فــراج التويجــر الدماســي ،، أحد فرسان وشعراء العضيـان

[سعوط المجانين]

بسم الله الرحمن الرحيم

قال عنه منديل الفهيد الأسعدي في كتاب من آدابنا الشعبيه ص 1/157
(هو فراج بن فلاح التويجر الدماسي من العضيان من الروقه وشاعر كبير حظر معركه بين مطير وعتيبه على الشيخ محمد البراق ومن معه من ذوي ثبيت)
وسجل قصيده في تلك المعركه سأوردها لاحقاً

فراج التويجر الدماسي العضياني من فرسان العضيان ومن مشاهيرهم وشاعر القبيله في وقته بل كان الناطق بأسم عتيبه في عصره وسجل أغلب المعارك وأرخها بقصائده التي يستشهد بها الرواه في وقتنا الحاضر.

كان من اشجع رجال العضيان وحظر معركة ابرقيه الشهيره وفعل في ذالك اليوم وذكره سلطان التهامي حينما تطرق للفرسان الذين برزو في ذالك اليوم
يقول التهامي

ونهمهم ضاوي الخمري بحس يفرح النشطانوفـراج التويجـر ردهـا للـي متليـنـا

ولعل هذا الشطر هو خير شاهد للرجل وشجاعته واما ضاوي الخمري المذكور فالشطر الأول هو الفارس ضاوي الخمري البيشي احد ابرز فرسان العضيان

فراج التويجر اراد من ابن هندي فرسً اصيله وقصد أمير عتيبه وابو عتيبه الأمير محمد بن هندي ومدحه في قصيدةً يذكر فيها بعض من فعول داهية عتيبه.

يقول فراج التويجر فالقصيده التي قصد بها الأمير محمد بن هندي

قـال العضيانـي تمثـل وغـنـا=مثايلن من خاطـره واهتنـا بهـا
ماهـو بشاريهـا ولا مستعيرهـا=مصـدارهـا عــن غيـابـهـا
خـوف يلزمهـا فقـيـه ينـقـد=ياخذ مصالحهـا وينطـل خرابهـا
ياراكـب مـن عندنـا صيعريـه=سديـس والا تـو ماشـق نابهـا
مسراحها من روق من خشم عسعس=كل يشوفه صبح يوم التـوى بهـا
ملفاك بن هندي منا هاشـل الخـلا=عيد النكيف اللي تضالـع ركابهـا
تلقون ثاية كنهـا واكـف النـدى=من مس الايدي عقب لوخ العشابها
خيال بـوش يـوم لحقـوه شمـر=هل المهار اللـي تلاعـج ثيابهـا
يوم اوحت الشرفا بحس ابن هنـدي=تباشـرت بشرفـه بفكـة رقابهـا
والخيل يوم اوحت صياحه وعزوته=تقلعـت مـن كـل فـج اطنابهـا
وابن طوالـه نـار قـدام ربعـه=وابنه ذبيح وذبحتـه مـا درا بهـا
لاكـن قلـع الخيـل بينـه وبينـا=زمـول فرقانـن موطـاً زهابهـا
ذوي حميد الهم على الخيـل ذارب=غز القديمي لآن يـروى نصابهـا
والثانيـه نـثـران دم المـعـادي=برديني بالجوف غمـق صوابهـا
ياشوق عـذرا كنهـا قايـد المهـا=والبـدر كنـه ناقـع فـي لبابهـا
يابنت من يضرب بشلفـا طويلـه=لازرفلت والطرح جا في زهابهـا
قصدتها فيها علـى شـان ابوهـا=ابا اتمثل فيـه لـو مـادرى بهـا
يا الشيخ ابو سلطان ابالي اصيلـه=يازينها وان كان ربي نـوى بهـا
انا بلايه من شبيـب بـن حجنـه=يوم ان طاحس راح يمـه وجابهـا
والشوخ يمك دوب تنقـل حزاتهـا=مثل الحناشل يـوم تنقـل جرابهـا
وانته حبالك باع من فـوق حبلهـم=ومن ورد دلوه في حبالك سقى بها
وانته تشيل حمول مـن لايشيلهـا=شال الحمول الكايدات ومشى بهـا

(القصيده حصريه لهذا المنتدى ارجو ممن ينقلها يذكر المصدر لأنها مجمعه من الرواه على بيتين وثلاث ومتعوب عليها)

انا بلايه من شبيب بن حجنه=يوم ان طاحس راح يمه وجابها
هاذين البيتين اوردها القداح في كتابه ونقلها عن الراوي محمد بن حصيان
وطاحس المذكور هو طاحس بن مشنوطه احد ابرز رجال العضيان في وقته غفر الله له،،

كان للشاعرنا فراج التويجر حظور فالقبيله كما ذكرت وانه الناطق الرسمي بأسم العضيان
وهناك قصه جرت على قبيلة العضيان على وقت الأمير مارق بن صنيتان الضيط ومختصرها ، أنه هناك قصيرً للعضيان اخذ حلاله وجاء سيتفزع بالعضيان وردو أبله العضيان بعد ان كادت تقوم معركه بين العضيان
و(أحدى قبائل عتيبه)!!
يقول فراج التويجر الدماسي

قصيرنا لوهو ورى بندر الحاج=غصباً عليكم ياعور عين تديه
لو سالفه عن سالف البدو منعاج=يدعى ورفاع النظر مثل مرخيه
وأن لاح براقً من الوسم لعاج=قطعاننا قامت تخوض خباريه
في رأي اميراً للمجاويخ زعاج=مزحم رعايله وطلحه تراعيـه

وهو يقصد الأمير مارق الضيط في البيت الأخير
وتعتبر ابيات التويجر هذه حفظً للهذه القصه التي لولا ابيات التويجر يمكن ان تذهب مع الزمن،،،،

فراج التويجر كان معاصراً لوقت صنيتان الضيط ومعاصرً في آخر عمره وقت مارق الضيط
يقول في معركة (بدن) وهو جبل مشهور وقعة بجانبه الغاره وكانت احدى المعارك التي حفظها ايضاً بأبياته
المعركه كانت بين المزاحمه على صنيتان الضيط والسقايين من مطير
وبرز في تلك المعركه الفارس بالود بن ناصر بن شالح الضيط والفارس مدوخ بن تنيبيك

يقول فراج وهو يتحدث عن بعض تفاصيل المعركه

ياذيب ياللي في بـدن تقنـب قنيـب=دونك على العوني تجدد لـك مـراح
غالب و طالب دوك في حرف الشعيب=في معلـج خيـل ٍتـزارق بالرمـاح
ذباحهـم شيـخً لنـا نـاشً بطيـب=يروي السنان ومن وراه الجب طـاح
بالود يلعبهـم كمـا لعـب الغريـب=من فوق قبـاً كنهـا ضبـي البـراح
وزيد ابن سحلـي يشيلونـه صويـب=عليه علـو شـه تغثـري بالصيـاح

بالود هو الفارس بالود الضيط بناخي صنيتان ووالد الفارس المشهور(منصور بن بالود)
وزيد بن سحلي صوب في تلك المعركه والذي صوبه هو الفارس المشهور مدوخ بن تنيبيك

أيضاً تمثل الشاعر فراج التويجر الدماسي مخاطبً احد فرسان الروقه المشهورين

يا.........ما انت بضدنا=لو كان باليمنـى طليـق
ذود المعـلـج حـدنـا=ولا نعتذر دون الرفيـق

وهذه الابيات جاءت عندما اخذ ذود كريون المعلج المرشدي وجاء يستفزع بالأمير مارق الضيط وفزعله وردله ابله
وسجلها فراج التويجر بهذه الحداه،،،،

وأما قصيدة الأخرى وهي من اشهر قصائده التي سجلها لحفظ التاريخ وقد ذكرها
ابو عبدالرحمن بن عقيل في كتابه ص 182/ و3/215
وهذه القصيده قالها بعد الوقعه التي حصلت بن مطير وجز من عتيبه على الشيخ محمد البراق من ذوي ثبيت ومن فرسان الروقه المشهورين

ياراكب حمرا تهوش المضاريس=ماساقها الجمال واوجر ضهرهـا
حمرا قفاها كنها من قفـا الفيـس=وعيونها جمر الغضا من صطرها
مسراحها من غال حل الغطاليـس=والعصر وادي الدعيكـه قهرهـا
حرم طعام معشيـه بالحماريـس=لاهبت النكبا وصالـف مطرهـا
جزافه الدنا علـى غيـر تقييـس=ما حسبوا صرفاتها من خسرهـا
جانا ولد سالـم بيـد المناطيـس=بنمرا يشادي الديدحانـي شهرهـا
قدمه ولد هادي مروي المناسيـس=باولاد روق مغدرة مـن نحرهـا
هضاب غال مشمرخات الاراويس=من الجنايـز ضايقـات حفرهـا
الماطلـي والمارتـي والمقاييـس=والريفل اللي سوها فـى قطرهـا
ما فرجت له يوم جنـه كراديـس=من طب للمرمى يضيع نظرهـا
ريع السليل مثل باب المحابيـس=بريه عقب الزوم ربـي حشرهـا
والرجل مالت من مجاني القرانيس=والخيل عند حليس حـول نبرهـا

وله قصيده في امير الدغالبه من عتيبه وهو الشيخ خزام المهري والقصيده لم اجد منها الا هذه الأبيات

يانجـد ويـن محيليـن الثنيـه=ومنزحة عن نجد دقلات الأجناب
هذي محل اضويهم تقـل حيـه=مثل الخدور اللي تبنى بالاسلاب
اقفابهم ياخـزام ضيـق عليـه=واقبالهم يفتح على قلبي ابـواب

وكما ذكرات انه الناطق بأسم قبيلة عتيبه وله قصيدة تعتبر من اشهر القصائد التاريخيه في وقتنا الحاضر وهي قيلت بعد مناخ عرجا بين عتيبه وتحالف مطير مع حرب ضد الهيلا وقال هذه الأبيات بعد ما فزعو الروقه وصبحو مطير ولقوهم قد سرو ولا وجدو الا الكلاب مربطه والنيران مشبوبه وهم قد انسحبو ليلاً
والقصيده موجهه للشيخ نايف بن هذال بن بصيص

حنا عتابـه للحرايـب ماشتحنـا=نضير النافر ويركب لـه وليـف
برقا لا يامـن الحرايـب ولعنـا=منزحه عن نجد دقلات الحفيـف
وحنا لهم مثل الجمال اللـي تثنـا=شياله الحمل الثقيل عن الخفيـف
نمشي وتالي الليل يسري به ضعنا=ونقل المثقل عندنا نقـل الخفيـف
في نجد خلينا القبايـل مـا تهنـا=وكم واحد من ضربنا اقفى معيف
ياليت نايف حاظراً دقلـة جملنـا=حتى يخلي نجد بالقلـب النظيـف
رديفكم شلناه مـن عرجـا لهلنـا=ولومه عليكم يامخليـت الرديـف
العام يومـك نخيتـه مـا تونـا=واليوم خليته بعد جالـك حليـف
ياللي تجي هذال رد العلـم عنـا=لو هو وراء مكة وبلدان الشريف
لا يحسبنه يوم راح وصـد عنـا=انا نقرط في الاصابع نستضيـف

المقصود بالرديف فالبيت السابع هو الشيخ حجاب بن نحيت الذي استيسره محمد بن هندي في ذالك اليوم واكرمه شهرين وبعدها ارسله لجماعته مكرماً معززا،،،،

يقول الشاعر كديميس العصيمي مستعرضاً تلك المعركه

أبن نحيت حجاب بين المثاريـن=دارت عليه بمعتلجهـن رحانـا
ينخى بني سالم وهم عنه مقفيـن=وخاب الرجا فيهم وعود نخانـا
وجسمه تشارك فيه شلفا ورمحين=وشلنا واسقينـا النحيتـي دوانـا

هذال المذكور في البيت الذي قبل الاخير هو الأمير هذال بن فهيد

وهذه القصيده الختاميه للشاعرنا الكبير فراج الدويجر العضياني في مدح امراء برقا من عتيبه وللأسف ان القصيده حرفت في الوقت الحالي لأغراض خاصه!!

ياولي العرش يارب العموم=يامعديني عواقيب الاثام
عقب هذا قربوا لي خمس كوم =خمس زينات المماشي والاولام
مربعات دون شمر بالجزوم =ناقضات الجزو في وادي جهام
قيضن بالقيض في وادي الهشوم =لين ني الهجن جا كبر العدام
انحروا برقا منجية الفحوم =من خيول ابريه ولا خيل يام
يمموهن ياطروش باليموم =يم ابو صلال جعله ما يضام
هيضلن ماهي تلاميس العلوم =ترث باني البيت عزال الجهام
ثم نصوهن الى شيخ لزوم =شيخ برقا بالمنازل والزحام
يم ابن هندي عسى عمره يدوم =سلموا لي واجهدوا لي بالسلام
يوم يركب فوق شقراه القحوم =العبيه ركضها فيه الدحام
فوقها يمنا تورد بالسهوم =تشبع اللي في مراح الخيل حام
شايل حمله معه حمل الحموم =لو تعقل اعضاه بالحملين قام
وراعي العليا مريع للفحوم =حرز تالي الخيل بايام العسام
غير نطح الخيل نطحه للسهوم =ودقله المظهور فايام الزحام

المصادر بعض من الرواه والباقي أخذ من كتب
من ادابنا الشعبيه منديل الفهيد الاسعدي ص 1 / 157 وديوان الشعر العامي بلهجة أهل نجد/ ابو عبدالرحمن بن عقيل ص 182/ و3/215 وقصه وابيات لأبراهيم اليوسف ص 146

هذا موجز فقط عن رجلاً شرف القبيله رحمه الله رحمة واسعه،،،،
منقول(شبكة العضيان)للمشرف على تاريخ القبيله(حصان الصدق)

آخر تعديل سعوط المجانين يوم 25-Sep-2007 في 12:43 PM.

[ولد الروقه]

ونـــــــعم بالدماسين ربيع ناصر الشغار و العضيان ربعي على مزحم

ونعم ونعم



العطــــــــــــــــــــــــــــــــــــــــــــــ ــاوي

[سعوط المجانين]

العطاوي شكراً على مرورك والعضيان وذوي عطيه عينان في رأس.

[الامير حريبيش]

الاخ سعوط المجانين تحيه طيبه
الله يبارك فيك علي هذا المقال عن الشاعر الهرم فراج التويجر الذي خلد بشعره كثير من مواقف عتيبه وكان ابن بار لقبيلته فرحمه الله وجميع المسلمين والمسلمات
اما قولك المقصود بالرديف فالبيت السابع هو الشيخ حجاب بن نحيت الذي استيسره محمد بن هندي في ذالك اليوم واكرمه شهرين وبعدها ارسله لجماعته مكرماً """""""فانا استسمحك يابن العم بتصحيح هذا الخطا احترام للتاريخ
فالمقصود بالرديف هو الفرم وهو الذي استيسر عند ابن هندي وليس ابن نحيت الذي لم يحضر هذا المناخ كما يقول التاريخ
ومناخ عرجا تحالف الفرم مع الدويش وابن بصيص ضد عتيبه الهيلا وسرتهم عتيبه كالعاده بعد 25 يوم

[قف امامك عتيبي]

مشكوررررررر وبيض الله وجهك على الموضوع الرائع
1
1
1
1
1
1
تقبل مرورك

[الغزير الطامي]

مشكو ر علا هاذه المعلومات الرائعه والتاريخيه ولاهنت ياسعوط المجانين والله يرحم شيوخ مزحم

[نسل أحرار]

مشكور اخوي صعوط المجانين ..

وصح الله لسان قايل القصيده ..

[ضرار أبن الأزور]

لاهتت يا سعوط المجانين على هذا الموضوع الاكثر من رائع عن علم من اعلام الفصاحه في قبيلتنا العزيزه والحقيقه انني كنت اجهل الجانب الفروسي للشاعر فراج وهذه ثمرة الموضوع بالنسبه لي اما قصائده فهي اشهر من نار على علم

اما بخصوص قصيدته في الدغالبه فهي كالتالي


يادار وين محيلين الثنيه ..... ومنزحة عن نجد دقلات الاجناب
هذي مشب ضويهم تقل حيه .... مثل الخدور اللي تبنى بالاسلاب
اقفو عليهم من الحاكم دعيه .... والحر يشهر لين يدعيه جذاب
اقفايكم ياخزام كره عليه .... واقبالكم يفتح لصدري مية باب


الشطر الثاني من البيت الثاني سمعته برواية اخرى كالتالي ولا اعلم مالصحيح
هذي مشب ضويهم تقل حيه .... مثل الخدوش اللي تقرقش لها اسلاب

الحاكم : المقصود به ابن رشيد حينما طلب الاصايل التي قلعوها الدغالبه من سبيع

خزام : هو خزام بن محمد المهري امير الدغالبه وفارس من ابرز فرسان عتيبه في مناخ الشعراء وغيره من المناخاات

وشاكر لك اخي الكريم مره اخرى وبيض الله وجهك


دمت بود