عتيبه تستضيف (ذئبــــــا مفترسا قدم من الصحراء) والشيخ بـــدر الضيط يعشيه يوميا خروف

[كاسر الحوم]

المشاركة الأصلية كتبت بواسطة غازي البقعاوي

اخواني ان ما اخرني عن انزال الصور هو كونها على فيديو
حيث تم التصوير من كاميرا فيديو وتعبت كثيرا من اول الليل وانا احاول استخراج الصور من الفيلم

الطيب تعرف خوته مع هل الطيب=له خوة تروى وقصه طريفه
وسموا علاه منزحين الاجانيب=علم موكد والحقايق منيفه
وكم من شجيع والسوالف مهاذيب=قالوا هذا ذيبان والا وصيفه
ومعاهدك ياذيب بالسر والغيب=انك بامان وخل نفسك خفيفه
حنا ترى ياذيب عند المعازيب=حكام نجد اللي بلدهم امريفه
اترك علوم مشيلين المشاعيب=مايحتم الميقاف ناس اضعيفه
جبتك لحفل مكملين المواجيب=ساس الصخى يوم الليالي كسيفه
في محفل الهيلا لعوج العراقيب=مضيفهم وان حط كل مضيفه
مهديك للي يحتمون المطاليب=للضيط بدر ولا لحقني حسيفه
ملجألمن جاله ظروف وعواقيب=واللي حداه الوقت عيده وريفه
تراه راع السيف والماقف اصعيب=ياذيب ابوبندر وعمهوج سيفه
لياقنبت بعالي الصوت ياذيب=كنه قنيبك يوم يوصف وحيفه
سيف الشيوخ معطبين المضاريب=من كف اهل عمهوج كنه قذيفه
مروين حد مصقلات المحاديب=فوق الاصايل بالسيوف الرهيفه
لاطار ستر مخبيات الرعابيب=في ساعتن فيها المنايا مخيفه
كم ليلة عشوك من شمخ النيب=صم الرمك وملاوحات السفيفه
وكم راس شيخن في الليال المعاطيب=عشوك راس الشيخ والا رديفه
من دون وضحا لبسوها دباديب=كسب لهم يوم السنين العجيفه
مالي هدف والحق ماعنه تجنيب=شهادة التاريخ فوق الصحيفه
بينت معنى القاف فوق المكاتيب=الشعر معنى والمراجل كليفه
وحمض النشاما بصامل العلم ومصيب=وعلم بلا معناه ماله خليفه

غازي البقعاوي
لاهنت يالقرم على اضافة الصور
ولي طلب اذا كان تقدر يالقرم
ابي مقطع الفيديو بمخيم الضيط
لانه جالس اسولف انا واخويا لي
واقولهم عن سالفة الذيب اللي حل
على الضيط ضيف لاكنهم ما صدقوا
واحدن يقول والله من الهياط والثاني ..
لكن كان ردي عليهم قبل ما اشوف الصور
ان عتيبه قول وفعل وماهوب هياط
وان هذي السالفة حصلة اكيد
فاذا تقدر يالقرم انك تضيف مقطع فيديو
تكفى ثم تكفى خلنا نسد حلوقهم
وخاصة انهم من عدة قبايل