هذه القصيده قالها الشاعر سلمان بن عبدالعزيز الأزوري عندما أجتمعوا افراد قبيلة الزوران من الطفحه من الهيلا في مجلس اللجنة في موقع المزاين للمعايدة وتسليم اللجنة دعم قبيلة الزوران .
امزاين الهيلا للأبل المزايين =أهل الحلال اللي قليل حلية
يقولها ملفي وأنا أقول يازين= شوف المزاين اللي مافيه زيه
تجمعوا ربعي وشافتهم العين = علي النقا وعلوم ذربه نقية
مافيهم اللي يخلط الزين بالشين =ولافيهم اللي طامعن في خويه
اقولها ويقول مثلي ملاييين=امزاين اعتيبة يفوق البقية
حنا تكاتفنا علي العسر واللين = وطاعة ولي الأمر فينا مزية
وحنا قبيلة بالجزيره مقيمين=والرجل منا ياطي دابن وحية
وحنا ليا صاح المنادي ملبيين=لويارد الرجال حوض المنية
حكامنا آل سعود السلاطين= ودستورنا القرأن وسنة نبية
ولافيه نقصن بالرجال القويين =وكل القبايل فيها ناس قوية
والله ياسامع دعاء الملبين=ادعوك ياربي وارفع يدية
تحفظ وطنا من شرور المعادين= في ظل قايدنا سنين مدية
عبدالله اللي حاكم ويقضي الدين= والحكم لله قبل هذي وذية
قاد المسيره والعرب معه ماشين=لنه كفو ورجل فيه الحمية
وأختم كلامي بالصلاه يامصلين=علي رسول الله محمد نبيه
« آخـــر الـــمـــشـــاركــــات »
31-Oct-2007, 01:13 PM
منقية ابو تركي سلمان الأزوري العتيبي
العرض العادي
