باركو لنا فزنا بالمركز الأول بالوضح (البيض) !!!

[المغيـــــــري]

كل عتيبة نبارك لها بفوزها با العلوم(البيضاء) على روس الأشهاد ..

بس !!

ياربعنا نداء نوجهه لكل ابناء القبيلة وهو أنه بعد ساعات قلائل سيتم تسريب أخبار الحاصلين على المراكز الأولى (أو بالأصح)من حصلوا على الجوائز المادية ..
وتعلمون نشوة الفوز ووجود بعض من ذوي العقول القاصره أو الجهلاء قد .. وأقول ..قد تفتح مجال لمن يريد أن يخترق صفنا الذي (وبفضل من الله) كل يوم يزداد صلابة وتلاحم أكثر من ذي قبل ..
قد يستغله البعض أو نقع نحن من حيث لانعلم في الخطأ الفادح !!!
بتفضيل أبل أخينا فلان الذي حصل على المركز الفلاني على أبل أخينا فلان صاحب المركز العلاني . أو نكتب مواضيع تبارك لفلان وتشمت بعلان أو كقول ((يستاهل فلان)) و(فلان ما.............) ..

ووالله أننا كلنا (عتيبه) ومن يحبنا من القبايل الثانية فايزين بالعلوم الوضح والعلوم الغانمه و(((((((الناموس))))))))))
كاسينا من الروس لأخامص الأقدام ..

تشرفنا بالجمعه وزيارة النشاما وحطام هذه البلاد وتوحيد الصف فأصبح فوز أحدنا بالأبل ((لايقدم ولايؤخر شيْ)) ..
ونرجوا من أدارة منتدانا العزيز التنبه لهذا والحد من الأمور التي قد تضر ولاتخدم وحدتنا خصوصاً من هذه الساعة حتى تهدأ الأمور وتذهب نشوة الفوز ..

أتمنى أنني أصبت في ماقلت .. والله هو الموفق ..

ولكم أجمل أمنياتي بختام رائع لفرحنا العظيم والسلام عليكم ..

** للمعلوميه أستخدمت كلمت بيض تعمداً في العنوان الذي قد يجد بعض التعليق ..

[زيزوم مدركه]

بيض الله وجك يالمغيري

ولكن اخوي لاتوصي حريص فجميع الاخوه لديهم الادراك بان هناك من

يتصيد اي غلطه في هذا الملتقى الطيب لتشويه الصوره وسوف يرد كيد

الكايدين في نحورهم باذن الله

ومثل ماتفضلت لايوجد بيننا خاسر فكل عتيبي هو حاصل على المكز

الاول

[شيخ العرب]

كل عتيبه فايزين

فايزين بالتنظيم ( ماشاء الله تبارك الله ) عليهم

فايزين بكرم الضيافه ( كلن يهلي ويرحب )

فايزين بالعلوم الطيبه وهم اهلاها


ومثل ماقالو الأخوان مافيه خاسر بينهم الأول مثل الأخير

والله يوفق رجال عتيبه كبيرهم مع صغيرهم

[عبدالسلام النخيش]

بيض الله وجهك يالمغيري
والله ثم والله انك بطل على هالكلام
والله لايهينك
وجعل ربي يوفقكم يا برقا ويا روق والله لا يفرق شملكم

[جااار القمر]

من فكر غير ذالك اعتبره مهو عتيبى بيض الله وجهك وافرحك الله وامثالك بختام يسر الخاطر والمحبين والاصدقاء ويغيض الحساد اللهم امين

[الخديدي البرقاوي]

بيض الله وجهك ونقدر لك غيرتك على القبيله

بس ان شاء الله مايصير شي ورجالنا فاهمين ويدركون وعاقلين

وبالنهايه كلنا فايزين بالعلوم الطيبه وبنومستنا

[السواجي]

المغيري


اكبر فوزهو تجمعنا من كل انحاء البلاد على قلب وهدف واحد ونحمد الله.
وعين الحسود فيها عود


لاتخاف وانا اخوك ربعنا واعين ومدركين ومنتبهين لحسادهم وماراح يعطونهم فرصه



بيض الله وجهك يالمغيري

[j w a l]

فعلا كلامك سليم

وياكثر اللي يترقبون نهاية مزاينا ويبغونه يفشل في اخر شي



بس في عين الحسود عود باذن الله


والله لايفرق ربعنا ولايشتت شملهم


وامرانا ماقصروا محتوين كل شي ومخططين لكل شي مع بعضهم العض


الله يبارك في الجميع

[أبو يزيد البراق]

دام عزك والله

[بدر الفهيد]

بيض الله وجهك وما قصرت بالنصيحة
وحنا كلنا عتبان بغض النظر عن اي شي ثاني