وقعة البدارين

[تالي الأولين]

(منقول)

هذه الوقعه حدثت بين مطير وعقيدهم المريخي والبدارين الدواسر

وسبب هذه الوقعه عندما اخذوا مطير حلال وابل اهل ثادق وكان معهم واحد شمري غازيا معهم يبا الكسب

فلحقوهم البدارين وفكوا حلالهم أما مطير فهربوا وتركوا الشمري مصوب

وأخذوه البدارين وعالجوه من الكسر اللي صابه حتى تعافى واستسمح منهم وأطلقوا سراحه

والمعركة عند خشم الودينية

وفي هذه المناسبه قال الشاعر محمد بن راشد بن عمار هذه القصيده :


قال من ولـف بيـوت غرايـب
من كلام ينعـش اللـي يشيلـه
يأل زايد يـا شبـوب الحرايـب
لا تهابـون الحمـول الثقيـلـة
ما نعـذر إلا صغيـر وشايـب
يوم راعي الرجم يومي شليلـه
إفزعـوا بمجربـات الضرايـب
الموارت والسيـوف الصقيلـه
دون ثـادق ناطحيـن النوايـب
كم عقيـد مـات كبـده غليلـه
مثل ابن زاندان عنـد الحلايـب
والمريخي يوم ضيع دليله
شيخ شمر يوم قض الذوايب
واحتضوا به كاسبيـن النفيلـة
ذبح شيخ القوم وقفوا حطايـب
مثل صيد مروحـن لـه فتيلـه

أخوكم

عبد الله العامر البدراني

[ابوبجاد الرويس]

لاهنت على الوقعـه وصح لسان الشاعر ,,,,

والله ونعم بالبدارين ,,,,,,,,,,,,,, وبقبيلتهم الدواسررررررررر

والله يعطيك العافيــه ,,,,,,,,,,,,,,,,,

[عامر بن صعصعه]

والنعم والله فيك يـالبدرانــــــي ..

وتسلم على هالقصـــه


ذبح شيخ القوم وقفوا حطايـب مثل صيد مروحـن لـه فتيلـه

[منصور بن فهيد]

ونعم والله فالبدارين والدواسر ...
وكذلك ونعم بالمطران ...
يعطيك العافيه يالغالي ...
وبارك الله فيك ...

التوقيع

man.9.our@hotmail.com

[تالي الأولين]

ابو بجاد

ما عليك زود

وشكرا على مرورك الكريم

[الشرقي]

هل فيه مصدر تاريخي لها السالفه , ولا من نسج ألخيال !!!!!!!!!

[تالي الأولين]

عامر بن صعصعه

ما عليك زود والله لا يهينك

ونعم في قبيلتك وكل القبايل

تحياتي

[الشرقي]

شيخ شمر يوم قض الذوايب ,,,, وحتضوا به كاسبين النفيله !!!!
منهو شيخ شمر هاذا اللي تاركن شمر ورايحٍ للمريخي يغزي معه تاركن شمر كلها بقبائلها وفرسانها , ورايحٍ يدور أهل ثادق مع المريخي ويغزيهم , هاذا والله التخبط ياأهل ألعقول !!!!!!!!!!!!!
يمكن تبين السوالف ويجي من يقول أنه ألجرباء ّ! ولا بن رشيد ! ولا ضاري بن طواله , ولا من شيوخ شمر الباقين أهل السنان والعنان ويمدنا باسمه !!!

[اخو جوزه]

تالي الاولين

عز الله انك تالي على اسمك

هذه كذبة هذا الاسبوع لانك في كل اسبوع تواجهنا باكذوبه تاريخيه

لاكن الى متى وانت تروج الكذب والدجل في المنتدى تمشي وتنقل من

منتدياتك الفاشله بدون لا ادله ولا براهين ولا مراجع مع انك لم تذكر

المستنقع الذي نقلت منه هذه الاكذوبه تحسبن التاريخ لعبه

ومن الواضح ان السالفه كذب وتزوير لانك ما جبت دليل يثبتها

وبعدين من هو شيخ شمر الي راح مع المريخي لاجل كسب ابل اهل

ثادق ووين شمر عنه

نصيحه اذا جيت تنقل اكاذيب او تكتب اكتب اكاذيب تبلع




اتمنى من اخواني المشرفين في المنتدى واخص الاخ منصور لاني

والله ويعلم الله انني اقدره لحسن خلقه وتعامله وعدم تحيزه لاي

شخص اتمنى ان الموضوع الذي لايوجد به مراجع وادله ان يحذف

خصوصاً المواضيع التاريخيه


تحياتي

[النايع]

مطير حمران النواظر ما هم مثل غيرهم من بعض القبايل.

وهذه القصة مكذوبة