اقتراح مخيم لاعضاء المنتدي بام رقيبه

[غازي مشخص العصيمي]

على القوه

وابشروا بللي يسركم

واللي تبون مني جاهز وتحت الطلب

وابرك الساعات اللي تجمع اعضاء المنتدى

والله الطلعه هالايام لها طابع خاص

[ابن هندي]

غازي مشخص العصيمي
كفوا والله ومادامك لجنه اعلاميه اضف لها العلاقات العامه ونسق لنا مع الاخوان وانت قدها وحنا حاضرين في اي وقت

[##البروفسور##]

على بر كة اللة وحنا مستعدين للحضور دون تاخير وشكرا يا ابن هندى

[فرنوس]

ابن هندي صبحت بالخير
الفكره ممتازه
وانا عني والله البعد بجده لكن ان شاء الله لا لقيت الفرصه تواصلت معكم هنا واخذت علوكم كلها والا والله ودي ومابركها من ساعه
قررو وا ذا تمت ولقينا فرصه جيناكم باذن الله

[روقي الجمش]

السلام عليكم ورحمة الله وبركاته

اخي / بن هنــــدي .

على القوة ولكن الموضوع يحتاج دراسة وتأني وتفكير قبل التنفيذ ، وإذاكانت الدعوة عامة وعن طريق النت ، فتأكد ممكن يتضاعف العدد إلى الاف وليس مئآت ، أما إذا كانت الدعوة خاصة فهذا شيئ ثاني ، وأنا شايف التفاعل قوي خلال طرح الفكرة ، دراسة الموضوع مهمة جداً ويكون من أعضاء لديهم الدراية بمثل هذه المواضيع .
أما بالنسبة لي أنا معكم أن شاء الله ، مادياً وبالمبلغ الذي تطلبونه . أما حضوري حسب الظروف .

لك مني كل الحب والتقدير .

والســــــلام ،،،

تقبـــــلوا تحيــــات / روقي الجمش .

[ابن هندي]

خالد بن حويفر هذا العشم فيك والزملاء وفكرتك جيده لكن خلنا نشوف العدد الكافي من الاعضاء الجازمين على الرحله ولكل حدث حديث والشكر لك اخوي خالد

البروفيسور ك مثلك وشرواك عز الخوي ومعرفتكم اكبر مكسب لك تحياتي

فرنوس يسعدني مرورك وانت معنا بفكرك حتى لو انت في جده واشكرك على التصويت



روقي الجمش وعليكم السلام والله يقويك انت مميز في عضويتك ومميز في طرحك ومثل ماقلت الموضوع يحتاج دراسه وتفكير قبل التنفيذ بس خلنا نشوف العدد من خلال الردود واذا كان كافي نبداء بمشوره في المشروع والدعوى عامه وبارك الله في حالك ومالك
لكم جميعا احترامي

[دريد ابن الصمه]

المشاركة الأصلية كتبت بواسطة ابن هندي

السلام عليكم ورحمة الله وبركاته







العنوان واضح ومايبي له مقدمات
حنا آسره واحده في هذا المنتدى ويجمعنا قبيلة عزيزه على نفوسنا
ونتلقي هنا من خلف الشاشات
ورغبتي نلتقي عن قرب في مخيم منواضع باام رقيبه على شبت نار وفنجال وعلوم رجال ومفطحات وعود ازرق ونتعارف على بعض ونستعيد ذكريات مزاين الهيلا بالسوالف الزينه تحياتي لكم وارجوا التصويت ومن لديه رآي يقوله وبالله التوفيق

اخوي حسب ظني مافيه عتيبي ما يفرح لكي يلتقي ببني عمه وعزوته وحزامه اذا جا نهار فيه اخذ وما خوذ بس مثل هذه الامور تحتاج ترتيب ولها تبعيات لا اعتقد انها تخفى عليكم وانتم اخذتو الوسام في مزاين الهيلا على كل المستويات هذا رآئي وانتم افهم مني وكل يدلي بدلوه دمتم بخير

[ابن هندي]

المشاركة الأصلية كتبت بواسطة دريد ابن الصمه

اخوي حسب ظني مافيه عتيبي ما يفرح لكي يلتقي ببني عمه وعزوته وحزامه اذا جا نهار فيه اخذ وما خوذ بس مثل هذه الامور تحتاج ترتيب ولها تبعيات لا اعتقد انها تخفى عليكم وانتم اخذتو الوسام في مزاين الهيلا على كل المستويات هذا رآئي وانتم افهم مني وكل يدلي بدلوه دمتم بخير

الله يكفينا شر هاليوم وكل يوم اقشر
ورائك على العين والراس

آخر تعديل ابن هندي يوم 20-Nov-2007 في 01:59 AM.

[البعيـد النـايف]

[align=center]

	ما عندي مانع ابد انا اوافق الراي واشارك بالفكرة وادعم بالماده أنا على الاستعداد لمن يتبنون الفكره انا معهم على اتصال مع تحيات البعيد النايف[/align

]

[ابن هندي]

البعيد النايف

مشكور على المرور وهقوتنا فيك في محلها