الحاضر من العتبان يتقدم

[عنزي جعفري]

الثور يطرد ورى عنتر ولاالوم ثور= واهل النذالات قصر ربي دقونها
ان كان مافي حسابك مال ماانت معذور= ماتزبن اهل العطايا اللي يمدونها

[خوي السعد]

لاتدعي بالسلامه وانت كلك كسور = حبتك يالجعفري من تحت طاحونها
الله يسلط على اللي يعبدون القبور = واصحاب ملة محمد مايدانونها

[عنزي جعفري]

الجعفري بالمواقف يالعتيبي جسور= لكن خل الامانه عند مامونها
ملة محمد تراها بخير والعلم نور= لكن بلاها شراذيم ٍ يخونونها

[خوي السعد]

العشره الطيبه يالجعفري ماتبور = يوم ان بعض الخلايق مايحفظونها
ياالله يالمطلع في ماتكن الصدور = تشفي رجال (ن) ياكثر الغش ببطونها

[ابن نميان]

المشاركة الأصلية كتبت بواسطة خوي السعد

العشره الطيبه يالجعفري ماتبور = يوم ان بعض الخلايق مايحفظونها
ياالله يالمطلع في ماتكن الصدور = تشفي رجال (ن) ياكثر الغش ببطونها

الله الله الله


صح لسانك ياخووووي السعد

وصح لسان الجعفري

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[عنزي جعفري]

الله يبيض وجهك على هالرد من زمان
ابغى عتيبي يقرر هالمعنى لكن بدون جدوى
على العموم استلم

عز الله انك صدقت وماعليك محظور= امد يمناي للي مايردونها
وانا بجنبك مشيت وفي ضميري سرور= ان كان بقلوبكم حاجه تخفونها

[خوي السعد]

صح قلبك يالصقر .

[عنزي جعفري]

بدون تحديد اسماء اتوجه بالشكر لكل من تابع هذه المحاورة مع اخي ( خوي السعد)

واشكره على قوته واتمنى له مزيدا من التوفيق


وصحت ابدان كل من تابعنا


تحياتي

[خوي السعد]

حنا لنا الصدق عاده من قديم العصور = في قمة المجد ياللي ماتشوفونها
لكن ابو عين عورا يحسب الناس عور = ياكم بلشنا بصاحيها ومجنونها

[خوي السعد]

ماعليك زود يالجعفري واشهد انك شاعر منت بسهل