معكم امانه الى الشيخ سعود المريبض

[عوض فرج]

الشيخ سعود المريبض علم لايخفا على الجميع عتيبي وغير عتيبي

قصيدة اتمنى ان تصل اليه وتنال رضاه

ما حسفني الا ماتقهويت عند سعود=طويل الذراع اللي على سلم جدانه
إله مجلس ٍ فالملتقى كلبوه حشود=ولاغاض صيوانه على كبر صيوانه
الى راح من عنده وفود ٍ يجيه وفود=ولا ضيقوا صدره وعقد بحجانه
ابوفيصل اللي شامخ بنجد مثل الطود=ولوهبت الارياح ماهزت اركانه
هذا سعودطيب الله يديمه وحاتم جود=ليا قيل حاتم وين قولوا هذا عانه
دعم ملتقى الهيلا بدعم ٍ ماهو محدود=وفتح للرجال ابواب قلبه وبيبانه
والى صار من بعض المواقف تريد شهود=من اللى يبا يطلب من سعود برهانه؟
يازوار قصر الجود من كل فج ورود=ليا صار جيتوا مجلسه معكم امانه
عطوه القصيده كامله دون نقص وزود= او انتم عطوني بس رقمه وعنوانه
قصيده جديدة كلها ريح مسك وعود=وماازين قصيد الرجل لاجاء من لسانه
ماحسفني الا ما تقهويت عند سعود= كريم الخصال اللي على سلم جدانه
هو اللي علشانه يحق ابذل المجهود= ماهو مثل ناس ٍ لامكانه ولا خانه

وسلامتكم

[حسام ولد هوازن]

يستاهل الشيخ سعود المريبض

هذا القصيدة وانعم واكرم فيه

وفي عيال عمنا الروسان

[الزراقي@]

صح لسانك ياعوض بن فرج ويستاهل المدح ابو فيصل

انا اشهد انه رجل محب لقبيلته ولفعل الخير وافعاله تشهدله

[ابو براك]

صح لسانك اخوي عوض فرج

ويستاهل الشيخ سعود المريبض العتيبي

المدح والطيب وبيض الله وجهه على الدعم

[شيبوب]

بسم الله الرحمن الرحيم

السلام عليكم ورحمة الله وبركاته

الحقيقة يستاهل سعود المدح والثناء على ماقام به في ملتقى الهيلا وبيض الله وجهه وليست بغريبة عليه الأفعال الطيبة وفعل الخير كما أن شيوخ عتيبه الهيلا ورجال الأعمال وأفراد القبيلة فعلوا كل مابوسعهم لإنجاح ملتقى الهيلا العالمي

وصح لسانك ياعوض وليتك مع باقي شعارنا تتحفونا بقصائد أشمل في الهيلا لأن التفاعل مع الكل أفضل من التفاعل مع الجزء

[عتيبي من شقراء]

يستاهل المدح الشيخ سعود وبيض الله وجهك مثل مابيضة وجيهنا قدام القبائل الثانية ولا هي غريبة على رجل كريم وشهم مثلك يالشيخ سعود
ابنك فهد الرويس

[نايف المحمد]

يستاهل المدح والقصيد رجل بمعنى الكلمه
كريم و وفي ويشرفنا و ينومسنا فعله الطيب في كل مكان
الله يطول بعمره ويزيده ربي خير ونعيم ...

ملاحظة ...الشيخ سعود هو ابو سلطان وليس ابو فيصل ..

تحياتي

[عوض فرج]

اخوي حسام ولد هوازن

شكرا لمرورك وتفاعلك

وصدقت نعم يستاهل اكثر

[عنادالرويس]

صح لسانك ويستاهل الشيخ سعود المريبض

بيض الله وجهك على القصيده وبيض الله وجهه على مافعل

[أبو يزيد البراق]

قصيدة ممتازة وبيض الله وجهك ،،،

ووجه الشيخ سعود المريبض ،،،