الملعووووووونه

[عبدالله القثامي]

اخواني اعضا هذا الصرح الشامخ

مني اليكم والسلام عليكم

يقول الشاعر اللي يوم عبر واحسن التعبير= مشاعر شاعر فـ أقصي حنايا القلب مدفونه
بنات أفكار فكر يوم يشرحها لها تأثير=واترجمها بشعر من ضميري ما يملونه
هل ألا فكار والأشعار وأقسى من جبال النير= معانيها عن التقصير والتزوير مأمونه
وأنا هيض عليه يوم نسنس بالبراد عصير= نهاية عام بديونه بداية عام بديونه
تذكرت ألليال ألخاليه من يوم كنت صغير= وسال الدمع من عيني وباح القلب مكنونه
تذكرت الهنوف اللي تشطر مهجتي تشطير= وكتبت الذكريات ولاح برق وهلت امزونه
سلام الله على ذيك الهنوف اللي تحث السير= هنوف فاتنة ومدلعه عذرا ومزيونه
خلقها الله ولبسها جمال ما عطاه الغير= هذيك اللي جمال أحلى العذارى ينتهي دونه
جمالٍ ما يوصفه الكلام ومبدع التصوير= هو ابلغ من كلامٍ في وصوف الزين يطرونه
كست منها غياهيب الظلام أكثر جسدها مير= كشفها نور بدرٍ يمن الديجور ويخونه
تخازرني بعين ونظرةٍ منها القلوب تطير= وخد وقد وأوصاف عن العذروب مصيونه
وخصر كل ما هب الهوا وومابه المعصير= تقول انه على ثقلٍ يشيله عود ليمونه
تقابلنا على سلم الهوى واللي يصير إيصير= وملكني بـ التغنج وألبها والحب وفنونه
لأكني شفت في أيام مضت في حالها تغيير= وشون الرجل عزه وش حياته لانكسر شونه
أموت ولأتبع المقـفي واحذر وأكثر التحذير= وأنا ما قلت ماهي سنةٍ في الناس مسنونه
وبعد شفت الجفا في موقفٍ ما شفت له تبرير= طويت إحبال عدٍ هو عذاب القلب وحزونه
وبعد قفيت نادت.. يا لحبيب اللي له التقدير= حرام تروح وانته مالك قلبي ومامونه
لك القلب . لك الروح. وتدلل وش تبي يا مير= وقلت اصبر لو إن الصبر يا صعبه ويا هونه
وقمت أشعب ركابي في وعدها واستجير مجير= يجير اللي طواه الشوق حتى جنّت اجنونه
وتواعدنا على ميعاد بين يا لله التيسير= ومواعيد الهوى يا هل الهوى ماهي بمضمونه
تواعدنا على ألجمه وجينا فوق جال ألبير=وشفت الدلو وإرشى الدلو مطويه ومركونه
وجت في موعدٍ ما يقبل التقديم والتأخير= وتجاذبنا الحديث بليلٍٍ أسود حالكٍ لونه
لقيت أكثر وعدها كذب زور ومنتهى التزوير= وبدا نور القمر يجلى الظلام وبانت البونه
وبدالي وجهها اللي فيه شرٍ مايبي تفسير= تصاويره تشيب بالرضيع اللي يقولونه
وقالت وش تريد أمر وقلت الله يجيب الخير= أبي فرقاك قالت من يفارق زول مضنونه
وقلت ألا الفراق أفضل من التعذيب والتعزير= وأنا قلبي عنيد ولا يطيع اللي يعذلونه
لأكن أنتي من أنتي قالت الدنيا تبي تقرير= أنا اللي فيه أهل الشرق وأهل الغرب مفتونه
ألا ياكم خدعت من البشر صخرتهم تصخير= وقلت أكيد أعرفك من خلقك الله ملعونه
وعلى صوت الأذان ونبرة التهليل والتكبير= خشع قلب تولته الذنوب وهزت اركونه
تذكر ما مضى في ربع ساعة وأمعن التفكير= وجد سبع وثلاثين انقضت بالموت مقرونه
وألا يا كثر ما فيها من الإهمال والتقصير= وعبد باع عمره للذنوب وداس عربونه
ولا يأهل لعقل ما ينفع التقليل والتكثير= ترى للعمر مهما طال حد ما تعدونه
من الستين للسبعين واللي عمرو تعمير= ترى تعميرهم لابد من يوم يهدونه
وهذي تذكره وإبليس لأعوانه يدق الزير= خبيث وخبثه أخبث من خبث خبثن يعدونه
ألا يا لله تكفينا شرور الفاتن الشرير= على الإسلام وأهله كل يوم يعد طبلونه
وصلى الله على احمد عد ما رفرف جناح الطير= عدد ما لاح براق الخيال وهلت مزونه

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي

[مخلف الهقاوي]

اخوووووي عبد الله القثاامي..

والله تعجز كل كلماتي عن وصف ماكتبت

ان قلت روعه قصرت في موجز التعبير*** وان قلت ابداع قصرت في شعرك ومضمونه

صح لسااااااااااااااااااانك وعلااااااااااشااااانك

ابدااااع لايعرف طريقه الا المبدعون امثالك لاااهنت

[ابن معيض]

هلا والله بولد العم


قصيدة جزلة وتحمل من المعاااني ما يعجز عن حملها الا القله من امثااالك

الذين طوعو المفرده الشعرية لخدمتهم

شاعرنا الفاضل

ما اقووول الا صح الله لساااانك

عجزت عن انتقاء بيت من قصيدتك فكلها والله رائعه

لكن شدني مدي عمق التصوير في هذا البيت من غير قصور في البقيه فكلها جميله

وعلى صوت الأذان ونبرة التهليـل والتكبيـر
خشع قلب تولتـه الذنـوب وهـزت اركونـه

صح لساااانك مره اخري

ولا هنت

تحياتي لك

اخوك

السلمي القثامي

[زبن القاضي]

ابو سلمان

لاستطيع سوى

صح الساااااااااااااااااااااااااااانك لين ترضى


يامبدع

[أبو نجر النفيعي]

..

صح لسانك مليووون .. يا عبدالله ..
ابيات في قمه الجزاله والابداع من شاعر جزل ومبدع ..
صح لسانك مرةٍ ثانيه .. وننتظر جديدك بشغف ..


.

التوقيع

.....

[نايف الحميدي]

عبدالله القثامي




جزاله عهدناه منك


صح لسااااااااااااااااانك


ملاااااااااايين



ولاتحرمنا من جديدك




اخوك

التوقيع

[ابوبجاد الرويس]

صح لسانكـ

وبيض الله وجهكـ

ولاهنت على القصيدة الجزلة

[مرزوق حمدان العتيبي]

...
.
ابو سلمان صح لسانك على هالجزله
ولاغرابه في ماتعودناه منك ...
كل الشكر وصادق الود ...
اخوك
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[كريم سبلا]

صح السانك
ابو سلمان
وعساك علي القوة

وسلموووووو

[عاشق ذوق]

لا بأس مشكور