(( الله يسامحك ياخلي - يومك تروح وتحداني )) .. حصريه على منتدى الهيلا ...

[بدرالهبيري]

بسم الله الرحمن الرحيم




السلام عليكم ورحمة الله وبركاته ..

أقدم لكم هذه القصيده ..
واتمنى ان ترضي الذائقه ....

الله يسامحك ياخلي = يومك تروح وتحداني
وانا بلياك قلْ من لي = غير المشاوير واحزاني
أقرب لي اليوم من ظلي=واغلا من اوجيه خلاني
حالي من البعد منسلي=واهيم بالدرب وحداني
واضيْع الدرب ماادلي=واضيْع الهرج بلساني
اليا متى ماانت فاطنلي=واليا متى فيك تبلاني
من رحت والقلب منعلْي=والنوم قفى ولاجاني
شوفك دوى الجرح لاحلي=ولغيرك اليوم مااداني
من شوفتك يوم مااملي=حبك جرى وسط شرياني
مااكذب اذا قلت ياكلي=دام انك اسمي وعنواني
واثباتها كان تندلي=طالع وتلقاه بااعياني
ذكراك وسط الحشا ياللي =بالقلب والعقل سكاني
ماهو كيفي الحب ياخلي=مجبور والقلب يعصاني
وان كنت زعلان ومغلي =مااجبرك اذا ماانت تبغاني
موضوعها اليوم منحلي=باانساك وابغاك تنساني
وان كنت راضي ومتسلي=على العهد طابت اشجاني
باابقى مثل قبل ماازلي=وابآصلك دام تبغاني

وسلامتكم ..
تحياتي وتقديري .. بدرعيد ..

آخر تعديل بدرالهبيري يوم 17-Oct-2007 في 08:47 AM.

[محمد الـعـريدي]

بدر الهبيري .. ..

صـح الله لسـانك . يالغالي .. ولاهـان شـأأأأأأنك .. قصيدة جـزله من شـاعر جـزل رائـع . . . ونتشرف بإن تكون القصيدة حصرية على منتديات الهيلا . كل الشـكر يالقرم ولاهنت .. لله درك على هذا الإبداع اللامحدود ..


تقبل تحيـات اخـوك / محمد العريدي

دمـتـ سالما من كل مكروه .

[نايف الحيص الثبيتي]

مـااكـذب اذا قـلـت ياكـلـي
دام انـك اسمـي وعنوانـي
واثبـاتـهـا كـــان تـنـدلــي
طـالـع وتلـقـاه بااعـيـانـي
ذكراك وسط الحشا ياللـي
بالقـلـب والعـقـل سكـانـي
ماهو كيفي الحـب ياخلـي




الله الله يابدر ابيات جميله والى الامام


اخووك الشاعر :نايف الثبيتي الروقي

[مالك الذيابي]

جبتها على الجرح يا بدر

ههههههههههههههههه

صح لسانك يابن العم ولاهنت

[محمد بن غازي]

صح لسانك يابدر

[شوردي العتيبي]

صح لسانك يابدر الهبيري


على هالجزالة والإبداع


اعلم اننا في انتظار جديدك بكل شوق يالغالي


تقبل تحيات وتقدير


أخوك


شـوردي العتيبي

[عبدالله الجـــذع]

جزله يالجزل ..


قصيده روووووووعه..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالعزيز الدعجاني]

صح لسانك يا بدرررررررررررر

[محمدقبلان]

ماشاء الله عليك الله لايضرك
صح لسانك اخوي بدر








http://brqaa.com/index.php

[بدرالهبيري]

الشاعر محمد العريدي الله يعطيك العافيه ولاهنت
واقل مااقدمه لمنتدى الهيلا وصح بدنك ومشكور
على حضورك يالقرم تشرفت بك وبردك وبحضورك ..
تحياتي وتقديري .. بدرعيد ..