حصرياً... بين الشمري وبن مروي

[مروي ساجر]

السافري لاهنت على النقل المميز
وصح الله لسان الشاعر/عبدالله عليان بن مروي
رديه جميله بين خوي وخويه

والشاعر عبدالله بن مروي شاعر يستحق الاشاده
وأنت بعد يالسافري


وأسمحلي بتنسيق القصيدتين

قصيدة الشمري:

يسعد حياة اللي لة شهور مقطوع=ياللة عساء بمواجة الوقت خيرة
انت الرفيق اللي من الطيب منبوع=لك فزعةً تبقي بقلبي.... كبيرة
وانت الرفيق اللي تكفي عن الجوع=مد الكريم اللي...علومة تنيرة
من لابة لاصار نازع ومنزوع=فكت طوابيراً لو انه عسيره
خطلان الايدي وسطه الطيب مطبوع=سيفاً شهر مثل النجوم المنيره
عتبان لاحد اللقا كل ...متبوع=جتك العلوم موثقة من خبيره
ماهي بلك عاده ياقاطع ومقطوع=لكن عسى بمواجه الوقت خيره

رد عبدالله بن عليان بن مروي:

اهلاً هلا يالي بة الطيب مزروع=طيب الخصايل والنقا بالسريره
نسل الحرار الظيغمي نادر النوع=راع الوفاء السنعوس جد وعشيره
شمر هل الطالات والراس مرفوع=واعتل قبيله في شمال الجزيره
اهل الكرم وقت القساوات والجوع=واهل الملاقا والسيوف الشطيره
لاجا نهار الزحف واصتكت جموع=اقفت ركايب من غزاهم كسيره
العين هلت من على اوجانها دموع=تبكي على الفرقا وتشكي هجيره
والا الخوي كل العتب منه مسموع=يعذر تراها ظروف وقتي عسيره
له في حشاة الجوف ريضان وربوع=ويفوح في روض المعزه عبيره
يدخل على قلبي ولااقول ممنوع=سيد عروق القلب ولا اميره
انت الخوي وكل العتب منك مسموع=واعذر تراها ظروف وقتي عسيره