه يسيرون
صوير جنب عوير وعوير دجال
وعوير جنب صوير وصوير ملسون
عوير لامن قال يالال يالال
صوير يصرخ ؟ ياخي ابداع وجنون
يامال فرقا العين يامال يامال
جنون يمكن لكن ابداع تبطون
وإليا سمع بيتٍ من بيوت الأبطال
فلنفرض إنه من بيوت ابن لعبون
عقّد حجاجه وانقلب جده هبال
وراحت علومه كلها دون في دون
وقال الحقيقة كل عصر له رجال
وحنا بعصر التلفزة والتليفون ؟؟
لكن ويش الفرق يالغادي الضال
لكل عصر رجال والشعر مصيون
ماهوب عرضه للمهبل والأنذال
اللي ليا بانت نجومه يغيبون
نجومه اللي يستحقون الإجلال
أمثال : بندر ، والزلامي ، وابن عون
وابن سند ، والأكلبي ، وابن هذال
وبدر الحويفي ، والعسيلي يعدون
هذا مثال ! وباقي أمثال ، وأمثال
أسماً ذهب واصحابها ما يهونون
والشعر مهما صار باقي ولا زال
وشعّارنا في كل وادي يهيمون
ياكثرهم كثراه لا جت للأزال
وإن جات للشعر الحقيقي يقلون
مليون ؟ لكن لو تجيب إلك منخال
وتنخلهم بمنخال ماهم مليون
وأنا ما أبري نفسي بكل الأحوال
أخاف في المنخل مع اللي يطيحون !
لكن والله ماني قصير حبال
ولاني من اللي في القوايل يضيعون
والشعر احبه حب مافيه مدخال
ماني وصي الشعر لكن مغبون
من ناسٍ تحاول تحيّل وتحتال
ناسٍ بحذف السين ، والألْف ، والنون
عمالقة واحدهم إن قال ماطال
فطاحلة وإن ْ جيت للحق ما لون !
تحت مسمى الشعر يبنون الآمال
وآمالهم ياجعلهم ما يفيدون
صورة على غلاف المجلة بمدهال
وإلا حوار مطولٍ في التلفزون
وأعمالهم والله من شين الأعمال
هرجٍ يجيبونه وهرجٍ يودون
فلان قال ، وقال ، وفلان رجال
وفلان ماهو رجل وفلان دندون !
أقول ! ناولني من الكيف فنجال
ما عاد صدري يحتمل كثرة غبون
يقول ابن جدلان من عرض ما قال
تكفون صونوا كلمة الشعر تكفون
وأنا بقول اليوم عن كل الأقوال
هذا الصحيح وقولوا اللي تقولون


صح لسان قايلها وسلم بنان ناقلها















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »04:46 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2014, Jelsoft Enterprises Ltd
اتصل بنا تسجيل خروج   تصميم: حمد المقاطي