كفويابن حجنه

[ناهس بن نايف]

بسم الله الرحمن الرحيم

هذه القصيده اهداء للاخ العزيز مترك بن نايف بن حجنه
واهداء للحجن خاصه وللمفاريج عامه بمناسبة فوزه في مهرجان
ام رقيبه وهذه القصيده اقل شي اقدمه لابن حجنه
وأتمنى ان تنال اعجابكم :


كفـــو يابن حجـنه وتستــــاهل الفـــوز

ولاهي غريبــه ياطـويــل الـذراعـــــي

ترهــي على الاول ولا لغــيرك يجــــوز

لأنــك تحمـس له وفيــك اندفــاعــــي

مع هوزتــك ما أحـدن تمكـن من الهــوز

ومن يمتلكــله ذود أيـس وبـاعــــــــي

دحم المـنافس عنتدك أسهل من اللـوز

وفـوزك علــن مافيه غـش وخـداعـــي

ذودك عـن الـذيــدان فــارق ومفـــروز

تخــتاره اللجــنه بـرايــن جـماعـــــي

واثــق ولا أنته سـاعة الحسـم مهـزوز

فـاهم ومتــمكن ومـدرك وواعــــــي

ياعــل ربـي يجعــل السهم مغــــزوز

فــي عيـن حسـادك ردي المساعـــي

ويجعل علمك مع المشاكـيل مركــــوز

وتمـــثل عتــيبه دهـر يالنفـاعــــــــــي

لأنـك فعـلت الطـيب والطيب مكــــنوز

الجــايعــين بما فعلـته شــباعــــــــي

وأنا ماقلـــته قصـدي أنال وأعــــــــوز

الا الحــميا اللي تجـيب الشجـاعــــــي

لأجـلك كتـبت القـاف محـبك ومرمــوز

وأرده لــمن يحـسن الإستـماعـــــــي

مافــيه حـرفن ينقـدونـه ومـنقــــــوز

كلـه لجــزل لشـيوخ ماخــص راعـــــي

يليــق بك ويجيك باسرع من كــــروز

يكــفيه من حضـرتك بس إطـلاعـــــــــي

والقصد أبارك لك على نيلك الفــــــوز

ولاهـي غـريبه ياطـويـل الـذراعـــــــــي

[عبدالرحمن الهيلوم]

(( الطيب لاتستغربه من هل الطيب 000الي لهم في منهج الطيب خبره ))(( اوسع علي الاجواد من فيضةاشعيب 000 واضوق علي الانذال من ثقب الابره)) ونعم مليون بك وبن حجنه وبعتيبه كلها000000

[مستشار القبيلة]

صح لساااااانك يا ناهس

و يستاهلون النفعه و يستاهل ابن حجنه

[طارق النفيعي]

ونعم ويستاهل ..

كفو والله ولاهنت ..

[مخلد بن ماشع]

ونعم في ابن حجنه

يستاهل ورفع اسم عتيبة بالمزاينات








تحياتي لك

[نفيعي وحيد]

صح لسانك ياناهس

ويستاهل ابن حجنه والقصيده هذي اقل شي يقدم له بمناسبة الفوز

تقبل خالص تحياتي اخوك

نفيعي وحيد

[ناهس بن نايف]

الهيلوم و طارق ومخلد اشكررررركم كل الشكرر على المروور
ويستاهل ابن حجنه