محاورة الزلامي مع الالفيني.

[ابو شرف]

يالربع مساكم الله بالخير:
امس قريت موضوع بس اظن انه انحذف وهو حق المحاوره اللي بين الشاعر الكبير/رشيد الزلامي وتركي 2000 المحاوره اللي صارت في ساجر اللي جمعت الشعار المذكورين مع الشاعر/سفر الدغيلبي والشاعر/عبدالله بن عتقان:.
انا حضرت الملعبه مع ولد عمي الشاعر/سفر الدغيلبي.
المهم بدات المحاوره بطاروق بين الزلامي والفين كان طاروق رائع بالفعل.
كسر الطاروق الفين ولعب مع سفر.
كسر الطاروق الزلامي وطلب تركي بدا الزلامي وقال:
اسفرت وانورت يامرحبا بالضيوف-تركي الفين وصفوفه ومن جامعه.
والله اني لامشيها وعينه تشوف-لو معه من مطير اربع ميه واربعه.
البيت الاول للزلامي يقصد يرحب بالحضور وتركي وصفوفه ومن اتى معه(ومن جامعه)
البيت الثاني يقصد يحلف بالله انه ليسريها صفوف تركي وتركي.
رد تركي وقال:.
البقا يالمرحب وانت بين الصفوف-بعد جامعك قوم سدير والمجمعه.
الباقي والله ماني حافضه.
لكن يقصد تركي في شطره الاول رد ترحيبته ومثل ماقال له الزلامي في الشطر الثاني من البيت الاول بعد ما جامعك قوم سدير والمجمعه يقصد اتى معك.
(مايصح الا الصحيح).
والحق بين والباطل بين.
ملاحظه:غلط واكبر غلط وعيب والله عيب يتقارن العلم الزلامي بالالفيني وين بيوت هذا عن بيوت هذا. واشكركم جزيل الشكر وانتظر ردودكم.