مصافحتي الاولى ( الرجـــاء صـــك الستاير)

[خالد الصفياني]

عزيزي متذوق الشعر تذكر دايماً بانه بمقدور الشاعر استخراج القصيده المسروقه بواسطة محرك البحث قوقل

ولامانع من نقلها بشرط تسجيل اسم شاعر القصيده
المنقوله

ونتي ونة كسير(ن) يشتكـي هـم الجبـاره=صار له شهرين يشكي من قويات الجبايـر
يزعج الونه وهم(ن) في ضميره بانتظـاره=صار همه في ضميره يشتعل مثل السعايـر
والسبايب من نظرته عصر في وسط العماره= حي مزحوم(ن) وشفت الزين في وسط العماير
شفتها يوم الربوع اللي مضى خلف الستاره=ليتها ياخوك ماتطـوي جديـدات الستايـر
ناظرتني بالعيون وصار حالي فـي دمـاره=واعذابي كان حدتني على شـرب الزقايـر
اغمزة بالعين غمزه ضيعت كـل الشطـاره= صار قلبي يرتجـف والعيـن هلتهـا عبايـر
قلت يابنت العرب ارجوك رجوا باختصاره=اطلقيني فالفضاء لاتكسريـن اجنـاح طايـر
قلب خالـد ياغناتـه تشتعـل فيـه الحـراره=ذاب قلبه من عيونك ماقـدر كتـم السرايـر
قالت اللي مبتدي ماهوب حاسب فالخساره=وانت توك في طريقك في مسارات الخساير
الهوى ذبـاح مافـاده طبيـب الاستشـاره=والسهر اول علاماته يجيـك الليـل زايـر
والمريض اليوم يفرح في مقاديـم الزيـاره=والهوى عكس اللذي قلته يخـل الـدم فايـر
قلت مادامه كذا ياقـرب وقـت الانتحـاره=احسن ارجع مع طريقي قبل تعذيب الضماير
مالي ومال الهوى لن كان مافيـه انتصـاره=ماحصل منكم كفايه والرجاء صـك الستايـر
=خالد عتيق الصفياني

[ابوبجاد الرويس]

الله الله

صح لسان الشاعر

ولاهنت على النقل

[فيصل المسعودي]

صح لسانك ياغالي


على هالرائعه الغير مستغربه منك


في انتظار جديدك بكل شوووووووق


تقديري


أخوك


فيصل المسعودي


** اسمح لنا يالغالي بنقوم بنقلها لقسم قصائد الاعضاء لانها من خيالك المبدع وانت عضو هاهنا ومكان قصيدتك هناك

[خالد الصفياني]

المشاركة الأصلية كتبت بواسطة ابوبجاد الرويس

الله الله

صح لسان الشاعر

ولاهنت على النقل

الرويس



مشكور على هذا الرد والقصيده ليست منقوله


وشاعرها انا

[خالد الصفياني]

المشاركة الأصلية كتبت بواسطة فيصل المسعودي

صح لسانك ياغالي


على هالرائعه الغير مستغربه منك


في انتظار جديدك بكل شوووووووق


تقديري


أخوك


فيصل المسعودي


** اسمح لنا يالغالي بنقوم بنقلها لقسم قصائد الاعضاء لانها من خيالك المبدع وانت عضو هاهنا ومكان قصيدتك هناك

فيصل المسعودي


مشكور على هذا الرد وماتطلبونه حنا حاضرين


اذنك معك انقلها

[أبو نجر النفيعي]

ناظرتني بالعيون وصار حالي في دماره
واعذابي كان حدتني على شرب الزقاير


..

ابدااااااااااااااع يابو عتيق ..

صح لسانك على القصيده الجزله ..

وننتظر جديدك بشغف يابن العم

.

اخوك

التوقيع

.....

[صنداح الزلامي]

	خالد صح لسانك قصيدة جزلة من شاعر مبدع تقبل مروري ننتظرك مستقبلآ دمت على العطاء

[ماله امان]

الاخ خالد الصفياني

صح لسانك يالغالي جزله من جزل0تحياتــــــي،،،،،،

[خالد الصفياني]

المشاركة الأصلية كتبت بواسطة أبو نجر النفيعي

ناظرتني بالعيون وصار حالي في دماره
واعذابي كان حدتني على شرب الزقاير


..

ابدااااااااااااااع يابو عتيق ..

صح لسانك على القصيده الجزله ..

وننتظر جديدك بشغف يابن العم

.

اخوك

ابونجر



مشكور على هذا الرد


طلباتك اوامر محل اهتمامي


لاهنت

[مخلف الهقاوي]

اخوي خالد الصفياني..

من عادتي لاقريت القصيده واعجبتني..

اكرر قراءتها ..واشهد انك اتعبتني من كثر مااعيد القراءه

رااااائعه ولك من رووعتها نصيب

بيض الله وجهك..وصح لسانك حتى ترضى