 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
05-Jan-2008, 03:40 PM
|
رقم المشاركة : 1 | |||||
|
مقتطفات من شعراء قحطان جمعتها لعيون الهيلا الي يستهلون كل علمن طيب
هذي بعض القصايد حاولت اني اجمعها لكم من شعراء قحطان واسمحولي الموضوع على قدي ما قدرت ادبر كل القصايد بس الجود من الموجود واسمحولس على القصور ونبدا وعلى فكره كل قصيده تحتحها اسم شاعرها سلام يا حضار قحطان بن هـود من شاعر قول التماثيـل قوتـه من سلسبيل بين الافكار موجـود مستعجل خوف المعانـي تفوتـه المجد يوجد له تواريخ وشهـود والشعر يشرح ما خفا من ثبوته من ديرة بن دليم وجبالها السـود حتى قطر واللي سكن في بيوتـه جواهر فيهـا تحاليـل وعقـود واصواتها فيها موسيقى ونوتـه انعم من الماهود والطف من النود في نجد لى هبت هبايـب خبوتـه اللي يذكرني على طـاري العـود هاك الشجاع اللي تجينـا نعوتـه شيخ الجحادر مارثة كل نمـرود رمز المفاخر في حياته وموتـه اللي ذكر قصة حنيضل وابا الدود في ما مضى والسابقات مغموته والشعر له ميدان ولسان وحدود واجمل بيوته ما ظهر من نحوته وأنا على ما قيل مانـي بمقـرود أخلي المخطي يسـاري وأشوتـه واجنب التضليل والنقص والـزود خوف من السامع يشغل رموتـه اسج من قول التماثيـل واعـود للشعر لى حانت معانـي وقوتـه في دربنا يوجد مطبـات وحيـود والمخطي اجمل من كلامه سكوته والكبر في سلم الرجاجيل منقـود راعي التكبر قامته طـول فوتـه ينظر شزر بالزود والعقل محدود يظهر غروره في كلامه وصوتـه كل الرجال بهم غضاريف وجلود والمنتفخ يملـى ثيابـه وكوتـه والماء يجي قبله براريق ورعود والجسم عند المنتهى زاد حوتـه والله جعل للدين حـراس وجنـود حرز من اللي بالمذاهـب يلوتـه والدين له حبل مع الناس ممدود من يلتزم به ما يضيـع سموتـه من لا تعلق في هل المجد والجود أضعف رجا من خيمة العنكبوتـه والجود يوجد له سلالات وحـدود تبقى عناوين الوفا فـي كروتـه الشاعر الكبير / حامد بن مايقه الحبابي البل عطايا مـن الرحمـن في محكم القـول ذاكرهـا اهي القضا العجـل للديـان كم مـن كسـور تجبرهـا وهي الة الحرب للشجعـان وهي افضل افخم مواترهـا الحومها تقـري الضيفـان والبانـهـا الله مطهـرهـا منها وفيهـا ذري البـردان ماضي الليالي وحاضرهـا ميراث الابناء من الجـدان رغـم السنيـن ودوايرهـا يازيـن مهدافهـا امسيـان ريحـة عبسهـا تعطرهـا من يخلي من البل المرحان خــص لياصارقـادرهـا اماالروابع ماهـي بسمـان والا مايـقـدر يـدبـرهـا يوم الجزيره نهب واكـوان والناس عمـي بصايرهـا حنا هل البل بنـو قحطـان في انضارنـا الله مكبرهـا نرخص الها غالي الاثمـان ونقـدر الـلـي يقـدرهـا من دونها ننطح الفرسـان اللـي تقـادح نواظـرهـا الجيش نرخي لها الارسـان والخيـل نحفـي حوافرهـا نتعب لها بنت كـل حصـان قـب وسـاع مناخـرهـا وكل ابلج يجـرح العـدوان ماهوب يـدرا مشاعرهـا اليا لكدهـا وجـاه اجنـان اطبوعـهـا ماتغـيـرهـا تصير طيـر بـلا جنحـان اعنانـهـا مايصخـرهـا تنصا المجاويخ والشيخـان الله علي الـروس وامرهـا وان جا لنبت الربيع الـوان وباري المتلـي احويرهـا ان حدرت نطلـق الحيـران وان سنـدت مـا نحدرهـا نسهج بها نايـد الريضـان عـن شفهـا مانحيـرهـا في الخوف ترعى بلا رعيان خلفاتهـا مـع عشايرهـا ويوم ان حظ الجزيـره زان عـود عليهـا محـررهـا بالشرع ومعزي وشامـان كل الفتـن قطـع دابرهـا بلادنا أمن ورخاء وايمـان تكبـر وتكثـر مفاخـرهـا فيها القبائل تقـول اخـوان مـن عودهـا لا صغيرهـا في ظل عبـدالله وسلطـان روس الحـرار ونوادرهـا حنا لهـم محـزم مليـان نرسى لاجـرت جرايرهـا اليادعونـا نجـي عجـلان فزعتـنـا مانـوخـرهـا اطوع من الجان لسليمـان واقرب من الجنـد لامرهـا يانجد فيـك المزايـن زان للبـل عسـي الله يكثرهـا البيض للـي جميلـه بـان اللي ماحسـب خسايرهـا رجال في الموجبات اعـوان فعولهـا البيـض تظهرهـا للطيـب لافتحـت البيبـان مامنهـم الـي يسكـرهـا عـزالله ان الكريـم معـان وراعي الجمايـل يدورهـا ناس تخلف عـن الركبـان مافـيـه عذريـعـذرهـا لوتملك من الذهب وديـان تمـوت ماحـد يخاشرهـا يالله دخيلك مـن الحرمـان ماجملتـهـا تجـايـرهـا البيض للـي جميلـه بـان اللي ماحسـب خسايرهـا عـزالله ان الكريـم معـان وراعي الجمايـل يدورهـا الشاعر الكبير / فلاح القرقاح اضرب على قوقل وعطني اعلومه مالك ومال امجمعيـن الكلامـي وليا غدى اسم الرجاجيل حومـه فالمعمعة مثل الجـراد التهامـي احدٍ يبيع ارخيص واحدٍ يسومـه اتحصل اسمي مع أكبار الاسامي بشعرٍ ليا مر الخشـوم معرومـه يطيح من عوج الخشوم العرامي قل للمغفل لا يواصـل هجومـه ترى نظامه يختلف عن نظامـي مابيني وبينه نقـاش وخصومـه مخاصم الجهال عيـب وحرامـي لعل جسمـه يسترنـه هدومـه ويجوز عن طرد الهوى والغرامي شعره يغذيه التـرف والنعومـه ارهف من النسمه وريش النعامي وشعري بحر ماكل رجلٍ يعومـه انشد خلف وانشد رشيد الزلامـي قل منهو اللي ماتثنـى عزومـه إليا احتمى الميقاف والشعر حامي مثل السحاب اللي ترادم غيومـه من يحتمي دوره عداه الملامـي في موقفٍ محـدٍ يخلـي لزومـه كـلٍ تلفـت للفشـق والحزامـي احدٍ تفاخربـه اربوعـه وقومـه واحدٍ مع الزحمه عليه السلامـي هذي رسالة مبهمـه ومختومـه مع جزيـل الشكـر والإحترامـي الشاعر الكبير الوزن الثقيل شاعر قحطان/ سلطان بن وسام الهاجري لك الحمـد يامـن عـز بالديـن دارنـا وعلى الديـن عـان صغارنـا واختارنـا علام مـا بالغيـب يجـري ومـا جـرى ويعلـم سرايرنـا ويعـلـم اجهـارنـا اللي بسط الارض وبنـا عالـي السمـا بحكمـه وبيـن ليلنـا مــن نهـارنـا كريم جزانا اليسـر مـن بعـد عسرنـا تعالى وفـك مـن المشاكـل او سارنـا قريب الفرج وقت الحرج معلـي الـدرج برايـات عـزه عنـد كسـر اعتبـارنـا الـه وهبنـا وهـبـة نشـكـره بـهـا وعطانا مـن جـزل الوهايـب ورارنـا الـولا بتقـوى الله وبالصـدق والنـقـا وترحيـب للخاطـر وتكـريـم جـارنـا بحسـن التواضـع لـه نبـاري خاطـره ونـدي لـه الواجـب بـحـد اقتـدارنـا ولـو كـان ماهـو الا كـرام نكـرمـه وعلـى وقـت نجيـه فـرح شنـارنـا وايـلا لفيـنـا بالطـروفـه نجيبـهـا لابـن جارنـا قبـل نتذكـر صغـارنـا نبغـي الـى مـن راح منـا لديـرتـه يسال الـذي تـوه علـى السيـر مارنـا وان عدوافـعـال القـبـايـل يـعـدنـا عـن افعالنـا بـه يـوم هـو جوارنـا وايضا الـى مـن الخـلا لـم بالخـوي جعلنـاه فـي راي الخـلا مستشـارنـا ومـن صافـي الدلـه نبـديـه قبلـنـا ومـن مايحـسـه ناقلـيـن حـذارنـا ولانقطـع العانـي ولانبـهـت الـبـري ولا حن بنجحـد بـر مـن كـان بارنـا والـى زارنـا المجـرم يقـزى ركايبـه لقينـاه بالترحـيـب قـبـل افتكـارنـا نفرج عن المظيـوم مـن ظيـم طـارده ونفـدي وراه اعمـارنـا دون عـرانـا نقول ان بيتك فـي حجـا نايـف العـلا وزبـن المجنـي بـه يزيـد افتخـارنـا والـى رمنـا ضـد يبغـي هـدم عزنـا وطـرا لـه بيسهجنـا ويسكـن ديارنـا وتمنـى بياخـذنـا بحيـلـه وقـوتـه فلاعـاد مـن بلـواه نبـدي عـذارنـا نرحـب الـى جانـا نذيـره ونحتـسـب بجزل الكرامـه لـه الـى منـه زارنـا نوفيـه بالشبـان والخـيـل والقـهـر وحـدب بهـا ناخـذ مـن الضـد ثارنـا والـى حميـت الهيجـا عثينـا بسوقهـا وبعنا علـى الشاريـن غالـي اعمارنـا فلايهمنا من راح فـي حومـة تاوغـى ولـو راح فيهـا مـن نـوادر خيارنـا ولكـن مـلام الايـم الـلـي يهمـنـا نقطـع لسـان اللـي مرامـه عيارنـا نبوع لمـن يـذرع ونثنـي لـه الوفـا ونـذرع لمـن يشبـر وطلـق هجارنـا ومـن قلـط الحسنـى جزينـاه مثلهـاا ومن رامنـا بالـزود قاسـي اخطارنـا كـم واحـد بالجهـل لـه هقـوة بـنـا وبالفعـل دل وذل مـن صلـو نـارنـا وان شـاف فينـا غـرة واعتـدى بنـا رجمناه رجـم ابليـس باقـوى اجمارنـا وكسرنـاه كسـرا مايوافـق لـه الـدوا وقـال المجبـر تخسلـف بـه اجبارنـا والايــام مــرات عليـنـا دبـورهـا ومـرات فيـهـا عـزنـا وانتصـارنـا وكـلام نقـولـه دون فـعـل يعيبـنـا وكلام علـى اثـر فعـل يرفـع وقارنـا ولا القيـل منـا مغنـى نشـر ضـدنـا ولا مايقـول الضـد فيـنـا بضـارنـا وبصـر الـذي بيقـول فينـا وسلمـنـا علـى خيـر سلـم تابعيـنـه كبـارنـا اقولـه وانـا مـن لابـة تكسـب الثنـا وبانـت مـع كـل النحـايـا اخبـارنـا بني هاجر اللـي حاضـر هجـرة النبـي وغـارت بساحـات المدينـه امهـارنـا ويقولـون باقـي حولهـا رمـح جدنـا بالاذكـار والتاريـخ عـنـده قـرارنـا وختامي صلى الله وسلم على النبي شفيعنا المـبـعـوث يـــوم احـتـضـارنـا على الال والاصحـاب مـا قـال مبتـدا لك الحمـد يامـن عـز بالديـن دارنـا الشاعر العلم / عمير بن راشد بن عفيشه الهاجري (1) الرعد والبرق والغيـم وانسـام الهبـوب والمزون اللي تشـوق العيـون نصوبهـا ساقها الرحمن من كل حدب وكـل صـوب والتقت من فـوق قمـة عسيـر دروبهـا نطحت السحب الركاميـة جبـال الجنـوب وفي سماها ذابت جنوبهـا فـي جنوبهـا الشوامخ لبست الثلج والماء لبـس ثـوب والسهـول استقبلـت ضيفهـا باسلوبهـا الارض صارت تحت زخم النوامي والعشوب جـادلٍ صبحيـة العيـد تلبـس ثوبـهـا عيطموس وبنت شيـخٍ معنـز ومحسـوب فتنـةٍ مـن ناصيتهـا الـى عرقوبـهـا ربعَت بقـدوم غيـث المنـازل والقلـوب الملـك عـبـدالله محبـهـا محبوبـهـا حاكم يرهيٍ على شعب ويسانـد شعـوب ويدعـم الامـة وحكامـهـا وشعوبـهـا جنُب بـلاده الاهانـة وويـلات الحـروب يوم غيره صـارو اذنـوب فـوق ذنوبهـا مرحبا بك يا أبيض الوجه حـلال الكـروب في الظروف اللي تهول العقـول خطوبهـا بين أهل صدق موالين مـا فيهـم كـذوب استغلوا فرصـة قدومـك وفرحـوا بهـا انت بأمر مكـون الكـون عـلام الغيـوب قبـل تملـك مملكتهـا ملكـت قلوبـهـا وابو خالد مرحبا بـه تراحيـب الوجـوب عد نور الشمـس وشروقهـا وغروبهـا ياهلا يا رمز الاخلاص والجهـد الـدؤوب لا احضرت اهل المواجيب في مـا جوبهـا في ديارك وانت فيها يا سلطـان محبـوب ابـرك الايـام يـوم يجيـبـك صوبـهـا عشت والي عهد غيث المنـازل والقلـوب الملـك عـبـدالله محبـهـا محبوبـهـا حاكمٍ يرهي على شعب ويسانـد شعـوب ويدعـم الامـة وحكامـهـا وشعوبـهـا (2) يا سيـدي قبـل تقريبـا ثلاثيـن عـام سقت اول خطاي بين البيـت والمدرسـة ودرست كل الكلام اللـي عليـه الكـلام في الفقه والجبـر والتفسيـر والهندسـة قريت سيـرة رسـول الله خيـر الانـام وادركت ليش الوطـن يستاهـل نقدسـه وعرفت كيف انتصر عبدالعزيـز الامـام ووحـد وطنـا ولـم اشتاتـه وسيسـه وزميلي اصبح مثالي في الادب والنظـام يهتم فـي كتبـه ويهتـم فـي ملبسـه اللي من اول يشيل مسدسه فـي الحـزام صار قلمـه محزمـه وكتابـه مسدسـه الطالب اكـرم بعلـم وتربيـه واهتمـام والحر يفـرح بـه الصقـار لا قرنسـه حصل على ملبس ونقل وشراب وطعـام وجوايـز تدفعـه للعـلـم وتحمـسـه حمـلات وزارة الصحـة تجـي بانتظـام بوقايـةٍ مـن جراثيـم الوبـا تحرسـه العلم يمحى الجهل والنور يجلـى الظـلام لولا الفكر فضِل العامـل علـى ريَسـه كنا بدو قح نجهـل حتـى آداب السـلام والجهل لو جا على العود الخضر يبسـه احدٍ يسوق النخل واحدٍ يسـوق الجهـام وأحدٍ ورى الصيد كامـل جهـده يكرسـه كم خشف ريمٍ ما يرعى الا غصون البشام خلى المشوك مع الصفره يصـك نفسـه رغم الفقر والمشقه والظـروف الجسـام ما منا رجال عن ضيفـه قفـل مجلسـه بجهودكم ياهـل العوجـا بلغنـا المـرام عز الله انها جهـود مـا هـي بمفلسـه التنميـة والبنـا والـبـذل والاحـتـرام يشهد لها الواقـع اللـي كلنـا نلمسـه (3) بريةٍ مـا طـب فـي السـوق نوعهـا بهارهـا غالـي وحـالـي قدوعـهـا خيـرة ثمـار الباسقـات المشمرخـة خضر الجريـد اللـي طـوال فروعهـا عـز الله ان فنجالهـا يبعـد الـخـوا وهـاذي مواطنهـا وهـاذي ربوعهـا يا خـادم البيتيـن يـا حاكـم الوطـن حجابهـا لا خفـت وطـار شوعـهـا يا نورنا الوهـاج فـي ديجـر الدجـى درع الجزيرة مـن ضماهـا وجوعهـا صقـر العروبـة مـن بحرهـا لبرهـا ذخر أمـة محمـد مطبـق شروعهـا حلال عسرات القضايـا ليـا اصبحـت صعـبٍ تقدمهـا وصعـبٍ رجوعـهـا حقنـت دم الأمـة الـلـي تنـاحـرت ووحـدت كلمتهـا وهديتهـا روعهـا واللي ورى القضبـان فرجـت كربتـه رفيـت خـلاتٍ مـا ترفـى شلوعهـا ولو نبغي نعـدد خصالـك يـا سيـدي ناخذ سنـة مـن سبتهـا لا ربوعهـا يهناك حـب الشعـب باكمـل طوايفـه ويهنـاك نفـس مـا تغيـر طبوعهـا وقلبٍ يحـس بكـل شـيٍ نحـس بـه وجــوارحٍ لله عـجـلٍ خشـوعـهـا وعينٍ باذن من سلسل الماء من السماء يـوم القيامـة تشهـد الهـا دموعهـا واخوك ابو خالد ولـي عهـدك الوفـي راعي الجهـود اللـي كبـارٍ نفوعهـا سلطـان سلطـان النواميـس والسعـد امانهـا ومـروع الـلـي يروعـهـا غيـث الضعيَـف والمعـوق والارملـة اللـي مـن الفرقـا ولعهـا يلوعهـا جتها الفجيعـة فـي شريـدة رجالهـا ومـن البكـا بغـت تحطـم ضلوعهـا هو سترها الضافي وهو ستـر غيرهـا لان المكـارم تنثنـي لـه بطوعـهـا وأنتوا يا ابو متعب ذرانا مـن القصـى لازاع حـزات الرخـا مـا يزوعـهـا وحنا علـى الميثـاق والعهـد والـولا قوة وطـن تجلـى الملامـة وقوعهـا آمالـنـا فيـكـم كبـيـرة ودارنــا نبغي معزتهـا مـا نبغـي خضوعهـا العالـم الثـالـث لا بــد نتـجـاوزه ونكبـر الفرحـه ونوقـد شموعـهـا نـدرس جديـد التقنـيـة ونتعلـمـه ونعـرف طرايقهـا ونعـرف سنوعهـا ونبنـي لنـا صـرحٍ يليـق بمقامـنـا له طلعـةٍ يشـوف الاعمـى طلوعهـا عدواننـا عــارٍ عليـنـا سلاحـنـا ان كـان مـا قمنـا نفـرق جموعهـا حـنـا لدولتـنـا جـنـودٍ مـجـنـدة حنـا ذخايـرهـا وحـنـا دروعـهـا الشاعر الكبير / فلاح القرقاح قال ابن ريفه بدا في المرقـب العالـي باعلى المراقيـب تومـي بـه هبايبهـا ما يوصله كون صافي الريش والوالـي والا الولع يـوم يفنـك فـي عجايبهـا عديـت فـي مرقبـي مانيـب كسالـي اخـاف مـن خبـرة باحـت مزاهبهـا يامرقبي جـاك مـن الامطـار همالـي قنوف مـزن مـن المنشـا يهـل ابهـا هيضنـي الرجـم وانـا دالـه ٍ سالـي وذكر على القلب لارض اللي ربيت ابها ذكر عليـه رجـوع الثفـن لا سالـي وعطفة طريـب ليـا زافـت جوانبهـا لامن غدا الفيـض كنـه زرع عمالـي وسيلـه مـن الوسـم للوديـان ناهبهـا كم مـرة قـد رعينـا عشبـه المالـي وبيوتنـا لاوزا المجـرم يلـوذ بـهـا نبنـي ببيـوت بـعـراف وجهـالـي وانا جا النـذر مـن حفيـف مانزهبهـا بعيـال مفلـح وهـم حمايـة التـالـي بمحول صلفـات عطيبـات ٍضرايبهـا وسيوفهم مـن عـرق لايديـن نحالـي فـي مقـدم الـراس بيّنـت مضاربهـا وربعي عبيده وانا مـن حربهـم جالـي هل هية في الضحـى تشعـا كسايبهـا انشد عبيده هل الطـولات مـن حالـي وانشـد لاجانيـب يـوم انـا نقاربهـا منهـو يقلـط علـى فـرش وفنجالـي وسعـد ابـن عمـه لياجاتـه مكاربهـا لامـن غـدوا بيـن نقـاض وفتـالـي وصفوا الاجانيـب واشتـدت طلايبهـا عديتهم ثم لفحـت بهـم علـى الجالـي لفح الدلـي للمعـدي صـوب جاذبهـا وانا من الخبرة اللـي شورهـم عالـي واهل سلـوك الـردي يـارب تذهبهـا واللـي جليـل وللصعبـات حـلالـي ارفـع نواصيـه يـاربـي وقطبـهـا قم يانديبي على اللـي مشيهـا ارمالـي مامونـة يرفـع الـهـولان غاربـهـا تزهى السفايف وتزهي الخرج وحبالـي ومجرب لاسرى فـي الليـل صالبهـا وتقرّب المبتعـد مـن روس الامثالـي مايشتحن مـن هـل العيـرات راكبهـا لا روحت مع سباريت الخـلا الخالـي كـن الذيابـه تنهـش مـن ترايبهـا!! ملفاك من يلبسـون الجـوخ والشالـي ربعي ودرعي وضـد اللـي يحاربهـا ملفـاك شيـخ القبيلـة حامـي التالـي عند ابـن شفلـوت يالمرسـول قربهـا هو مزبن اللي نصـاه وحـده الجالـي الكايـده عـادتـه يطـلـق نشايبـهـا قل له على طالت المـدة وانـا جالـي عشر سنوات مضت بحسـاب مقطبهـا فان كان ربعي نسونـي مانـي بغالـي باعيـش فـي ديـرة قفـر جوانبـهـا في ايدي قرار تكـف الجمـع لانهالـي طويلـة ناحـل مقـضـب خشايبـهـا حي الطويله وحي اللـي شراهـا لـي مـن واحـد جابهـا للسـوق جالبهـا مشرية في الدهر يوم ارخـص الغالـي بميـه وعشريـن مـا يمهـل بغايبهـا حديدهـا واذكـر الله كـنـه ريـالـي كـن الحيايـا تطـوا فـي مقاضبـهـا بنت غراهـا زبـاد فـي ايـد دلالـي والا طمـوح هواهـا مـن يلاعبـهـا اقف بهـا دون ربعـي وامنـع التالـي لعيـون ملـحـاً تباريـهـا جنايبـهـا واسرح بها في السحر مانـي بكسالـي وكـم جملـة فرقـت منهـا ربايبـهـا اضرب بها الوعل لاجاد لـه تهسالـي ابـو حنيـه كبيـر الـراس شايبـهـا يازين ضرب بهـا فـي منجـم خالـي تلقى على عقبهـا مـن دفـق شاربهـا وليـا لفينـا مـن المقنـاص زعالـي أحـد مـدح بندقـه وأحـد يعذربـهـا بشرتهـم بالعشـا مـن عقـب مقيالـي القايـده مـع مـرد الكـوع ضاربهـا عط الطويله عريـب الجـد والخالـي والاّ الـردي لا تخلونـه يـزول ابهـا ويالله وانا طالبـك حمـرا هـو بالـي لا روح الجـيـش طـفـاح جنايبـهـا لا روح الجيش حاديه اشهـب اللالـي لا هي تـورد وسيـع صـدر راكبهـا اللي على كورهـا واللـي بالاحبالـي واللي علـى عيزهـا واللـي بغاربهـا ورجوا من الله عسى الايـام تصفالـي في تالي الوقت تصفـى لـي مشاربهـا تمـت وصلـوا عـدد ماهـل همالـي علـى نبـي شـروع الحـق رتبـهـا اغفـر ذنـوب الفـتـى يالله يـاوالـي لا جيـت فـي حفـرة رزوا نصايبهـا الشاعر المعروف فراج ابن ريفه جد فلاح القرقاح أنا لِيَا كثرت لَشَاوير مـا شِيْـرْ وحلفت ماتي بارزٍ مـا دعانـي وانا صديقه في ليالي المعاسيـر والا الرخـا كـل يِسِـد بمكانِـي وشُوري لِيا هَجّت تُوالي المظاهير شلفَا عليها رايـب الـدمّ قَانـي شلفاً معوّدها لجـدع المشاهيـر يوم السّبايـا كنّهـا الدّيدَحانـي ماني بخبلٍ ما يعـرف المعابيـر قدني على قطع الفرَج مِرجعانـي إن سندُوا حدرت يـم الجُوافيـر وان حـدّروا سنّـدت لمريغانـي ناخذ بخيران المريبـخ مساييـر ما دبّر المولى على العبد كانـي الشيخ والشاعر والفارس / شالح بن هدلان ياخيّتـي هـذا الزمـان التافـه خلاني أتعـرّف علـى طُُرّافـه في ليلـةٍ عقّـال أهلهـا قِلّـه هاجه وسمّاجـه وضيـم وآفـه منا تجي خطمـه ومنـا لطمـه لاوالله إلا شغّلـوو المِحـذافـه والماقف أللي تعّسُـره شيبانـه وتغيب عنه .. تحوفه الحوافـه والمجلس أللي فيه عشر أشـدّه عجزت لاعّرِف هامته وأطرافـه والعارفيـن (أشدادهـم) مايُثّنـا لاصرت راعي مشيخه وعِّرافـه ومن لاخذو شوره وهم في بيته لا تحسبـه ولا تعيـد تخـافـه تـدرون يارجـلٍ بليّـا هيـبـه ماينحفـظ قـدره ولا ميقـافـه لوكنت ذا مالٍ ولا لك سُلطـه ؟ خليفـةٍ لكـن بـدون خـلافـه ياحبني لـك يالقصيـد الشعبـي من بحـره لقيفانـه لمحرافـه أملك من الاشعار مايجعـل لـه فى الصدر بنك وفى الجما صرافه نغمة قوافيّـه تهيّـض سمعـي علـى نغـم تسلّسلـه ولاّفـه يهبنـي هبـه ويـدرج سيلـه أعّرف مضمّرّته ومـن عُسّافـه أحيان ياخذ وهفتي مـن وقتـي عشرة دقايق .. لاصدق وهافـه وكثيرتـه يوميـن لا طوّلـهـا ألاحي المشرف علـى مشرافـه ولايقـال إلا لعيـنـا مطـلـق هيّابتـه ياكثـرهـم وحّـلافـه ولاّ لصرفٍ من صـروف الدنيـا أشين من صروف الزمان إنكافه تهب فى الميـدان هبّـة موتـه ماهيـب لا نسمـه ولاهفهافـه تمر في صدر الشجاع الصامـل وتجنّب أصدور القصب وحشافـه ولاّ لعينـا الشايـخ المتشـيـخ على النهـر منابعـه وضفافـه سلطان صدري حاكـمٍ سلطنتـه قابل سمانه بالهـوى وعجافـه مشتتيـن الشمـل يـا فرقاهـم يامال فرقـا العالـم المنعافـه منهـم ومـن نماتهـم ياغالـي ومن الشقاء وشفاقته وشعافـه مجار ياشوفي وممشى جوفـي ياهيف زرع الصـدر ياميلافـه شفني بدونك ضايعٍ فـي غبّـه باقي على راس الغريق اكتافـه أنا أعرف إن لوكلهـم حبونـي نصف المحبه غصّبـةً وكلافـه حبٍ معه شِكه ورسـم وخطـه أفضل لي إنسى عدّلته ونصافـه أتصدق أني ما شبحـت أخلافـي إلا لصاح ابوي .. يامن شافـه مفصول عندي من زمان الريوس الـراس لاريـوس ولانسـافـه يسدني عن زلـةٍ مـن غالـي عـذرٍ جميـل ونبـرةٍ شفافـه ولابقـى إلا أهلّـهـا قـدامـك دمعة عزيز كـم لهـا منرافـه ملّحتك فينـي ماتبكـي عينـي وملحتك ماترضى علي إهزافـه ولاتخلينـي أدربــي راســي أسوقهـا هجـافـةٍ سجـافـه أبي حنانـك طـول الله عمـرك اغلا نموناتـه واعـز أصنافـه مابـي حنـان كنّهـم معطينـه وزارة التعلـيـم للكـشـافـه الشاعر المبدع / علي بن حمري ياابن المطـوع بالتماثيـل بانبيـك انبيك واهدي لك جزيـل السلامـي سهرت ليل البارحـه فاكـرا فيـك واسعف هدفها يوم هـب الولامـي واخذ السلام اعموم والهرج ناصيك سلام عـم الحاضريـن الكرامـي بابيـات منهـو شوقنـه معانيـك ومن ربعنا جانا جزيـل العلامـي فـات الاوان ولالحقنـا انخاويـك في ساعه حرجه وقـت اقتحامـي وبالعز والنامـوس جينـا نهنيـك والي حضر منـا عـداه الملامـي ربعك بني هاجـر تعـزك وتغليـك حاذر وفيهـم لا تطيـع الكلامـي الله علـى درب السعـاده يقديـك والله يفكك مـن عيـال الحرامـي خلك على ممشاك وابعـد مناحيـك وقحطان هم ربعك نهار الحزامـي واولاد بن منصـور جبـر يذريـك لاهاجت الهيجـه وثـار القتامـي وجنب وعبيده ربع ما فيه تشكيـك من فعلهم عنـد القبايـل حشامـي ولاتحـط هـذا دون هـذا يواليـك حتاك تسلم مـن جميـع الملامـي وايضا الـى منـه تبـي معاديـك ياتون من دونك وضـدك كعامـي وانضر بوقت اليوم وفكر بماضيـك وقت يغيـره الزمـن كـل عامـي ما قلتها ياكون لـي مقصـد فيـك وانت الذي تفهم طريـق النظامـي حتى تعلا فـوق ويخيـب شانيـك والعمر له تاريخ ما بـه مقامـي ذكرت ما فكـرت مانـي مغريـك واسمع وفكر زين وافهـم مرامـي ياللي بنيت البيـت ثبـت مبانيـك ترى عقب الساس يبغـي طمامـي مدهل نشامى ما تجيـه الصعاليـك عليـك بالطيـب وكـب الخمامـي الي بكثر الهـرج يـوذي ويوذيـك هـذاك عنـدك لايجيلـه مقامـي بعض الرجال يقـول بسنينـا ذيـك يقول ابـوه انـه عقيـد الجهامـي واليـوم لا هـاذي ولاذي ولاذيـك عايش وهو ملموم تحت اللمامـي دنيـا تهـز اركونهـا بدرابـيـك صحيح قام الحرب شرق وشامـي بعض الرجال يقولي ويش مغديـك قلت احلق الشارب وركب زمامـي انـا بواديـي وخـلـك بـواديـك خلك بيتـك ليـن تشبـع منامـي لاصرت فاشل وشتبي الناس تاتيـك حضك هدام جعل حضـك هدامـي اصحى تعرض شيء ما هوب يعنيك فاسجل اسمك عمد بـدت لسامـي الله من الناموس والعـز معميـك بالكبريـا والــزوم واللتهـامـي نييد محمد مـا لنـا حاجـة فيـك ابن المطوع هو قمعـت السنامـي الشرح واضح يـا محمـد بتكتيـك ايعيش با سمك با جمـل اسامـي كـلام منهـو بالتماثيـل يوعيـك واقبل تحياتي مع اجـزل سلامـي -2- قلبي اللي كـل ماقلـت هـود واستـراح دك به هاجـوس وادوا مـع غبـة بحـر هام في بحر الهواء مثل مكسور الجنـاح .ان رجع خسران ون هام لا هو في خطر قلبي اللي من سببهـم تهاوتـة الرمـاح كانين ما بي وهو يزعـج الـدم الحمـر كم شهر من دون خلي وكم ليل وصبـاح من شهر تسعة وها الحين لي حادي عشر عود موزٍ ناعمـاً مشربـه وقـرٍ قـراح كل ما هبت هبوب العصـاري وانهصـر تل قلبي تلـت الدلـو مـن راس اللـداح لا نقطع نص الرشا فـي قليبـه وانحـدر يوم تومي به مع النود صلفـات الريـاح يا محمد وقف الميز مـا عنـدي صبـر طولت الأيام مـن دونهـم والسـد بـاح لا حصل فرصه نجيهـم ولا جانـا خبـر لا ذكرته ضاق صدري من الاجي وفـاح وعيني اللي من سببهم مطاولها السهـر اشهد اني صوبهـم كـان ودي بالمـراح والمعزب ما سمحلي وانا شفـت القهـر لا طلبته رخصـة قالـي مالـك سمـاح قلت له يا سيدي سم وحنـا فـي الأمـر -3- سبق ان اضيفت هنا في مرقاب السديري وهي رثاء في الملك فهد رحمه الله الهاجري يثبت كلامـه ليـا قـال ولا فخر في عـد كثـر القصايـد والشعر له زبده ويسمج ليا طـال وجزل المعاني فيه منهـا فوايـد لا صار ما للشعر ناقـد و فتـال ما ينفعك لو تنشره فـي الجرايـد انا شهد أنه لف بالبشـت رجـال أكبر فقيـده مـن كبـار الفقايـد لعل.له في جنـة الخلـد منـزال حل القدر ما عـاد منهـا صدايـد هذا فهد لاعـد تاريـخ الابطـال سجل له التاريـخ بالمجـد رايـد رايـد وقايـد للمهمـات حــلال وليثٍ ليا جات السنيـن الشدايـد فرز الوغى حلحيل ماهوب ينحـال وحن مومنين وراح ماهوب عايـد وطويق راسي في محلـه ولازال والغرب يرزح في محلـه محايـد موتة بطل والملك بيدين الابطـال لاراح قايد يمتطـي الملـك قايـد اخوان نوره قصروا شبر من عال بالسيف جتهـم مالقوهـا برايـد شرسين في حال وفي حال عقـال ومن ماضي التاريخ معهم شهايـد اسلوبهم معروف نبهيـن وثقـال هـاذي قديمـات وهـاذي جدايـد يعيش ابو متعب عن الحق ما مال بالعدل والانصاف والامـن سايـد غيثٍ ليا انشا ينثر المـزن همـال ذاع التواضع والعفـو و الزوايـد اصوك ويجزع من عقاله ليا مـال واقطع من الفولاذ مالـه شرايـد ولي عهده بالوفاء مالـه أمثـال سلطان أبوخالـد وسيـع البنايـد حجا خويه لاحداه أشهـب الـلال لاقيل يـا سلطـان يـا بالعوايـد جعله أفداه أمجمعة روس الاموال يفدونه اللي يجمعـون الرصايـد سورٍ على شعبه من الحيف وظلال وستر العذارا لا رمـن بالصمايـد ما دوّن التاريـخ تقـراه الاجيـال فوق السحاب يحوم مالـه ندايـد لو للكرم في وقتنا اليـوم فنجـال شربه ويشهد لـه قريـبٍ ونايـد من عادتي لاني بجامل ولا اسـال ولا يجيك شيٍ كون ما الرب رايـد وانا على ما اقول يشهد لي رجال شبره على شبار المطاليـق زايـد كلمة وفا منـي لذربيـن الافعـال بسم الهواجر وقحطـان وعبايـد بداح بن محمد بن عديّمه المسارير الهاجري البارحه بيـن الطبيـب اولشاعـه هجدني الموت وهجـدت السعافـي نومي الى مني قسيـت انجضاعـه اتغفـي اعيونـي ولانيـب غافـي اون ونـات الهمـوم المـراعـه لسمعهـا النايـم يطـش الحافـي اطلب من الله الشفـاء والشفاعـه الله هو الوجـه الكريـم المشافـي يهـل المواتـر طيبـات الصناعـه طرز الجموس اللي تبوج الفيافـي لشعشع الصبح المنيـر بشعاعـه يابعد مسراح الجمـوس الخفافـي يطروش لونكم تريضـون ساعـه يمدينـي اجهـز سلامـي وقافـي ورق وظرف وحبر والات اطباعـه مانيب مهديهـا عرايـا اضعافـي مايصلح الروسي ابليـا اشراعـه ولاتصلح السلـه ابليـاء اغلافـي عزالله انها سانعـة لـي اسناعـه راعي الدوام اللي بفوج ابن شافـي هياء تهيأ لـك سمـا الله اوقاعـه هدو ا وصحوا مابه غيوم واسوافي دون الرياض ارضٍ تعاوا اسباعـه مافي النفـود امكيفـات وكرافـي ووصيك عن فتح الكتاب وضياعـه اموضح العنـوان والسـر خافـي طـوف الكتايـب كلهـا والاذاعـه وطوف الملاعب كلهـا والمطافـي حي الملك فيصـل وراك اندفاعـه ابتل وتلقاء لـك عليـه انعطافـي ملفاك بيـتً فـي علـو الرفاعـه يلفي عليه اللي مـن البعـد لافـي سلم على مطلق وعطـه الوداعـه عازة رفيق(ن) رافقتـك العوافـي الى وفا شبـره وذرعـه وباعـه صبي الوفا يستاهل النعـم وافـي راعي المضيف اللي يمتع متاعـه وراعي الدلال المتعبـات النضافـي ضيفه يفارقـه الخـوا والمجاعـه امـا علـى حيـران ولا هرافـي أغلى ثمن في الطيب وأطيب انواعه يتعـب عليـه ويشتريـه ابللافـي كف البخيل ايغوض مـده وباعـه وكف الكريم امن الفقـر مايخافـي راعي العطاء مغني فقاراء الجماعه كم ساق دين وكم نقل رجل حافـي دراهمه ما حطهـا فـي بضاعـه نصف عطا والنصف الاخر اسلافي اطباع ابوه اللـي تطبـع اطباعـه لي ابو جعيثن من جعيثن اوصافـي نتبه ابوه اللـي طويلـن اذراعـه مطلق اسنافي وابو مطلق اسنافـي اللي لبس تاج الكـرم والشجاعـه فعل وجاله صيت مسمـه ابهافـي مشبع جواعاء الناس قبل الشباعه يـوم الليالـي لـولات العجافـي امرابعن بيتـه اوساعـن ارباعـه فيّه على روس المساكين ضافـي والحمل لمنـه احتملـه استطاعـه مواقفـه بيـن المواقـف تشافـي يستاهل القلـب البتـوع البتاعـه لكلـح الناجـد وقصـرت لشافـي اوضح الواقـع ابهـرج الوقاعـه الصدق نـوراً ماشعاعـه ابطافـي الواقـع ايـزود البراعـه براعـه مال الصحيح الا على ساس قافـي والمدح فيك امولعـن بـه ولاعـه من خلقتي مانيب اجامـل وصافـي وانا غني واكبـر غنـاه القناعـه ماهيب من شان الهداياء اهدافـي اجني القناعه مثل جنـي الزراعـه ولاعلـي والحـمـد لله اخـلافـي اللازمه واللـي عليهـا الطماعـه من شانها خليـت جـوده اخلافـي يابـو جعيثـن عـزك الله بطاعـه طاف ارمضان وجاء تبيعه وطافـي واتلات ما عنـد الجمـل لرتباعـه ويش السبب جا في وعدك اختلافي ان ماعقدت الحبل قبـل انقطاعـه المقبلات احسـب عليهـا مقافـي للجم مهمـا يبعـد الجـم قاعـه اره الحبال ويضهر الجـم صافـي اتعبني الخصـم النشيـط ابنزاعـه وامضيت بالخط العريض اعترافـي والفزعه اللي غير فزعتـك لاعـه اكزهـا كـز المـذاق الحيـافـي اصـد عنهـا واعتبرهـا دناعـه ماليبهـا واصـد عنهـا اعيافـي عزم على راعي الدعاوي وداعـه وافـي ولامنـك تعزويـت تافـي فارع عليها لـو تطـول الفراعـه وقف نصدها لـو يطـول الوقافـي وجبها مثل جيب العقيـد القلاعـه بأمر وخبر ماله امعارض ونافـي وانفع بهـا حـالً تحـب انتفاعـه واشرح بها صدراً همومه اصنافـي افـزع بيومـاً ماتونـي افزاعـه ابشر وجاك الخير ماهـوب كافـي ماعاد في بالي من الصبر ساعـه واقبل تحياتـي ومضمـون قافـي الشاعر مطلق الطايعي في الفراغه كـل واحـد يقـول اللـي يقـول**وعند وقت الضيق يطلع صميدع في اعشـره الجبل دربه وعـر والليـان مـن السهـول**واقصر الجـدران مـن راد يطمـر اطمـره الرجل ياخذ مـن أشـوار صاحيـن العقـول**ما يشاور لـه رديـن ومـن كنـه المـره سامع (ن) خبل (ن) يطبل مع ناس (ن) أخبول**والخبل واللـي سواتـه بعيـد مـن الشـره شرهتي والله على اللـي يشيلـون الحمـول**ناقلة حمـل الضعيـف اليـا منـه أعسـره انت ياللي في المجالس تجـاوزت الوصـول**لابـك احيمـاً وهرجـك كثـيـر وبـربـره اترك اللي ينطـح الواجبـه زحـل الزحـول**والله انـك مـا توصـل كراسـي منـبـره الذليـل المختفـي فـي غويـرات الدحـول**أمـا انـا راعـي الدبـر لازم احـك ادبـره مثلك وشرواك ماظـن يقـدر فـي الحلـول**دون خيـره ليتـه يكـف شـره واقـشـره يا خشير أم الولـد فـي السجايـا والدلـول**لعنبـو منهوخـذا مـن وصيـاك أشـعـره ويش عرضك الحصن وانت من جيز العجـول**وط راسـك لا يشوفـك بغيـض (ن) يقبـره الجهالـه مـا جلهنـا ولا فيـنـا جـهـول**الـدروب وسـاع والضيـق فـوق القنطـره ما فتحنا فـي المشاكـل مصنجـة القفـول**نعـرف الدربيـن الأيمـن ودرب الميسـره تابيعـن سلـم أبانـا ولا فيـنـا كـسـول**من تكاسل في النوايـب عسـى الله ينحـره مـا نعيـل ولا نخلـي طـريـق للعـيـول**حافظيـن انفوسنـا والـردى مـا ننـثـره وفي الفعايل ماخذيـن سهمنـا فـي الفعـول**كـل علـم يرفـع الـراس ناخـذ عنـبـره والعرب فيهـا مقـدم ومـن كنـه الذيـول**والردي يحشم مـن اجـل الحـرار المنـدره وفي اللزز تظهر أخيول تجيك مـن الخيـول**تظهـر الحصـن الاصايـل وتبقـا المنكـره والحقوق الها حلـوق تعـدي مـن يصـول**والرقـاب الهـا يديـن (ن) تـرد الغرغـره والسكات من الرضـاء والخجالـه للخجـول**والعواجه بعض الأمـرار تسـوي الكركـره والحكي يوجع اليا جاء على غيـر امعقـول**ينتشـر بيـن الرياجيـل ويــذاع اخـبـره ويش مـن لـو لا القدامـا معدلـة الميـول**كـان مـا جينـا بعلـم (ن) يعـد ونذكـره والـردى هـو الـردى للجديـد والسمـول**ومن يحرف في المعاني عسـى الله يغظـره يغفر المولى لمنهـو يشـاء حتـى الزلـول**لو كمـا زبـد البحـر مـن خطايـا يغفـره والشفاعه للنبي صفـوت الخلـق الرسـول**الرجـاء كـف الـدوادي وكثـر السـنـدره الشاعر(مبارك بن حسين بن باكور المظفري الهاجري) وقتي معاندني.. وانا ابــوك ياعــنــاد ** وقتي تحداني.... تحدي.... تـــــحـــدي جار الزمان.... وزود الـجور بعـــنـــــاد ** الحظ ...والايام... يا عناد.... ضــــــــدي لاجاد حظ القوم .. لي حظ ماجــــاد ** حظي مخالفني .. وقفى ... وصــــدى صبرت انا عالصبر .. لاشك مافــــــاد ** خطر(ن) علي اليوم ..يـــنباح ســــدى هذي ثلاث سنين .. والجور يــــزداد ** تلعب بي الدنيا .. على غـــيـــــر ودي هذي ثلاث سنين..بشهور واعيـــاد ** يلعب بي الهاجوس .. صد(ن).. وردي هذي ثلاث سنين..صــبـــر وتجــلاد ** يا وقت يكفي .. واصل اليوم حــــــدي وياعناد .. انا يابوك .. مانيب جحـاد ** من مدلي شبر(ن)... له الباع مـــدي ومن باعنا يا عناد ... بعناه بزهـــاد ** حتى ولو جده ... قريب(ن) لـــجــــدي بدلت انا .. بعض المفاهيم بجــداد ** بعض العرب تدي ... ولاهيب تــــــــدي تدي فقط بالقول ..يا عناد لاعـــــاد ** قول(ن) بلا فعل(ن)... ترى ما يسـدي وعرفت انا ياعناد ... من دون تعداد ** عرفت انا العدوان ... واللي مـــــــودي من لانشد بايام صعبــات وشـــداد ** من لانشدعني ...لــه الــعــلــم ودي لانيب لاسائل ... ولا عــنه نشـــاد ** اخذ الوكاد ... وحزة الجد جـــــــــــدي الشاعر\ عايد بن دليم المظفري الهاجري ونختمها لكم معا الوزن الثقيل ابو امحمد وهذي لتجديد الاعجاب للوزن الثقيل سلطان بن وسام فـي عنفـوان البلبلـه والأقاويـل وزخمٍ من الإعلام فـي زعيتمانـه هذي قناه الشجب والحـط والشيـل وهـذي قنـاة الملعنـه والخيانـه وهذي قناة الرقص ياعيـن ياليـل وعبـدالله ابالخـيـر والبردقـانـه والقدس تقصفهـا مدافـع إسرائيـل والغرب يعزف عزف كيد ولعانـه والشي والله فـي الليـال المقابيـل أصبر علي شـوي وأقـول عانـه عان الليال الحيل لقحن وهن حيـل ولقاحهن غـزو الأصـل والديانـه غزوٍ يسمـى ديمقراطـي وتبديـل وطمس العوايـد والشيـم والأمانـه وش قلت ياسداح في كذبـة إبريـل هي في صميم الـذات والاّ وزانـه والهيل ياسـداح عطـر الفناجيـل والجِـد ملـح العجرفـه والميانـه والخيل وين سروجها ياهل الخيـل راحت فرس عنتر تسابق حصانـه والمعركه بين النسـاء والرياجيـل مـدري يفـوز فـلان والاّ فلانـه وأن قام حظ أم الرموش المظاليـل وقامـت تثنّـى كنّهـا الخيزرانـه ماعـاد ياسـداح حيلـه ولا حيـل أطلـق شنـب قلّـه يجـوّد مكانـه والقبّـه اللـي للنشامـا مداهـيـل ميدان سيـف الله وعنتـر زمانـه الله ثعا فيهـم علـى مثـل ماقيـل بعنصـر نسائـيٍ قـويٍ كيـانـه خطوات عوباً صوتها يصهل صهيل تشرشح النايـب وتكـرب بطانـه وله أيضا أنا ولد هاجر وخصمي ولـد روق حصنٍ تصاقل والضمايـر نظيفـه لاحلّق الجمهور طـوقٍ ورا طـوق مثل الضوامي فـوق وادي حنيفـه أقدم وأحفظ حقوق وأصفّي حقـوق وأصد هجمـات الرجـال العنيفـه طارد ومطرودٍ ولاحـق وملحـوق ومتقاسميـن المرجلـه بالنصيفـه والا أنت لا عاشق ولا أنته بمعشوق ولا لك مع أصحاب الوظايف وظيفه ماغير غصنٍ كل ماهـزّه الشـوق عرقه لدن وأوراق غصنـه خفيفـه لبست لك بشتٍ على المتن مشقـوق وكلفـت نفسـك فالامـور الكليفـه مهزوز شخصيّه وجاهل ومطفـوق تصدم براسـك فالجبـال المنيفـه قدام تشعب ناقتك مع هـل النـوق الوسم شيفه .. وإسم راعيـه شيفـه تبي الكلام اللـي موكّـد وموثـوق الكحـل شبهـه فالعيـون الكفيفـه ماغير حاكم مصر فاروق فـاروق ولاغيـر توفيـق الخليفـه خليفـه وأنا لعبت الشعر طاروق طـاروق وأحيان أورّا فيه .. وأحيان أعيفـه لا عاد له معنى ولا عـاد لـه ذوق تقاسموه أهـل النفـوس الضعيفـه طاروق عاريّه وطاروق مسـروق وأقـرب قنـاةٍ فاشلـه تستضيفـه ويصير من بين الغرانيق غرنـوق ويهز راسـه مثـل راس العسيفـه وله أيضا رؤيا منامـي بشّرتنـي بلامـاك وفزيـت أقـدّم للبشيـر البشـاره هل تعّلم أنّي واحدٍ من ضحايـاك قتيل حربٍ مثل حـرب الحجـاره ليتك مصوّبني برمحـك وشلفـاك الموت من يمناك ماهـو خسـاره لكنّ ذابحنـي بهجـرك وفرقـاك مدري متى تسمح لنـا بالزيـاره شربت سحر البابلي مـن شفايـاك شراب ضرمانٍ شرب له زقـاره يوم أنّي أزيح الشعر عن محيّـاك وإيدٍ يميـن الجيـد وإيـدٍ يسـاره وأن طاحت الدمعه على كف يمناك حرارة الدمعـه تداعـب حـراره يامن خلقك الله بحسنـه وسـوّاك أشوف فيك من العبـاره عبـاره أحلف واقدّم لك رهـن وأتحـدّاك مالـك شبيـه الاّظبْـيّ الزبـاره والأشقر اللي كل ماقمـت غطّـاك شقـار بشـت فـداويٍ فالأمـاره وإليا نطحـك الريـح والاّ تقفّـاك شبح !! شبح !! صدام بدْي وغماره ماقط سافـر فيـه هـذا ولا ذاك شبح وزيرٍ عنـد بـاب الـوزاره وله أيضا عليـك الفـرج يالله يـاحـي ياقـيـوم الاهٍ عـبـاده كلـهـا تلـفـت يـمـه الا يارفيقـي والله انـه عـداك الـلـوم انا اللي علـي اللـوم فـي ذمتـي ذمـه ولاكن سامحني ترى العلـم فيـه علـوم ولا يفـرح اللـي بيننـا ينقـل النـمـه حصل ماحصل والعبد يصبر على المقسوم يدور الزمـان ويخلـف العـزم والهمـه طرات الرجل لا لحقه من الزمان همـوم ما يدري بسده كـود خيـرة بنـي عمـه وسيع البنايد في الشدايـد قـوي عـزوم لعظك زمانك شـال همـك مـع همـه وانـا والله انـي ماتهنـى بحلـو النـوم ورفيقـي عليـه همـوم الايـام ملتمـه اشيل الحمل منه واحطـه علـي واقـوم مقام يورد مظمـي المـا علـى الجمـه لكن الزمان الشيـن ظالـم وانـا مظلـوم على الهون ياللي تمـدح الوقـت وتذمـه تهب الهبايب والسفن في البحـور تعـوم وتقفي بها صلف الهبايـب عـن اليمـه هبوب تصلفقهـا وبحـر وسمـا ونجـو ومـوج تقفـاه العواصـيـف وتـزمـه سلطان بن وسام المسارير الهاجريواسمحولي على القصور |
|||||
|
|
|
|
|
|
|
|
|
|
05-Jan-2008, 07:44 PM
|
رقم المشاركة : 2 | |||||
|
مشكور يالغالي الهاجري والنعم وصحت السنتكم جميعا 0 والله انهم شعار جزاله ومعني موفق يالغالي فديتك |
|||||
|
|
|
|
|
|
|
|
|
|
|
05-Jan-2008, 08:29 PM
|
رقم المشاركة : 3 | |||||
|
بيض الله وجهك يا صبي قحطان
ونعم بك وبــ لابتن انت منها |
|||||
|
|
|
|
|
|
|
|
|
|
|
05-Jan-2008, 11:02 PM
|
رقم المشاركة : 4 | |||||
|
يعطيك العافيه وبيض الله وجهك.. وصح ألسنتهم جميع..ونعم بقحطان.. لا هنت.. |
|||||
|
|
|
|
|
|
|
|
|
|
|
06-Jan-2008, 01:48 AM
|
رقم المشاركة : 5 | |||||
|
ماشاء الله عليهم والله انهم و نعم الشعار
مشكور وماقصرت على جمع هذه القصائد |
|||||
|
|
|
|
|
|
|
|
|
|
|
06-Jan-2008, 01:59 AM
|
رقم المشاركة : 6 | |||||
|
الله لا يهينكم على المرور واسمحولي على القصور
|
|||||
|
|
|
|
|
|
|
|
|
|
|
06-Jan-2008, 02:34 AM
|
رقم المشاركة : 7 | |||||||
|
تسلم على النقل وصح لسان كل شاعر قرينا قصايده ونعم فيكم ياقحطان..
|
|||||||
|
|
|
|
|
|
|
|
|
|
|
06-Jan-2008, 02:57 AM
|
رقم المشاركة : 8 | |||||
|
بيض الله وجهك يالهاجري
ومشكور على هالقصايد الجزله وشعري بحر ماكل رجلٍ يعومـه انشد خلف وانشد رشيد الزلامـي قل منهو اللي ماتثنـى عزومـه إليا احتمى الميقاف والشعر حامي وهذا اكبر دليل على الاخوه بين القبيلتين اجدد لك شكري |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
