الرجال اشباه

[مطلق العصيمي]

الاخوه اعضاء المنتدى تقبلو مني هذه القصيده بعد اكمالها



المراجل تاجٍ مرصع بياقوتٍ ثمينا
..........ماهي قولٍ يعتزي به كل شخصٍ يوم قالي
والرجال اشباه في وقت الرخا متشابهينا
..........مير في اوقات الشدايد تعرف اشباه الرجالي
بالكلام و بالسوالف كلبوهم جيدينا
...........بس حزات الفعايل تبرز رجال الفعالي
بعضهم بالكذب يرقى بين قومٍ جاهلينا
...........وبعضهم يرقى المعالي صادقٍ راع الطوالي
وبعضهم لا شفت زوله قلت ياذرب اليمينا
..........ولو يمد لك اليمينا شفتها مثل الشمالي
وبعضهم لاشفت زوله قلت ياخالي اليدينا
...........ولو يمد لك اليدينا ضارياتٍ بالجزالي
ماتساوو ماتساوو السعيد مع الحزينا
...........وماتساون ماتساون الجزال مع الهزالي
وانته انته يالعطاوي كامل العقل ورزينا
...........اشهد انك بالفعايل من صناديد الرجالي
قولٍ وفعلٍ مثبت كلبونا شاهدينا
...........نشهد لشمسٍ تجلت ماتحادت للزوالي
هبت رياح القصيده من شمال ومن يمينا
..........واستهلت بالخيالي من يمين ومن شمالي
وامطرت هتانٍ اروى كل هاجوسٍ دفينا
...........وانبتت معنى وقافٍ ماتسعر بالريالي
قمت افكر قمت اهوجس فا لليالي وفا لسنينا
........ثم عقب ايقنت بان العمر تطويه الليالي
عقبها ماعاد يبقى غير فعلك يافطينا
..........كان شرٍ نلت شر وكان خيرٍ لاتبالي
زخرف الدنيا يزول وعقبها ربي يعينا
.........يرحم العبد الفقير اللي ذنوبه كالجبالي
ربي اغفر ربي ارحم ربي سلم لاتهينا
.........عبدك اللي يطلبك في كل يوم وكل حالي
وكان تبغا العلم جل العلم جبت لك اليقينا
........ما تركت الا دقاق العلم واخذت الجلالي
المراجل ماتكمل غير لا زانت بدينا
.........زينه الرجال دينه خل عنك اهل الهبالي


وسلامتكم...................................

[لواء العز]

بارك الله بك , شكراً أخي الكريم

[السميــــــري]

المراجل ماتكمل غير لا زانت بدينا
زينه الرجال دينه خل عنك اهل الهبالي

صح لسانك على هذه القصيدة الجزله .. يامطلق ..
لاهنت

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مطلق العصيمي]

اخي الكريم لواء العز

لاهنت يالغالي على مرورك

[مطلق العصيمي]

ياهلا وغلا يالسميري
وصح بدنك

تقبل تحياتي

[أبو نجر النفيعي]

,,

,

صح لسنك يا مطلق ,,

قصيده جزله ’’

’

التوقيع

.....

[مرزوق حمدان العتيبي]

...
.
.
صح لسانك يامبدع ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مطلق العصيمي]

ابو نجر

صح بدنك

[مطلق العصيمي]

اخوي مرزوق العتيبي

لاهنت على مرورك

وصح بدنك

[أبوسلطان]

صح لسانك يامطلق


ودااام إبداعك



ودمت بخير