ارجوا الدخول مهم!!! الفزعة يارياجيل

[هلال الدوادمي]

سم يالغالي ......

واعذرني على القصور يالحبردي

سـر يالقلـم ننقـض كـلام المحامـيـن=لاصــــارت الــدعــوا حـمـايــا حـمـانــا
نقـض الحجـج لابـد لـه مــن براهـيـن=ومـعـنــا شــهــادة بـالـوفــا لادعــانــا
ومــن مـدنـا بالـصـاع نـجـزاه صاعـيـن=والــلــي يـاعـاديـنـا عـلـيــه اعـتـدانــا
كــان الحمـيـدي وازمــلاه متصـافـيـن=علـى الحكـي فيمـا مـا تقـدم حكـانـا
تـلـحـقـوا غــــارات نــــاسٍ قـديـمـيـن=واخطـوا وحـنـا مــن خطـاهـم خطـانـا
ودام الشريعـه تـنـزع العـيـن بالعـيـن=حـنـا بـمـا تـقــض الشـريـعـه قـضـانـا
حـنــا بـمـيــزان الـمـعـانـي ثقـيـلـيـن=وعــلــى ممـاشـيـنـا بـعـيــدٍ مــدانـــا
هيهـات لـو حولـت عـكـس المـوازيـن=قـضـا القـضـا فيـمـا مـضــى وانتـهـانـا
يـاحـرب لــو حطيـتـو البـيـت نصفـيـن=مـاهــوب موصـلـكـم لـيــا مـسـتـوانـا
انـتــم رجــــال بـالـمـعـارك غثـيـثـيـن=لاكــن مــا تلـحـق اخطـاكـم اخـطـانـا
حـنــا عتـيـبـه ملـحـقـيـن المـخـلـيـن=بـعـنـا بـســوق الـطـايــلات وشــرانــا
قــومٍ عـلـى صــولات الايــام ضـاريــن=لــو عضـنـا نـــاب الـدهــر مـــا قـوانــا
يهابـنـا الـطـمـاع لـــو قـلـبـه اذهـيــن=ونـبـطـش مـحــلات الـطـمـع لاغـزانــا
لــنــا ســلــوم غـالـيــات المـثـامـيـن=سلـومـنـا مـحــدن حمـلـهـا ســوانــا
في سلم لوماء الوجه عـام وشهريـن=وادخيـلـنـا مـامــون داخــــل حـمـانــا
ثـلاثـمـايــة يـــــوم تـــــزداد سـتــيــن=تـنـحـا المـنـايـا عـنــه هـيـبـة لـحـانـا
ومـن حـده المـوت الحمـر والديايـيـن=تـخـيـر الـحـصــن الـحـصـيـن ونـصـانــا
وبالحيـل نمـلـى فـارغـات المواعـيـن=بـيـض الصـحـون ومـكـرمـات الصـيـانـا
للـضـيـف والـجـيـران والمستحـقـيـن=إلـيــا مـــن وهـــاب العـطـايـا عـطـانـا
ابيـوتـنـا للـضـيـف مـثــل البـسـاتـيـن=يـفـرح بـهـا المـلـهـوف لـيـلـة ضـوانــا
نـجــود بالـمـاجـود بالـعـسـر والـلـيـن=وضحـك الحجـاج ومـا حـلا مــن نبـانـا
حنـا علـى حفـظ المواجيـب حرّصيـن=مانـعـطـي الـخـاطـر قـراطـيــع مــانــا
والـجـار لـــه واجـــب وحـنــا وفـيـيـن=نـدعـيـه للـكـرمـه ولـــو مــــا دعــانــا
جـيـرانـا دايـــم حــشــام وعـزيـزيـيـن=ونـدرا شرفهـم عــن كــلام اسفهـانـا
حـنـا بـوجـه الـجــار دايـــم جـديـديـن=يـزيــد مـــع زايـــده اسنـيـنـه وفــانــا
وان جاء نهار المعمعه واللغـا الشيـن=نـبـيــع غــــلا الــــروح دون اقـصــرانــا
وان راح مانـشـذب قـفـاه بسكاكـيـن=نحـمـى مجـالـه عـقـب عـنـه انتحـانـا
وخوينـا لــو هــو مــن الـلـي معـاديـن=يـأمـن بـنــا فـــي كـــل درب مـشـانـا
ليـا عـودة عشـر اكثـر النـاس ثنتـيـن=وصـــاروا بـغــرات الــخــوي عـقـربـانـا
وحـنـا لـيــا صـرنــا بـــدرب متـخـاويـن=نـرعــى الـحـقـوق ولانـخــون خـويـانـا
وحـنــا منـازلـنـا ورا حـضــن ويـمـيــن=هــاذيــك ديـرتــنــا وفـيــهــا نـشــانــا
وجينـا نبـا المـربـاع عـنـد القحاطـيـن=يــوم الـزمــان بـحــد سـيـفـه حـدانــا
وقالـوا لنـا مـا تاسـع الــدار شيخـيـن=ونـجـد العـذيـه تـحـت فـيــت عـصـانـا
وتشـاوروا صلبـيـن الآريــا الحكيمـيـن=احـــدٍ ومـــر بـالـحـرب واحـــدٍ نـهـانــا
ويحـتـار مـــن يـخـتـار بـيــن الأمـرّيــن=امــــا الــدهــر ولا ســيــوف اقـبـلانــا
وتـقــرر الـمـحـدار بـالـخــف والـقـيــن=نــمـــراً وفـاولــهــا يــرفـــرف لـــوانـــا
ونـــدرأن مـــا قـدامـنـا مـزرعــة تـيــن=لـكـن عـلـى روس الافـاعــي وطـانــا
وزحنا قبايل نجـد عـن نجـد قسميـن=وجـيـنــا بـمـثـنــات الــبـــلاد وبـنــانــا
ابيـوتـنـا كـالـقــور بــيــن الحفـيـفـيـن=وعلـى السنـام مـن الـبـلاد استـوانـا
وأخصامـنـا مـــا هـــم عـنــا بـراضـيـن=لــكــن هـابــونــا جـمــيــع احــددانـــا
لياشـبـت الهيـجـا بـصـوت المـثـاريـن=صـديـق عيـنـك مايـجـي فــي نـحـانـا
ولـيـا ركبـنـا فــوق مـثـل الشياهـيـن=تــكــره صـنــاديــد الـقـبـايــل لـقــانــا
عاداتـنـا نخـلـي ســروج المسـمـيـن=وأول مـــــوردت الـســهــوم اومــرانـــا
لـيـا اقبـلـن الخـيـل قــدم المغـيـريـن=ولـيـا ادبــروا صـــاروا حـمــاه لقـفـانـا
حـمّـايـة الـسـاقـات ريـــف المقـلـيـن=بـامـوالـهـم يــرفــون فــقـــر فـقــرانـا
وليا جاء الامـر بيـن القبيلـة حليميـن=حــلــوا مشـاكـلـنـا وحــــازوا رضــانــا
وان جاء الامـر دولـي زحـول ٍ مياميـن=عـنـد الــدول فالمـعـضـلات اسـفـرانـا
ومـن كـان ذا شانـه يشيـل الثقيليـن=لـو مــات حــي ٍ فــي قـلـوب حربـانـا
لـو مـات قالـوا حـرب ذا فـيـه روحـيـن=يمكن قحـص مـن وسـط قبـره وجانـا
وبعـض أُومراكـم فالمـلاهـي مغنـيـن=عـلــى الـوتــر والـعــود دانــــا لــدانــا
مــــر ٍ مـغـنـيـن ومـــــر ٍ مـسـاجـيــن=وظـهــورهــم مـــيـــدان لـلـخـيـزرانــا
متـخـلـفـيـن ويـنـقـلــون الـعـنــاويــن=ركــن الـتـعـارف سـجـلـوا لـــه بـيـانـا
ولــو سمـعـوا الـعـذال يـقـول غـاديــن=قــالــوا نــمــوت ولانـبــيــع اخـدنــانــا
الـفـرق واضــح لاتقـولـون متـسـاويـن=ومــصــادر الـتـاريــخ مـنـهــا ارتــوانـــا
لـيـا ازعلـكـم التـاريـخ نـكـون راضـيـن=ويصـبـح زعلـكـم شعـبـةٍ مــن رضـانـا
ومـنـاخ عـرجـا كــان عـنـه متغاضـيـن=حــنـــا لـتــاريــخ الـقـبــايــل قـــرانـــا
قـبـيـلـتـيـن لـحـربــنــا مـسـتـعـديــن=وحـنـا لـيــا زلـــزل رعـدهــم رسـانــا
وطـبـان وصنيـتـان طمـعـا وشرهـيـن=وحـنــا قـبــل يــبــدون فـيـنــا بــدانــا
وبـعـد مـنـاخٍ دام خمـسـة وعشـريـن=احــدٍ ســرى باللـيـل واحــدٍ احتـرانـا
واللي قعد سـوى سـوات ام ظرفيـن=ويــقــول لــــو إنــــا درانـــــا ســرانـــا
يــقــول خـلـونــا بـعــرجــا وحـيــديــن=يـالـيــت هـاديـهــم كــذلــك هــدانـــا
دون المعـقـل كـافـحـوا مستميـتـيـن=لــكــن فـيـهــم بالـمـهـنـد سـطــانــا
وخـفـوا وهـفـوا وادبــروا مستخـفـيـن=وحـنــا لـمــا تـمـلـك ايـديـهـم حـوانــا
اللـي حضـر مـن حـرب باتـوا ذليلـيـن=واللـي ربــض عــن لابـتـه وش عـلانـا
اللـي هـرب واللـي لجـو مستجيريـن=والـلـي قضعنـاهـم وراحـــوا عـشـانـا
واميـرهـم ينـخـى بتـالـي المقـفـيـن=ويـــقــــول رده لاتــخــلـــوا نــســانـــا
وعقب ما شاف انه كسير الجناحيـن=ألقـى السـلاح وصـار ضـمـن أمنعـانـا
وبيتـه جلسـنـا فـيـه بـيـن الصلاتـيـن=وعـلــى اشـــداده بالـيـسـار اتـكـانــا
وكسف قمرهم وسجدوا مستغيثين=وطـبــوا مـــن الـسـلـم وحـنــا رقـانــا
صـارت عليهـم مثـل نكبـة فلسطـيـن=مـــن نـــار قــــال الـحـمــدلله نـجـانــا
وابـن نحـيـت حـجـاب بـيـن المثـاريـن=دارت عـلــيــه بمعـتـلـجـهـن رحــانـــا
ينخى بني سالم وهـم عنـه مقفيـن=وخــاب الـرجـا فـيـهـم وعـــود نـخـانـا
وجسمه تشارك فيه شلفـا ورمحيـن=وشلـنـاه واسـقـان النحيـتـي دوانـــا
وحــزّن عـلـى ربـعـه وربـعـه حزينـيـن=علـيـه يـــوم انـــه ثـــوى فـــي ذرانـــا
والحـرمـلـيـه كـونــهــا يالـمـسـاكـيـن=منتـمـب فــي هــاك النـهـار اقـبـلانـا
لــكــن قـابـلـنـا صــعــوط المـجـانـيـن=الضـيـغـمـي جــمــع عـلـيـنـا عــدانــا
رخـم الجمـوع اللـي تفـوق الملاييـن=وانـتـم مـعـه فــي غـزوتــه ياحلـفـانـا
نـفـذ عـلــى كـــل القـبـايـل قـوانـيـن=وانـتـم خضـعـتـوا لـــه وحـنــا عـصـانـا
هـدر جمـل شـمـر وقلـتـوا مطيعـيـن=ويــوم إنحنـيـتـوا لـلامــر مـــا انحـنـانـا
لـنـا عـزايـم تـفـدح الـخـصـم وتـهـيـن=طـنـا الطنـايـا مـانـقـص مـــن طـانـانـا
حـصـل لـنـا صــولات وايــام وسـنـيـن=نسقـيـه بـالـسـم الـذحــاح وسـقـانـا
وكم راس شيـخ طـاح بيـن الفريقيـن=نـحــط مـــن فـــوق اذبـحــاه اذبـحـانـا
وأنكف عقب ماشاف في جنده البين=هــو مئـيـسـن مـنــا وحـنــا اكتـفـانـا
وممكن قضيتوا من بعض دينكـم ديـن=وحـنـا عـقـب عــدة ليـالـي اقتـضـانـا
وعبدالعزيـز الـلـي رفــع رايــة الـديـن=الـلــي لـيــا خـــم النـشـيـط يـتـوانــا
الـلـي تخـاضـع لــه رقــاب الفراعـيـن=مـــن هـيـبـتـه كــــلٍ يــريــد الأمــانــا
بالسيـف صارعـنـاه وســط الميـاديـن=وانـتـم تخـامـرتـوا ســـوات السـمـانـا
ماعمـرنـا نـذعـن لحـكـم السلاطـيـن=ألا بــيـــومٍ يـنـتــصــر بــــــه حـــدانـــا
انتـم كمـا شغـل الهنـوف ام وجهيـن=اللـي لهـا مــع كــل عـاشـق ضمـانـا
تـوعــد ولا تـوفــي بـوعــد المحـبـيـن=ودايـــم تـشـبــرق لـلـجـديـد وتــدانــا
ليـا شفتـوا الحاكـم نهضتـوا خفيفيـن=وقـلــتــوا تــرانـــا يـاسـنـدنــا تـــرانـــا
اسمع كـلام الضيغمـي وافهمـه زيـن=فالحـربـي الـلـي نـــار عـنــه ونـصـانـا
يوم ابن سعـدى والحنينـي مخيفيـن=مــن حــرب نــار والـتـووا مـــن ورانـــا
ماجالـهـم مــن حــرب فــزاع ومعـيـن=كـــلٍ يـقــول مـــن الـضـيـاغـم بــلانــا
وحـنـا حمينـاهـم بـحــدب العـرانـيـن=وشـالـت حـمـولـن ضـاهـدتـم ايـدانــا
وعـن مانقولـه حـرب سمعـوا وداريــن=مـيـرٍ ان فيـهـم مــن يـحـب المشـانـا
وان كــان غاويـنـا البـنـيـدر وابـوعـيـن=الـشـرق الاوســط معـتـرف مـاغـوانـا
اخبـارنـا قــد هــزت الهـنـد والـصـيـن=ولا همنـا الهـيـس الـعـور لــو هجـانـا
لـو كـان فـالاعـلام ضـمـن المذيعـيـن=الـبــاع قــاصــر والـطـويــل الـلـسـانـا
عــن الدعـايـة يــا الحمـيـدي غنيـيـن=افـعـالـنـا تـشـهــد عـلـيـهـا اعــدانـــا
وقــــولٍ نـقـولــه ثــابــتٍ بـالــدواويــن=وتـاريــخ نـجــد المـعـتـمـد مـانـسـانـا
وايــام عـرجـا قــد عطـتـنـا نيـاشـيـن=وفـي يـوم معتـق يشـهـدون اعتقـانـا
الـعـفـو عـنــد الـمـقـدره للكـريـمـيـن=وحــنــا لــيــا مــنــا قــدرنـــا عـفــانــا
وكان الحميدي جـاء مطيـة شياطيـن=لـــو يشعـبـونـه مـــا لـحــق منتـهـانـا
وان كــان لــه خـمـة رخـــومٍ ملـبـيـن=حنـا عـن انصـار الحمـيـدي مــا درانــا
هـــذا كـــلام يـفّـحـم المستحـجـيـن=وعـاداتـنــا نـقـطــع لــســان طّـلـبـانـا

كديميس العصيمي