ألفاظ تشتهر عند العتبان"شارك معنا"

[راعي الأوله]

فلان_ 999

صراحتن انك مابقيت لنا شين نقوله لكن لي عليك ملاحظتين:

1- بالنسبه لقولك الله يهبها في وجهه تقال عند قحطان والعساريه واهل الجنوب بشكل عام وقليل ماتقال عندنا الا الذي مخالط هذه القبائل.

2- فيان هذه كلمه كثيرة التداول عند الروقه من عتيبه وانت تقول فيان كلمه جيزانيه
ومشكور على هالكلمات اللي اثريتنا بها

وانا عندي بعض الجمل او الكلمات
الله يسد بابك = يعني عسا الله يقطع رزقك
شمالن ماتشناك فيرد عليه شمالك يمينك = لشخص مايقدر يمد اليمين اما لكسر او او الخ
مايهوش لو مع ميه = صفه للضعف والهوان
الـــريع = مكان فيه ارتفاع ثم انخفاض شبه مباشر
الجناب + الرقه = هو المكان الممتد ليس فيه سوى الرمل
القوز + الطعس = لكومة من الرمل جمعها قيزان طعوس
الفية = الضل ( يازين فية هاك السياله)

وسلامتكم اخوكم راع الاوله