 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
22-Sep-2007, 12:37 AM
|
رقم المشاركة : 1 | |||||
|
قصيدة الشاعر محماس بن شميسان بملتقى العضيان
اليكم القصيدة /
ياناشدٍ عنـي مـن أيـات الأبـداد=سؤالك اللـي قلـت يحتـاج إجابـه إجابـةٍ تشفـي معاليـل الأكـبـاد=خذها من الواقـع دقيـق الإصابـه لاسلتني مـن لابـةٍ طيبهـم سـاد=في نجـد مربايـه وربعـي عتابـه هيلاً علـى تحقيـق الأمجـاد وراد=يـوم السنيـن الماضيـه بالحرابـه قبيلـةٍ بأعدادهـا هـي والأعـتـاد=وتوحيدهـا للصـف ماتنتجـابـه مثل الجبال اللي لها أرواس والهـاد=يذري ذراهـا مـن حماهـا لجابـه وان قلت وأنته ماكرك باي الاطواد=من آلاد روق أهل الكرم والصلابـه قومٍ لهم فـي ذروة المجـد مقعـاد=تجمـع جوانبهـم ليـان ومهـابـه وان قلت روق شعوب خذ مني أوكاد=تفصيـل علـمٍ ماتقطـع عقـابـه قبيلتي من فالقسـا ترخـص الـزاد=ليا من وجه الوقـت كشـر بنابـه عضيـان للطـولات والمجـد رواد=لهاماتهـم روم المعالـي عصابـه عضيان مدهلهم على وسق الأمجـاد=وعزومهـم كـل الشمـوخ تهقابـه عضيان فيهم زاكـي المـدح ينقـاد=لاحل طاريهم حضـر مـن غيابـه أول مزاياهم علـى روس الأشهـاد=إكرام ضيف وقـو عـزم ومهابـه وثانـي مزاياهـم ثقالـن وركـاد=مع وسع صدر وزود عرف ورحابه الهم حضور بحاضر الوقت وابعـاد=تاريخ لو فات الدهر مـا انطوابـه لوتشهد الصحراء وأثر هوج الأنواد=ويش الزمان من الفعـول انتحابـه يوم المراجل فوق عيـرات وجيـاد=ومن لاصمد في وجه ضده غدابـه يقودهم شـوخٍ يضـدون الأضـداد=مروين حـد اللـي غليـظٍ قضابـه سيفٍ من أيمان المطاليق كم صـاد=من راس شيخٍ حبل الأقـدار جابـه عمهوج ذكره موجده فعلـه اوجـاد=مشهور يوم الدم الأشقـر خضابـه وأفعال أهل عمهوج في جيش الأسياد=مـن غيـر شـيٍ مابدينـا حسابـه شـوخٍ مراكضهـم يجيبـن الأذواد=ليا جـا لغارتهـم عليهـا انحطابـه بالسيف الابتـر وبشغاميـم الأولاد=بظهور سردٍ مثـل شهـب الذيابـه شالـح قديـم أفعالـه الشـم مابـاد=كم مصـدرٍ محفوظـةٍ فـي كتابـه اليا احكم القبضه على السيف ماحاد=ليـثٍ مجاويـع الضـواري تهابـه وعقبـه عديـمٍ بالمخاليـب جـلاد=ذيب السرب كم جـوٍ اخـلا جنابـه نـادر نهـارٍ للكـدر فيـه رعـاد=بالشور اشار وباع بـه واشترابـه ومارق لو اذكر سيرته جمع وافـراد=مثل سلفـه مافـي فعولـه غرابـه منها ومنهـا وقعـةٍ غربـي الـواد=فالموقع اللي جمـع مـارق رسابـه راحت جياد الخيل من فعلـه ابـداد=والخصم من يمنا اخو نوره ذهابـه ويومٍ جنوبي شرقي الرجـم وشـداد=من هول ماجـا فيـه كـلٍ درابـه شـوخِ لمزحـم فالمهمـات قـيـاد=مثل السبـاع اللـي لهـن اقتلابـه ورثٍ من الجدان لاحفـاد الأحفـاد=ماهيـب بدعـة وقـت والا نهابـه في نجد كـم غنابهـا كـل قصـاد=وغنوبهـا شمـر سميـره وطابـه يمشي وراهم جمع مزحم ليـا قـاد=بيدينهـم حبـل الزعامـه قضابـه شوخ الشيوخ وروس نبراس وعماد=ورثٍ تـولاه الوريـث ورقـابـه لو جابـت الأيـام منكـر وجحـاد=خله علـى عميـاه يشعـب ركابـه يابدر لـك يـم الشواهيـق مسنـاد=مجناك باقي في عـلاوي هضابـه والاعقيـم الـراي ماعنـه نـشـاد=يقبل ويقفـي مثـل طـارد سرابـه ان قلت له مسموح من شان الأجواد=وان زل دربه ويش حضرة جنابـه من لا اعترف بالحق يابـدر مافـاد=أول خطا ضيـع سلومـه وآدابـه واللي على العيلات سـرداد مـرداد=هي مهنته شايب وفـي أول شبابـه بابٍ يجي من يمهم يوصد اوصـاد=خل الثعل يضبـح وينعـق غرابـه ضو الفتن من سابق الوقـت وقـاد=ومن ينجرف خلف المساوم غدابـه ودرب الصواب لمنهجك فيه ميعـاد=طـرقٍ جليـه ماعليهـا رقـابـه أفكار عن معمومس الـراي شـراد=والا الوفي سامي هدفهـا اعتزابـه والمعرفـه ماهيـب بعقـال وقيـاد=حره والأفكـار العـوارف ذرابـه والنقد ماينقـدك مـن غيـر نقـاد=ميـر ان بدابـه علـم والا انتهابـه ولو حاولوا قلـب المفاهيـم حسـاد=ماهيـب فيـد اقفايـةٍ وانقـلابـه ومن يامن آفات الدهر كاش واقصاد=يركض ورا جاثـوم حلـمٍ سرابـه يابدر خذ من حنكة افكارك ارشـاد=من قدح راسـك لايجـي بالنيابـه أنته حصـانٍ كـل ماطـول المـاد=من دون ربعـك للنوايـب جلابـه وربعك تراهم يابدر حـرز وسنـاد=والهم رجوع العلـم عنـد اكترابـه الله يجمعكـم علـى خيـر مـاراد=وارجي عساهـا دعـوةٍ مستجابـه وماهـب نسنـاسٍ ومـادن رعـاد=صلوا على المبعوث هو والصحابـه الشاعر محماس بن شميسان العضياني |
|||||
|
|
|
|
|
|
|
|
|
|
22-Sep-2007, 06:40 AM
|
رقم المشاركة : 2 | |||||
|
الفارس ...
حياك الله ولاهنت على القصيده لاهنت على النقل .... وصح لسان شاعرها ... تقبل مروري |
|||||
|
|
|
|
|
|
|
|
|
|
|
08-Oct-2007, 09:14 PM
|
رقم المشاركة : 3 | |||||
|
القصيده بعد التنسيق وبيض الله وجهك وصح السان الشاعر الجزل
|
|||||
|
|
|
|
|
|
|
|
|
|
|
08-Oct-2007, 11:25 PM
|
رقم المشاركة : 4 | |||||
|
صح لسان قايلها ولاشلت يمين ناقلها ..
ولك فائق الاحترام.. |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
