<< الفكس آر >>

[نايف العبيد العتيبي]

بسم الله .. وصلو على رسول الله

الجيب الفكس آر

راكب اللي ماعليه امن الغراز=ولاتجاريه الكدالك والبنوز
لاتجرّهد مع صحاصيح وعزاز=مثل ( اِبن غانم ) اليا صمّم يهوز
أقصد ( الفكس آر ) مصقول القزاز=عن غرامه خافقي عيا يجوز
صيرميٍ أفحج الرجلين باز=أقطمٍ كاسر على النازي ينوز
ضغط عداّده يجي فيه إهتزاز=لاشخله اللي على البيدا يروز
إيتغنّج يوم يمشي بإعتزاز=كنّه اللي من كثر غنجه تبوز
من جماله ماملا عينه جَهاز=الطموح اللي بها عند ونشوز
يوم يقبل قايدٍ بالكون فاز=ويوم يقفي مابقى بمخي فيوز
َرزّه وعِزّه وفَزّه مايلاز=للعوايز كل ماعزته يعوز
هيكل التمثال مركوز إرتكاز=وقفة البوش الإبن عبر ( النيوز )
بالمنصه لاخطب عبر الجهاز=وندّد الإرهاب في قوله ( بيكوز )
والمراوح لستدارت بإحتراز=تلّطف أجواء المحرّك والقزوز
لون زيكه بالغداري سمط ماز=إيتخثّع كنّه مهيرة دروز
دام ياياته على أحدث طراز=ماعليه اِمن المطبّه والمروز
شدّه المذهوب وابدع بإمتياز=لوضرب مطناج لايمكن يبوز
لعنبو من ختّم أوراق الجواز=وجابه اِمن ( العين ) مفرود الطروز
كشنه امن الريش والجاعد شيراز=مخدع لحاكم ( إرم ) ذات الكنوز
أطخمٍ يرقى طناطير النواز=كنّه اِبجن إبن داوود إمحروز
لاتغطّلس ليله بشمعات غاز=يبلج الحندس تقل شعلة كروز
القوافي والبلاغة والمجاز=حارو ابوصفه وتفكيك الرموز
بعد هذا يانديبي بإنتهاز=إركب اللي بالهدد دايم يفوز
ثم تنصّى للعزيز إبن العزاز=وشفّر الموضوع والدعوى لغوز
ووصلّ الموضوع لأطراف الحجاز=وطمّن ( النايف ) قبل روحه تهوز

للحفظ ..إضغط هناا

تحيتي الأبدية

[متعب العصيمي]

(1)

اللهم صلي عليه وسلم

..نايف صح لسانك مدد بلاعدد.
.قصيده أستمتعت بقرائتها.
.. بيض الله وجهك ..
.. موودتي ..

/

/

أخوكـ

[الشبـــح]

أبدااااااااااااع يالنايف ...

صح لسانك ..

[السميــــــري]

..
النااايف ... صح لساانك ,,
رغم صعووبة قافيتهاا .. الا انك أجدت فيهاا بكل المقااييس ..

ولا عجب فأنت النايف !! ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[نايف العبيد العتيبي]

أرررررحب يامتعب ولاهنت

/

كلي شرف بتواصلك ومرورك

وصح بدنك

دمت بود

[ابوبجاد الرويس]

مشكور يانايف

وصح لسانك يالغالي

[أبو نجر النفيعي]

..

ساحر الشعر

ابداع غير مستغرب من شاعر بحجمك ..

.
وصح لسانك يا نايف .. وسجل اعجابي ..

.
اخوك..

^

التوقيع

.....

[محمد الـعـريدي]

العتـــيبي نــايف

صـح الله لســانكـ يالقــرم مدد بلا عدد ... ولاهــان شأأأأأأنكـ

قصـيدة جـزله من شـاعر جــزل

لله درك على هذا الإبـداع ...

تقبل تحيـات اخـوك:محمد العريـدي

دمت بخير

[نايف العبيد العتيبي]

الشبح

/

صح بدنك ولاهنت يابعدي

مرور مشرف يعلم الله

دمت بود

[نايف العبيد العتيبي]

السميري

/

صح بدنك ولاهنت يابعدي

مرور مشرف يعلم الله

دمت بود