موضوع في غاية الاهمية

[راعي البرصا]

طول عمرك راقي وجميل واستاذ في موضوعاتك يامسقي العطشان وللــه درّك يارجل

نعـم لابد من التلاحم والترابط والبعد عن المشاحنات لأن الاسم لعتيبه الهيلا وكلنا عتبان لابد ان يظهر هذا الملتقى بشكل راقي ومحترم

واللي احب ان انـّوه عليه وياليت الاخوه الاعضاء ينزلون موضوع كامل

ويثبتونه ويكون خاص في ضيوف الملتقى اللي راح يجونا في محلنا

ويحضرون المزاين لابد ان يجدون افضل ترحيب وان يحسون انهم بين

اهلهم واخوانهم لأن الرياجيل راح يذكرون ماواجهو وحنا وكل القبايل

العربيه اهل كرم ونرحب بالضيوف وهذي شغله مهمه ياجماعه

لابد ان نضع موضوع كامل نرحب بالضيوف ونحث بعضنا على احترام

والترحيب بالضيوف وان نذكر ضعاف الانفس والمراهقين سواء

من القبيله او خارجها ان احترام ضيوف المزاين من القبائل الاخرى

واجب لابد منه وان الضيف هو اللي داخل وحنا اللي طالعين

ياليت الاداره يلتفتون لهذا الموضوع ويثبتونه مع اني ارى ان الاداره العليا

لموقع عتيبه الهيلا مهمله الموقع ولا نشوف لهم تواجد وخصوصاً في

قسم المزاين واللي المفروض ان يكرس هذا المنتدى العزيز كل جهوده

لخدمة المزاين بالتغطيه والتنظيم والتذكير والاقتراحات وتوحيد الصف

والســلام ختــام

أخوكم / راعي البرصا الدعجاني