فعلا ان الاخوياء كما ذكرت من يام : عجمي ومري ولكن عندما الاخوياء يبحثون عن مجري جاوو لابن زريبه وقالوا له دلنا على مجري قال ماني برايح معكم هذا ولد عمهم رويل وذهبوا لرويل واجبروه على الذهاب معهم
وعندما حصل اللي ذكرت وذبح مقعد الخدام الثنين هرب رويل على ذلوله فاخذ مقعد يبحث عن رويل واذا به قد سرا بعيد ويرميه وتشيل عمامته من فوق راسه وتحوش اذنه ويسلم رويل ويركبون على جيش ابن سعود وعندما تعب الجيش بعد عدة ايام ويتواجهون هم ورحيل ويجبرونهم وياخذون منهم ثلاث بدل جيش ابن سعود وعندما وصلوا قرب حدود العراق قرب ام رضمه ( وكان دليلتهم مقعد) هناك موقع اسمه دارت السلم ( داره فيها سلم) اجلسوا للراحه في وسط السلم ما احد يشوفهم وعند العصر ( قال مقعد يايبه اللي يذبح الريجيل مايقعد وقيل ان اللي قاله مجري اختلفت الروايات لكن الراجح اللي قاله مفعد) قال خل الليل يمسينا فرفض فلما ظهروا من الداره وليا قزازة السياره يوم لمعت من الشمس وقال مفعد جوك الرياجيل استدوا في انفسكم ومرزوق ومجري ينوخون ومقعد يتعداهم وينوخ وراهم في سد حصاه كبيره ويذبح وقالوا اهل السياره سلم نفسك يامجري ويذبحون ركايب مجري ومرزوق يقول مجري مارميت انا ومرزوق اللي ذبحهم مقعد ذبح واحد وصوب واحد وامسى الليل ولا وقف عليه احد منهم ويقال انه صوب وسرى بصوابه ودخل الكويت حتى طاب ودخل العراق ويرد عن احد العتبان اني وجدت مقعد في الهجانه في العراق وجيت اسلم عليه وقال انقلع انا ماني بمقعد وانا اعرفه تمام المعرفه اما مجري ومرزوق جابتهم السياره وكان عبدالعزيز في روضة التنهاه ولما وصلوا قرب الخيام قال واحد من الخوياء يامجري هذه خيمة منير ام طلال ازبنها اليا وقفت السياره وفعلا زبنها هو وولده ولما جاء عبدالعزيز الى التنهاه لانه كان قانص حول التنهاه قالوا جبنا مجري قال هاتوه وارسلت الولد لابوه وقال مجري عندنا في خامتنا قال خلوه يجي قال الكلام اعلاه في القصه فلما فرغ عبدالعزيز من طلابه قال تبي اباعرك ثلاث مرات وهو يرددها الا ان مجري لم يتكلم قال ابا اعطيك بيت في الرياض قال ابي ربعي قال ودوه ربعه فحملوه على سياره وودوه قرب ساجر وكما قال صاحب القصه عاش كل واحد منهم في مكان عن الاخر وبعد مايقارب السنه اواقل مات مجري من الضماء في صفراء ساجر رحمه الله
« آخـــر الـــمـــشـــاركــــات »
04-Jul-2007, 04:18 AM
العرض المتطور
