قصيدة قديمة لسعد بن جدلان في المزاين

[صقرالحوية]

سعد بن جدلان

يااهل المزاين في خيـار البعاريـن
فزتوا بزين الشعل والوضح والسـود

ما شفتوا الحمر الجرامـا المزاييـن
اللي حصايرهن كما السـدو ممـدود

كنها من الشيـراز تعطـي تلاويـن
حمرا يديهن بيض وخشومهن سـود

خفافهـن مـا شذبتهـا الضلاعيـن
سفرت مضيف ثليم في مصمك العود

لا درهمـت كنهـا تحـذف بطاطيـن
ولا تهـزع فـي حريـرا و ماهـود

طول اللحي فيهن وكبـر العرانييـن
خلت عليهن فـي جهـام البـدو زود

في الورد ما يشرب من الحوض ثنتين
ما هيب تنقر حوضها نقـر مفـرود

ترخي سيـوف لحيهـا والجرانييـن
اللي بعدها تحسب الحـوض مسـدود

ويرفع لها خوفا عليهـا مـن العيـن
من كثرة المقطـان لا صـرم العـود

وان ثوروهـن والخطاطيـر مشفيـن
اللي ما تملي دلوها مـا بهـا فـود

احدا من ادني الذود يملى المواعيـن
واحدا يليم في القـدح قطـة زيـود

وان كان قلتوا وينها واهلهـا ويـن
اخذوا كـلام بيـن الاقطـار ماكـود

عند اهل سمحات الوجيـه المسميـن
تروي القنا مـن دونهـا دم وكبـود

عشيهـا بيـن الظنـط والسباعيـن
ومسفارهـا قرمـل كماميـن بـرود

[طارق النفيعي]

صح لسانه

والله لا يهينك يالغالي

التوقيع

أخوكم : طارق النفيعي

[مخلد بن ماشع]

صح لسان

ابن جدلان




ويعطيك العافية على النقل






تحياتي

[عبدالله هادي ناشي الفليت.]

صح لساااااااااانه

[البااااز]

سعد بن جدلان شاعر كبير واحد شعراء الجزيرة العربية المبدعين ولكن ماعلاقة ابن جدلان وقصيدته في مزاين الهيلا

[الاد الكريزي]

صح لسانه
ولا هنت

[سعد بن مطلق المقاطي]

صح لسانك ولسان قايله

التوقيع

ديــــــــــــــــواني

[تركي الجذع]

اللله قصيده رائعه وبيض الله وجهك

[فواز أبوخالد]

صح لسان

ابن جدلان




ويعطيك العافية على النقل






تحياتي

[ابن مرغي]

صح لساااااااااانه