تـكـفـون ياعـتـيـبه لي طـلـب

[صبي حرب]

الاخوان في منتدى عتيبه

السلام عليكم ورحمة الله وبركاته وبعد

اطلب من الله ثم منكم طلب بسيط جد ٍ وهو قصيدة فتاة الوشم والتي تقول فيها

[poet font="Simplified Arabic,4,black,bold,normal" bkcolor="transparent" bkimage="backgrounds/21.gif" border="ridge,5,indigo" type=0 line=350% align=center use=ex length=0 char="" num="0,black" filter=""]
تمنيت ليت البيض مايلبس ٍ اخمار *** ولافرعت بالسوق محد ٍ يعذربها
[/poet]


ولك تحياتي

[ابن مشيب]

اخي صبي حرب:

شطري البيت كليهما مكسور , خصوصاً الشطر الثاني.......

ويتضحلي من البيت انه لرجل , والبيت ضعيف جداً ولايمكن ان يقوله شاعر متمرس في الشعر , قد يكون قائل هذا البيت او القصيدة جديد في نظم الشعر...........


واما فتات الوشم فهي شاعرة كبيرة , واذا احببت ان ازودك بقصيدة ابشر....

[مدركة]

البيت هكذا:

تمنّيت ليت البيض مايلبسنّ خمار *** ولا فرّعت بالسوق محدن يعذربها


حسب معلوماتي وأظنه لها صحيح




نواف

[عتيـ4everـبه]

أنا أتفق مع الأخ أبن مشيب بأن البيت مكسور وبقوووووووووووووووووووه وماهو موزون ومادري كيف جاي لدرجة أنك تحس أن البيت مركب وكأنه نكته عل غرار ( لا صار صاحبك عسل سده وأستريح) و ( اللي مايطول العنب تكفيه الأشارة)


وأتفق مع الأخ أبن مشيب بأن البيت ربما يكون لرجل ( غالبا الذين يطالبون رفع الخمار بالشعر الغزلي هم الذكور)

تمنيت وليت تحملان نفس المعنى وصعب يكونون بجنب بعض.
البيتين غير متراكبين حيث في البيت الأول كان اللفظ بالجمع وفي الثاني فردياْ



وأن كان حقيقه بيت شعر فما أظن أنه حتى مبتدى هذا تحت مستوى الشعر




تقبلوا خالص تحياتي وتقديري |3|

[صبي حرب]

ياجماعه يالربع انا ماقلت وش رايكم في ها القصيده او بيت القصيده انا اقول اعطوني قصايد فتاة الوشم (هيأ )العــتيـبــيــه
تمنيت ليت البيض مايلبسن اخــــــمار*** ولا فرعت بالسوق محد ٍ يعذربــها
لقدم علي التجنيد والبس بدال الكــــار*** واشارك مع الابطال وانطح متعبها
هل البدله البرقا مع الخوذ والبصطار*** رجال ٍ فصايل دمها فـي مــناكبــــها

عانو ياعتيبه مباكم تقيمون القصيده اباكم تعطوني قصايد فتاة الوشم

والله يعطيكم العافيه

ولك تحياتي

[نادرالامير]

صبي حرب مساك الله بالخير القيصده صحيحه وهي لفتاة الوشم وابشربها

عسىاللي مشى ودعته الله مع الاسحار:::عسى ام دعتله ربهامايخيبها
مع اللي مشوقبل امس لمواجه الغدار::::على قوتن كن الذيابه تقانبها
عليها رجالن ماتنهب حقوق الجار::::::::تحت راية التوحيد تمشي كتايبها
سلامي عليكم ياهل اللواءالثامن الاحرار::وعلى جيشنا الباسل شبابن وشايبها
رجال البدال الخرش والخوذ والبسطار::::تسيروفصايل دمها في مناكبها

والقصيد ه اطول من كذا واالباقي بعدين

[صبي حرب]

نادر الامير الله يطول عمرك
قطعت قلبي عطني القصيده كامله تكفأ وابي بعد كم قصيده الله يعطيك العافيه

وانا اشهد انك امير على اسمك

لك تحياتي

[متعب العضياني]

نشكر الاخ نادر الامير
ونشكرك على اتاحة الفرصه لنا لمعرفة القصيده
وتقبل تحياتي

[بارق الصيف]

تسلم اخوى
يعطيك الف عافيه
ما قصرت
اخووووك

بارق

[ابو وعيل]

الاخ العزيز صبي حرب هذه القصيدة نقلتها من

اخونا نادر وهي

عسى اللي مشى ودعته الله مع الاسحار
ــــــــــــــــــــــ عسى امن دعـتلـه ربها مايخيبها
مــع اللي مـشوقبل امـس لمواجــه الـغدار
ــــــــــــــــــــــ على قوتـن كــن الذيــابه تقانبها
عـليهــا رجالــن ماتنـهب حــقـوق الجــار
ــــــــــــــــــــــ تحت راية التوحيد تمشي كتايبها
تحت ضـل قايـدهم اسودن غــضبها ثــار
ــــــــــــــــــــــ على راي ابوفيصل تصادم حرايبها
سلامي عليكم ياهل اللــواءالثامن الاحرار
ــــــــــــــــــــــ وعلىجيشنا االباسل شباب وشايبها
رجــال الـبدال الحـرش والخـوذ والبـسطار
ــــــــــــــــــــــ تســير وفصايل دمـها من مناكبـــها
حيــاتي فـدا الــلي واقفـينن بخـط النــار
ــــــــــــــــــــــ تشوف السباع الكاسره في تلاهبها
انا مـولعن قلبي بــحـب الضــفر والــــدار
ــــــــــــــــــــــ واحب الرجال الصامده عند واجبها
اصــــدر ابـيوت الشعر مــن قلبي الغــيار
ــــــــــــــــــــــ طموحن لحب الموطن اللي ربيت ابها
بلادي عزيزه حبها في عروقي ســـــار
ــــــــــــــــــــــ ولواسكن الاشجار داري سليت ابها
علي يشهد الله عالــم الجـهر والاســـرار
ــــــــــــــــــــــ علىحــــــب قومن واقفينن بجانبها
صقورن تطوف الجــو ماتختشي الاخطار
ــــــــــــــــــــــ سعودي صعدبالمجد لاعلى كواكبها
رجال البـــنادق والخنـادق رجـال الـنار
ــــــــــــــــــــــ ليوث العرين اللي تغبر شواربــــــها
وحرسنا الشجاع وجيشنا الباسل الصبار
ــــــــــــــــــــــ قـذايـف جـحيم المعركه في لهايبـها
ايلاشــبت الـهيجا وذبــذب لـها الــرادار
ـــــــــــــــــــــــ تنـخـت اسـودن لـلمنايا تـقوم ابـــها
تقدم لخوض الـــموت كــل ابلـجن مـغوار
ـــــــــــــــــــــــ وثنودون جنة دارنا اللي نعيش ابها
ذراها هـل الـبدلـه ايــلا عمـــيت الابصار
ـــــــــــــــــــــــ ايلا بانت الريـبه وصـكـت حـواجبها
حــملت الشرف والفـخر يالجـندي الجبـار
ـــــــــــــــــــــــ افداك الجبان اللي عهوده يخون ابها
تمنـــيت ليـــت البــيض مايـلبـسن اخمـار
ــــــــــــــــــــــ ايلا فرعت مافي الوطن من يعذربها
لقــدم على التجنـيد والـبس ابـدال الكـار
ـــــــــــــــــــــــ واشارك مع الابطال وانطح متاعبها
سـلامــي عــليكــم عــد ماتنبـت الازهار
ـــــــــــــــــــــــ وعدد ماذرت في مملكتنا هبايبهـــا
وعدد ماوفد في جو مكـــــه من الـزوار
ـــــــــــــــــــــــ وعلى كل مقدامن يصالي متاعبهـــا
سـلايــل مــوارس نـجــد خيالــت الامهـار
ـــــــــــــــــــــــ مـولين ابـو تـركي مصـفي مشاربهـا
حـــمـاهــا عـــن العيـلات بــهـندن بتـار
ـــــــــــــــــــــــ وبـقـت للـحرار اللـي تصفـي مخالبهـا
علـى مـن زبـن لـديارهـم هونو مــاصـار
ـــــــــــــــــــــــ تحـوفـه بـملهـوفــن تـعرض معـايبهـا
عــوايد هـل العوجا الكرم والقلوب اكبار
ــــــــــــــــــــــــ اجبالن رواسي لوتضابح ثعالبــــــها


http://www.otaibah.net/m/showthread....C7%E1%E6%D4%E3



تحياتي لك

ابو وعيل الرويس