معركة الصعران وشديد الحثري وخوياه السليس والعصيمي

[الادعاصم@]

قال العصيمي بادي (ن) راس قنه=في قنة(ن) عديت عالي رقيبها
ماحولي الا هامل الصيد والخلا=وشهب الذياب اللي تعاوا قنيبها
ابني بيوت (ن) كنها ذايب العسل=او در عرب (ن) من محالي حليبها
ياالله يالمطلوب ياقايد الرجا=ياخالق الامه ومبدي نصيبها
يامقسم ارزاق المخاليق كلها=ياموجد الأنفس ويامعتنيبها
ياخالقٍ مافي ترابك من العدم=ودعوة عبادك وان دعوا تستجيبها
ياقامع المخني وياقاهر الطغى=ونفس(ن) تعثوا بك عليك تعذيبها
يارب توحي جابتي عند حاجتي=ياخالقٍ روح البنادم حسيبها
ارجيك يوم انك براجيك تعتني=وعينٍ ترجاك الرجا ماتخيبها
تطرح لنا غيثٍ صدوق به الحيا=يسقي ديارا بالقسى نلتوي بها
وانك تعاونا علي مايل الدهر=وتكسي مدايرنا بخضرة عشيبها
ماني بخبل (ن) نومته حزة الضحي=ولا من رخومٍ شينها في قريبها
من الاد عاصم كل ماجا دعيه=تذبل الحجه وتفلج طليبها
وان جا عليها من خصيمٍ حرابه=ربعي مضراةٍ بلطمة حريبها
تفدع شيوخ القوم في حومة الوغي=بمسلب(ن) تشلع ترايب صويبها
بمسلب (ن) كن الزوارق ارقابها=من الصيد حناها وعدل خشيبها
للضيق ومبادي الردى متعبينها=صنعة افرنجي (ن) قوي لهيبها
نرعى بهن من سنين العشايب=في ديرة (ن) قفر خلا ماوطيبها
ونركب بهن من فوق عوص النجايب=هجن وجياد زرع قلبي جنيبها
يوم ان ولد اللاش ترك وجوبهن=والقاله الدنيا لدينه رضيبها
اللاش دايم نقمة لابن عمه=لو كان ماله حجة(ن) يدعيبها
وياشيب عيني من ذيابة قبالنا=اللي عدو في ساعةٍ يندعي بها
جونا كما ثعل البرد من مخيلته=قدام عين الشمس تدرك مغيبها
من فوق جردٍ كن اضاحي نحورهن=افقوح الأدام اليا تقافى هريبها
وقمنا عليهم قومة (ن) تعجب النظر=والقرم باسم اخته عدا يعتزي بها
نشهر عزاوينا ونطلق مهارنا=ونطلق اللي طامح(ن) من خطيبها
من يوم ثار الملح ما اترب ولازمى=هذيك نعطبها وهذي نعيبها
كم عيطموس من جراير فعولنا= نهار غب الكون تبكي حبيبها
ذبحي من الصعران تسعه ببندقي=بالمارتين اللي سريع(ن) نديبها
وخمسة عشر جيشٍ عليه الاهله=وباقي فعايلها لمن يستنيبها
ووالله يالولا الليل عنهم حداني=ماخلي اللي راكب في نجيبها
ياذيب ياللي في خشوم ذهلاني=فالرايغه واعلى علاوي شعيبها
اقنب لذيب(ن) يم خشم الزباره=وعيد علي هجنن ونشر عصيبها
تشبع جعيرات وتشبع حنادي=وعلى العشا تدعي المكاحيل ذيبها
وهذي علوم الصدق ياجاهلن بها=ولاني بقايل سالفة مادري بها
واختامها مني صلاة علي النبي=عد النجوم وعد من يهتدي بها

بيض الله وجهك
وسمحلي بتنسيق القصيده