الفكــر مـن كثـر الهـواجيــس مشغـــول

[بندر المرشدي]

بسم الله الرحمن الرحيم

الفكرمن كثر الهواجيس مشغول = والقلب كبرت حيرته من طواريه
همٍ تولجني هذا داير الحول = عكر مزاج النفس والحال باريه
صبرت مار الصبر له حد معقول = واليوم مافي داخل النفس ابا ابديه
واشرح لعراف العرب صايب القول = حملٍ من العام ارهقتني بلاويه
وانا على دربي وقف ناسٍ خبول = وصديت عنهم ما بغيت المشاريه
مار ابتلاني بالحكي كل دعبول = اهل الوجيه المظلمات المكاريه
ناسٍ زغرها ابليس واعقولها طبول = تركض ورا هرج القفى ماتخليه
كم واحد سيفه على الخلق مسلول = يشذب عراقيب المقفي ويذيه
خبلٍ بعد ما متس كرشه من الفول = ولع قديحتها وشوش باذانيه
زيف على الغياب اقاويل وفعول = كذبه بحلفه مقترن به يباريه
حلوٍ لسانه باللقاء مار معلول = معلول قلب الله يغثه ويخزيه
يخوض فالمجلس بلا عرف ووصول = ويصجه بكثرت رياه وعزاويه
عن هرجته سمعي مسكر ومقفول = مار البلاء ناسٍ تسمع دواديه
وما للنصيحة في عمى القلب مفعول = لا جيت له نصاح كبر علابيه
ومادام مالي فيه قوة ولا حول = ابا اتركه يلقى سفيها يناحيه
لا صار وضعي معه ماهوب محلول = اجل وش اللي من هك الزول راجيه
ماني مكلف عن صلاحه ومسئول = لابد ما يندم ويأسف لماضيه
وألا على عمياه يبقى على طول = من لا هداه الله ماني بهاديه
عن ديرته تبعد بي اخطاي واقول = لاخير في دارٍ كثيرة نوانيه
ممشاي مع خدٍ من الوسم مسيول = اخير من قربه وشوفه وطاريه

بندر العتيبي

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[ماله امان]

الاخ التــــــــحدي

صح لسانك جزله من جزل سجل اعجابي واحترامي لك ،،،،،

[بندر المرشدي]

المشاركة الأصلية كتبت بواسطة ماله امان

الاخ التــــــــحدي

صح لسانك جزله من جزل سجل اعجابي واحترامي لك ،،،،،

صح بدنك
وشكرا على الإطراء

[ابو حاتم]

صح السانك وابيض وجه على هذه القصيده
الرائعه والجزل مايجيب الا الجزل

ناسٍ زغرها ابليس واعقولها طبـولتركض ورا هرج القفـى ماتخليـه

كم واحد سيفه على الخلق مسلـوليشـذب عراقيـب المقفـي ويذيـه

خبلٍ بعد ما متس كرشه من الفـولولـع قديحتهـا وشـوش باذانـيـه

زيف على الغياب اقاويـل وفعـولكذبـه بحلفـه مقتـرن بـه يباريـه

حلوٍ لسانـه باللقـاء مـار معلـولمعلـول قلـب الله يغثـه ويخزيـه

يخوض فالمجلس بلا عرف ووصولويصجه بكثـرت ريـاه وعزاويـه

عن هرجته سمعي مسكر ومقفـولمار البـلاء نـاسٍ تسمـع دواديـه

وما للنصيحة في عمى القلب مفعوللا جيت لـه نصـاح كبـر علابيـه


سلمت يا ( بندر العتيبي)

[أبو نجر النفيعي]

..

صح لسانك مليوووون يا بندر ..
قصيده جزله .. وبيض الله وجهك ..

.

اخوك..

التوقيع

.....

[فيصل المسعودي]

عزالله جزله يالتحدي


صح لسانك


وفي انتظار جديدك


تقديري

[البدر2006]

صح لسانك وبيض الله وجهك وننتظر منك المزيد

[> الحزيمي <]

اخوي التحدي ماشالله عليك القصيدة جزله مثل شاعرها







مع تحياتي وإعجابي

[بندر المرشدي]

الأخـــــــــــــــــــوان

ابو نجر النفيعي

فيصل المسعودي

البدر 2006

الحزيمي

صحت ابدانكم اجمعين

وبيض الله وجيهكم

وشهاداتكم نفتخر فيها

وشكرا للجميع،،،،

[متعب العصيمي]

مـن لا هـداه الله مانـي بهـاديـه

التحدي صح لسانك قصيده جزله
بارك الله فيك ..
مووودتي ..