يازين قلبي لاتبين حزيزه.........تراه من سبة هواك متردي ((غازي بن عون))

[بن عون]

السلام عليكم ورحمة الله وبركاته،،،،،،،،،


أخوي سعوط المجانين..............

هذي القصيده اللي طلبتها،،، للشاعر/ غازي بن دخيل الله بن عون

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يازين قلبي لا تبين حزيزه=تراه من سبة هواك متردّي
حزّت دوامه فالعمل تهليزه=من يوم يطرونك اليا الصبح ردي
حب العرب سطحي وحبك غريزه=لو كل حبٍ شد هو ما يشدي
وفعلك بخلك مابه أحدٍ يجيزه=عذبت فيّه لين بيحت سدّي
مقصدك متيمك وتعجيزه=ولاّ لعانة قلب ولاّ تحدّي
والزين نادر عش منت بلزيزه=في فرط حسنك كل عين تلدّي
إن جيت اميز مال حلياك ميزه=وإن جيت أعد الزين ياويش أعدّي
زينك جنيه وباقي الزين بيزه=للزين حدود ولا لحلياك حدّي
جنيهٍ وليّه صاينه في حفيزه=لو بددوا زينه على الكون بدّي
سبحان من كمل جماله بميزه=وودّع مسيره بدرجان وتهدّي
لو يجمعنا البيض صارت خزيزه=راع النظر لا شافها مايصِدّي
والأبو طيب والقبيله عزيزه=والعقل كامل والجمال متعدّي
[/poet]

[سعوط المجانين]

الف شكر لك يابن عون
وبيض الله وجه شاعرنا الكبير غازي بن عون
ملاحظه.......انا ادور هالقصيده صارلي فتره
ومشكور للمره الثانيه
اخوك سعوط المجانين الروقي

[بن عون]

لا شكر على واجب حنا في خدمتك يالغالي ,,

اي شئ تطلبه حنا حاضرين ,,

[الخنفري]

صح السانك والسان قايلها

وتسلم يمينك

[صنيتان قرداحي]

سلمت يمينك يابن عون

وهذه الرااائعه من العيار الثقيل

لشاعر هذا الجيل وهو والله يستحق لقب شاعر القرن بحق

تحيااتي لك

[بن عون]

الخنفري سلمت يمناك وتحياتي لك ,,

[بن عون]

صنيتان قرداحي هلا والله ,,

تشرفت بمرورك ,,

[ابن مشيب]

قصيدة في قمة الروعة , صح السان الشاعر الكبير غازي بن عون , وصح السانك يابن عون , مشكور على انزال هذة القصيدة في منتدى الهيلا.

[بن عون]

صح بدنك ,,

العفو يابن مشبب ,,

تشرفت بنرورك ,,

[هاوي نجد]

تسلم يمينك يابن عون على القصيده الرائعه ولاهنت ومشكور لنقله بالمنتدى


اخوك
ابو بندر الشيباني