اقتباس:
المشاركة الأصلية كتبت بواسطة شوردي العتيبي
بسم الله الرحمن الرحيم
هـذه الـقـصـيـدة مـرثـيـة فـي
الـمـقـدم/ مـحـمـد بـن هـلال بـن عـبـدالله الـدوش الـمـقـاطـي الـعـتـيـبـي
وأبـنـه فـهـد (رحمـهـمـآالله)
الـذيـن وافـتـهـم الـمـنـيـه يـوم الـثـلاثـاء لـيـلـة الأربـعـاء 17/18/7/1428هـ أثـر حـادث مـروري فـي مـنـطـقـة حـائـل
بسم الاإله اللي يعلم الغيوبي= اللي عباده له ركوع يصلون
أنت الذي بأمرك تحل الكروبي = يامن جعلت الأمر بالكاف والنون
واهنيكم يا دالهين القلوبي = ياللي على البث المباشر تسلون
خليتوا الهاجوس والسهر دوبي = أسهر طوال الليل وأنتم تنامون
البارحه وأهل البلد مادروبي = علي غياب الهموم يتلافون
جوني على عجله ومعهم سروبي = في كل برج من الحياه ايتمشون
وشفت الرجال مكملين الوجوبي = وناديتهم بس أنهم مايردون
والنار باقصا القلب شبت شبوبي = فيها كثير الناس مايستطيعون
والعين عبرتها تغرق جيوبي = وأصد عن بعض العرب لايشوفون
كن البلد خالي ماهوب معروبي = بالهون يادنيا على القلب بالهون
شلتي محمد يأم وجه شحوبي = وابنه فهد ماهوب بالمنزله دون
يوم الثلوث اعصير قبل الغروبي = راحوآ من الدنيا الثنين أيتبارون
روحي بأحر التعزيه يالهبوبي = وانصي بها علوش من قلب مطعون
بأسمي وعني عند أبوذيب نوبي = وقولي عسى ربعه على الصبر يقوون
راح الرفيق اللي يسد الدروبي = اللي هل الحاجات فيه ايتذرون
اللي يسد الربع في كل نوبي = محمد بن هلال ياوش تقولون
بيته ماهوب عن الضيوف محجوبي = عدن عليه الناس زافات يردون
تارد عليه الناس من كل صوبي = وعلى الفعول الطيبه منه يرهون
مايذبح اللا الحايل أم العصوبي = والبن الأشقر لو بسعره يزودون
والعود الأزرق فالمطايب يجوبي = على الرجال اللي لبيته يزورون
يفخر بطيبه كل قلب طروبي = ولآ الحسود يعيش ويموت مغبون
مايفرحون مدورين العيوبي = مهما يروق الهم ومهما يسوون
عزالله أنه فالرجال محسوبي = له منهج عسر على كل دندون
يرسي ليا كبرت عليه الخطوبي = مسند بني عمه لهم درع وحصون
شيال قالات كبار الهضوبي = عنها الكثير من الرياجيل يزرون
بالعرف والحكمه وطيب السلوبي = يحل صعبات الشرابيك بالهون
وليا حضر عند الرجال محبوبي = وليا هرج منه العرب يستفيدون
يالله على قبره تسوق النصوبي = وتسقى تراب وسطه الدوش مدفون
وتغفر لهم بأمرك جميع الذنوبي = ياحي ياقيوم ياخالق الكون
في ساعة فيها نجاح ورسوبي = برضاك تجعلهم مع اللي يفوزون
قفى ومن بعده رجال تنوبي = بعده رجال في غيابه يسدون
ياعيال درب الطيب عسر مهيوبي = وأنتم عساكم للمعالي تعلون
سيروآ على منهاج نجم الجنوبي = يأهل الوفاء عن منهجه لاتميلون
ولاتأمنون من الزمان اللعوبي = عليه عقال العرب مايمونون
يضحك وحنا ندري أنه كذوبي = والغافلين اللي عليه أيتجرون
وعن الخطأ والذنب يانفس توبي = ترآ جناب الوقت ماهوب مأمون
الـشـاعـر/ هـاجـد بـن جـايـد بـن حـديـد الـمـقـاطـي الـعـتـيـبـي |
الله يرحم /محمد وابنه ويغفرلهما ويرحمهما
وصح لسانك ولسان شاعرها قصيده معبره
والشاعر الكبير/هاجد بن جايد يجيد اغراض الشعر وبيض الله وجه ابو عبدالله على القصيده الوافيه
شكرك يانقل هذي القصيده
لك تحيتي
« آخـــر الـــمـــشـــاركــــات »
05-Aug-2007, 11:53 AM
العرض المتطور
