غيبوبة التجار !!

[داهية عتيبة]

راكبن لك جيب لكزس عقب مابعدت الونيـت=تحسبنـك راكبـن بالمعركـه ظهـر العبيـه
الغرور معشعش براسك وصدرك وانعميـت=مانبيلك يالسنافي لاسـلام ولا تحيـه
عشت في غيبوبه التجار مـا ظنـك وعيـت=وش تسوي لو ملكـت المملكـه والفيصليـه
ويش جبت من المراجل في زمانك وش خذيت=لا فعـول ولا شـداد ولا عقـال ولا مطيـه
كان ناسـي والله انـي ياولـد ماقـد نسيـت=ياخوين فـي زمانـه ماتجمـل مـع خويـه
وكان جاهل لاتعـذر والله أنـك مـا وفيـت=مابعد عهـد النبـي ثـم الصحابـه جاهليـه
المـوارد كلبوهـا ضاميـه مـن دون هيـت=والظوامي فوقه اكبر من طويق ومـن طميـه
أبك انا لو أشرب من المـوج والله مارويـت=وانت كبدك من ظماها تحترق صبح وعشيـه
ولو حمول شعيل حملي والله انـي ماشكيـت=كل شخص له عزوم وكل راعي لـه رعيـه
خذ وصوفك من لساني ياصحيبـي كومبليـت=جرهـا بالصـوت ولا باللحـون السامريـه

[نوااف الدعجاني]

صح لسانك


ولا هنت

ولا تحمرنا من قلمك
تحياتي لك ,,

[السميــــــري]

وكان جاهل لاتعـذر والله أنـك مـا وفيـت
مابعد عهـد النبـي ثـم الصحابـه جاهليـه


الله الله ..

مبدع يالداهية .. صح لسانك ..
قصيدة .. تخليني اقراها عدة مراات ...
مشكووووور

[داهية عتيبة]

المشاركة الأصلية كتبت بواسطة نوااف الدعجاني

صح لسانك


ولا هنت

ولا تحمرنا من قلمك
تحياتي لك ,,

صح بدنك يالغالي ولاهنت على مرورك الكريم

[داهية عتيبة]

المشاركة الأصلية كتبت بواسطة السميــــــري

وكان جاهل لاتعـذر والله أنـك مـا وفيـت
مابعد عهـد النبـي ثـم الصحابـه جاهليـه


الله الله ..

مبدع يالداهية .. صح لسانك ..
قصيدة .. تخليني اقراها عدة مراات ...
مشكووووور

تسلم اخوي ولاهنت يالغالي على مرورك



تقبل تحيتي