..(( الـــعــــرس )) ... لاتــطــوفــكم !!!

[العدواني]

السلام عليكم ورحمة الله وبركاته ...

أخواني أبناء عتيبه الكرام , أعضاء المنتدى الأعزاء ..:::

إليكم هذه القصيده الغزلـــيــه من قصائد الشاعر فهد مطلق الناصر العدواني المشرف العام في منتديات قبيلة عدوان وبحكم محبتنا وتواصلنا لمنتداكم العامر وددنا أن نثري تلك العلاقه الحميمه بيــنــنــا :::@@@

قصيده بعنوان (((... العـرس ... ))) :::

ليلة فرح بين الطرب والترانيم = وصوت البنات أمنشطات النعاسي
جريــت طاروقن يفز الملاثيم = ومزخرف الأبيات لولو وماسي
للي تعمم بالمعاليـق تعــمـيم = وأخص من يسوى ربيعي وناسي
اللي حشى ماضمه القلب ترهيم = ولا جذبني بالخـطــط والدساسي
حبني وسلمت المفاتـيـح تسليم = وأكتمه ماوالله طعت العطاسي
ومن ضحكته لخبط جميع المفاهيم = وهد الجبل من عقب ماكان راسي
لحظه!! كذا حسيت أني وسط غيم = وحسيت كني أفتقدت الحواسي
ماهيب ربكه بس خنقت بلاعيم = وقلت آااه ياعمرن قضى بالمآسي
لا الحظ حظي والفرح ممتلي ضيم = وأن قلت تكفى يازمن صار قاسي
لين أنتبهت وكن حدن خزبي سيم = وقعدت أجامل مهتوين التعاسي
ثم سالفولي مفلسين ومكاريم = وأرخيت سمعي لين مالان باسي
ثم قلت والله يالرجال الشغاميم = لو حكيكم فيه الشفى للعماسي
ماكان فكري يطرد أم أحرف الجيم = بنت الذهب يامن يحب الغطاسي
وأشوفه بعيني جميع المعازيم = ولولاه منكر جالسين الكراسي
وأضحك مع نفسي وأقول الله يديم = أمعزت اللي مرتكز فوق ساسي
وطرفت عن كل الوجيه المحاشيم = وأخذت في سجه ودنقت راسي

...............................0
0
’,’,’,’,’,’,’, وسلامتكم ’,’,’,’,’,’,’,

للشــــــاعر : فهد مطلق الناصر العدواني .

آخر تعديل العدواني يوم 24-Apr-2007 في 07:17 PM.

[رشيد النقريني]

مشكور اخوي العدواااني على النقل الجميل

وبيض الله وجهك

ولاهنت

[أبو صقر]

العدواني
حياك الله انت وعدوان على العين والراس واعلم ان المحبه متبادله
وصح لسانك ولسان فهد العدواني



تحيتي .........

[ابن ماثل]

حياك الله يا العدواني وانشالله ان الاحترام متبادل بينا
والله صحيح قصيده جزله وجميييله واشكرك عليها
تحياتي

[محمد الـعـريدي]

الأخ : العداوني

كل الشـكر لك على حسن الأختـيار

لك منــي جـزيل الشــكروأجــل التقدير

اخــوك:محمد العريدي

دمت بحفظ الله

[نمر العتيبي]

العدوااااني حياك الله
وقصيده رائعة وجزله
وصح لسان شاعرها
ولاهنت على النقل
وتقبل تحياتي

[غشام نجد]

الله يـعطيك الف عافيه على النقــل

لك مني جزيل الشـكر وأجل التقدير

[ابن خرصان]

يعطيك العافية وصح لسان الشاعر والكاتب

[العدواني]

الله لايهينكم يالنشـــامـــا أســعــدنــي مروركـــم الــكــريـــم ,,, صحت أبــدانــكـــم ......


ولاعلاكم زووود ...... وإن شاء الله سوف أنزل لكم المزيد من القصائد الطيبه اللي تستاهلونها .