لغز موجه لشامان وعاشق ذوق ولحل للجميع

[صنداح الزلامي]

شامان انا أبي أنشدك ويش أربع بنات** اليامشى وحده توقف كلها
اربع بناتٍ كلهن متشابهات ** والاسم واحد وانت عندك حلها
اربع بنات وفى البلد متواجدات ** والناس تجهلها وانا فاطن لها

[معلا إبراهيم الأسعدي]

يالله تقـديني على درب الثبات

تعــرف علومي دقهـا من جلها

فكري دليلي مايروحبي شتات

هاذي[ علب الزيت ] وانت تدلها

لاجـن في درب ٍسوامتوازنات

وحـده وحـده لـيـن تـغـلـق كلها















































اول رمعه



{ علب زيت محرك السياره }

التوقيع

[صنداح الزلامي]

شامان ماهي هي بدون مجا ملات ** وحلك يقاربها ولاياصلها

أخوي شامان مالك لواء حاول مرة ثانية منت ببعيد اذا هذه رمعاتك
تجيبها

[عاشق ذوق]

السلام عليكم ورحمة الله وبركاته

ويش هالغز الصعب اخوي صنداح

والله تعبت ابحث عن الحل

ولا كن رديت عليك بهذه الأبيات



حنا جبالآ يالزلامي راسيات=ربعك وتعرف هامتآ نحتلها


والغز والله صعب حله مير هات= وخذ الجزيله والهزيله خلها


شامان حلال الصعاب المبهمات=ونا إليامني رمعت ادلها

وهذي ارياحآ يزلامي عاتيات= تهب وحده بس ماتامن لها

(الحـــــــــــــــــــــل) هو
الهبوب من الغرب ومن الشرق ومن الشمال ومن الجنوب

وإذا هبت من جهه توقفت من جميع الجهات ثم تعاود المهب من جهه اخرى وهكذا

لغز فعلآ جزل وتشكر عليه اخوي صنداح الزلامي

[صنداح الزلامي]

هلا يا لمسلم وانت بالفعل عاشق ذوق
أجابة صحيحه وأبيضن وجه راعيها

وعليكم السلام
أخوي عاشق ذوق بيض الله وجهك الحل صحيح
ولرغبتي في مجاراتكم باللغاز احبيت ذكرك انت وشامان وهذا ليس
تحدي انما هوا رغبة شخصية مني اتجاهكم هذا ولكم فائق احترامي

[معلا إبراهيم الأسعدي]

بيض الله وجيهكم نعم اللغز جزل انا خيشني صنداح يقولي في البلد متواجدات

ولكن انا اعرف في حالت نظم اللغز يكون فيه شطرحر يعني متحرك

يضعه الشاعر في اي مكان

شكرا ًلك اخي صنداح وانتظرني


شكراًلك ياعاشق الذوق على المساعده بارك الله فيك

[صنداح الزلامي]

الاخ شامان الاسعدي كفيت ووفيت ورمعتك قويه جدأ
وهناك عاشق ذوق ماتعدي من عنده بيض الله وجهك ووجهه

وفقكم الله جميعأ تشرفت بكم

[عاشق ذوق]

المشاركة الأصلية كتبت بواسطة صنداح الزلامي

هلا يا لمسلم وانت بالفعل عاشق ذوق
أجابة صحيحه وأبيضن وجه راعيها

وعليكم السلام
أخوي عاشق ذوق بيض الله وجهك الحل صحيح
ولرغبتي في مجاراتكم باللغاز احبيت ذكرك انت وشامان وهذا ليس
تحدي انما هوا رغبة شخصية مني اتجاهكم هذا ولكم فائق احترامي

اخي صنداح احنا جماعه

وربع والتحدي بيننا شيء مطلوب

ولا يقلل من ألأحترام المتبادل بيننا

وانت لغزك فعلآ جزل وراكب

لك مني جزيل الشكر والأمتنان


ووجهك ابيض دوم يارب ومن ابداع إلى ابداع

تقبل تحيات عاشق ذوق