اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
10-Sep-2007, 02:45 PM | رقم المشاركة : 1 | |||
|
(حبيب العازمي ابو فيصلxفلاح القرقاح ابو محمد)محاوره
من أجمل المحاورات التي جرت في الشّبكه العنكبوتيّه محاوره تسجّل بالذهب بين عمالقه اتحفونا وامتعونا بدروس مجانيه في فن المحاوره والشقر بين: . . العملاق / حبيب العازمي × والعملاق / فلاح القرقاح . . حبيّب العازمي . . الشاعر اللي فيه سيما اهل الكرم والصالحين=احيان يقرا ماكتب واحيـان يكتـب ماقـرا وصاه ابوه وجده اللي وارثه والصـا لحيـن=امايحصـل مابحـر والايحـصـل مـاقـرا . . فلاح القرقاح . . ياحبيّب الروقي بلشنا في الليالي والسنين=الله يساعدنا على الكوكب وما به من ورا راح المفرج والمزرج والمصقل والسنين=ما باقي إلا قفش ترباسه رما به من ورا . . حبيّب العازمي . . يابو محمـد مامشينـا فالـدروب الا يميـن=وانته تعرف الايمنا وانتـه تعـرف الايسـرا لاكن لاياخذك فاهل الـزور لـوم الايميـن=مار انتبه للي سرح واحسب حساب اللي سرا . . فلاح القرقاح . . دينٍ ما ينكر منكراتٍ محدثه ماهوب ديـن=والوادي الممحل لا راد الله له الرحمه جرا البيع يا طير السعد عد وعدد ماهوب دين=والطيب اللي لا جرا غيره مع الزحمه جرا . . حبيّب العازمي . . يالله لاتفرح علي اهـل الحسـد والشامتيـن=ويبطي عدوي من صوابه بعد اصابـه مابـرا ياهل الهوى وين الهنوف ام الوشم والشامتين=كم واحدن يقول عاشق مار جسمـه مابـرا . . فلاح القرقاح . . انتو وحنا طال عمرك كلنـا مـن قالطيـن=الله تعالى يجعل لمـن طاعـه حجـاب وذرا منقال طين اهل البناء ياصاحبي منقال طيـن=ويوم الحصاد يحصّل المحصول من جاب وذرا . . حبيّب العازمي . . انته وابن وسام سجلتوا هدف فالدورتين=واناقريت القارعه والزلزله والـم تـرا التين فالبستان يارجلٍ تبا فالدور تيـن=لاكن قيس المزرعه باليارده والامتـرا . . فلاح القرقاح . . انا وابن عمي كفو والشارقة ماهيـب عيـن=انقل ترا ما عاد في الديرة مكان انقـل تـرا العين صارت خشم ياحبيّب وصار الخشم عين=وهل السعودية ما تعرف مهرجـان انقلتـرا . . حبيّب العازمي . . لوتحسب القسمه على المقسوم له والقاسمين=للي يباع برخص في سوقه بسعـره ينشـرا القاجمل والقاجـزل والقاهـزل والقاسميـن=مير الصحافه كـل شيئـاً ضدهـا ماينشـرا . . فلاح القرقاح . . مافاد ابو شوشه لا ابو شارب ولا ابو شاربين=لا جات له بالمشتـرى والبيـع ولا بالكـرا خلق الله بنعمة وخير وما كليـن وشاربيـن=خل العيون اللي نضب ماهـا تحـلا بالكـرا . . حبيّب العازمي . . وين السيوف القاصمه ياصحبنا والمرت وين=الفن علينا ماطرا والفن علينـا قـد طـرا الله خبير بحال من ماتو ظمـا والمرتويـن=وان كان ماهب السعد فلاعلى الدنيـا طـرا . . فلاح القرقاح . . انا ليا جارت علـي الأيـام قلـت الله يعيـن=وإن زان وقتي جيت عدواني على الكون جهرا الرقية الشرعية تعالـج لـو العايـن يعيـن=عيون يسبق شوفها الدربيل وعيـون جهـرا . . حبيّب العازمي . . اللي يحب المرجلـه يبديلهـا والهـا يبيـن=واللي يعدي في كرا يقدر يحـول مـن كـرا وانته تعرف الصاملين امن العرب والها يبين=حدث ولاتنسى نصيبك مـع نكيـر ومنكـرا . . فلاح القرقاح . . يقودنا لأهل المراجل والوفاء شوق وحنيـن=الحزة البركة الياجتمعـوا مشايـخ وامـرا كلن يعرف اللي لا شال الحمل ما جاله حنين=وانا لكم حتى لو إني مـن ورا الفيـوم ارا . . ملاحظه: المحاوره جرت على الهواء مباشره في منتديات المرقاب الأدبيه مع تحيات فلاح الهاجري |
|||
|
|
10-Sep-2007, 02:59 PM | رقم المشاركة : 2 | |||
|
اخوي فلاح الهاجري والله محاوره رائعه بكل ما تعنيه الكلمه
وليش ما تكون رائعه وهي بين الشبح وابو محمد مشكوووووووووووووووووووووووووووووووووووووووووور على المجهوووود الرائع ولاعدمناك تقبل مروري |
|||
|
|
11-Sep-2007, 06:58 PM | رقم المشاركة : 4 | |||
|
قمـــة في الروعـــــــة لا هنت على النقل يالهاجــري |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|