ارحبوا ياطيبين الفعال *** من جنوب المملكة للشمال

[الطيبه كلها]

[frame="3 80"]هذا المعزب ( ابو سيف مقيم في الرياض ) يسولف مع ضيفه ( ابو نجر زائر من الطائف )

ويارب توسع صدوركم وتسعدكم .

ابو سيف راع البيت : يامرحبا والله وسهلا بابو نجر اسفرة وانورت بوجودك

ابو سيف راع البيت : يابو نجر

ابونجر الضيف : ارحب يابو سيف

ابو سيف راع البيت : أبقه ... بشرنا عن الطايف واهلها

ابونجر الضيف: ابشرك بخير وعندهم الامطار ويالله من فضلك والجو عندهم ياسلاااام ما يحتاج يابو سيف .

ابو سيف راع البيت : ابو نجر أنت عينت - القاموس ياشباب - جونا ياشين جونا شيناه كله شموس وسموم وغبرة تعمي العين ماغير الواحد منا منثبر تحت المكيف من يوم يصبح لين يمرح ولو يجوز ادعي للكافر لدعي للي ورده . الله يابو نجر على هاك الايام يومنّا كشتنا حنا وأبو صقر .

ابونجر الضيف: أنت تذكر يابو سيف

ابو سيف راع البيت : أفا يابو نجر وهاك الايام تنسى يازقن - القاموس ياجماعه - الطايف واهله . الله مير يحيك أعز من زارنا يابو نجر

ابونجر الضيف: بامهلي عساه بيت(ن) عامر(ن) بهله

ابو سيف راع البيت : أأأأأأأأأأأأاه خليتني أجر الونات يومن ذكرتني الكشته مع ابو صقر

ابونجر الضيف: اللـــــــــــــــــــــه وأكبر الله يعيد هاك الايام يابو سيف

ابو سيف راع البيت : يابو نجر وهاك الايام تنسى ولمنا عزبتنا وركبنا شاصنا واخذنا خيمتنا ومناسيبها وعلقنا وانا خوك بالبر . ثمن وقنا في ارض(ن) يالله من فضلك الارض خضرا والمزون مزابير والجو يابو نجر ياولي ولاه - القاموس ياشباب -الجو بارد(ن) له نسناس والطيور عن يمناك ويسراك وريح الخزامى والثمام اللي ينعش الروح وينسيك هم المدينه .وش تباني اقولك بعد كشتة ٍ ما تنتعوض

ابونجر الضيف: تذكر يابو سيف نزلنا معاميلنا وعزبتنا ونصبنا خيمتنا وشبينا نارنا وركبنا قهوتنا وذبحنا ذبيحتنا وركبنا غدانا ومن كثر مالهواء بارد حطينا رواقنا بعد . وتقهوينا وتغدينا في ارض(ن) يالله من فضلك
ابو سيف راع البيت : اااااه يابو نجر الله يعيد هاك الايام . سيف ياولدي در بالقهوه وانا ابوك . تقهو يابو نجر

ابونجر الضيف: عساه بيت(ن) عامر(ن) بهله

ابو سيف راع البيت : ( يهوبل بصوت ويقول ) .
.. هاك الايام مانيب ناسيها .....,,,,,,,,,,,,,,,,,,,,,,,,,[/frame]

( ملاحظة : الاسماء اختيرت بشكل عشوائي )

آخر تعديل الطيبه كلها يوم 03-Sep-2007 في 09:42 PM.