حقيقة شاعر المليون

[مشعل الريمان]

أنقل لكم قصائد لشعراء عتيبه تدور حوووووووووول لجنة شاعر المليون



القصيده الأولى للشاعر خالد مقبول العصيمي

اتضح معنى القصيده ونكشـف مضمونـه=لاتعلمنـي هـل المعـنـى ولا اعلمـهـا
وأنجلى وجه القمر للي تشـوف أعيونـه=كود من غطـا العيـون وذمتـه ظالمهـا
ما بقى شـيء مغطـا مـن وراه ودونـه=صارت أقمار الفضاء تشهد على عالمهـا
أختلف ميـزان وقتـي وختلـف قانونـه=أنهـزع حيـد السفينـه ونكسـر سلمهـا
كنت أحسب أن الحقيقه وزنة(ن)مازونـه=وثرها أحلامي ولا غيري حـدا يحلمهـا
كان قاضي الحق نشبت لقمته في سنونـه=من يفرق كافـر الأديـان مـن مسلمهـا
أعلم أن الغـش جـرم وشغلة(ن)ملعونـه=تطول أضفـار اليديـن وترجـع أتقلمهـا
والسلم والمرخ لو كثر الورق في أغصونه=السيوف اللي تقـص الـروس مايثلمهـا

المجاراة /للشاعر عبدالله الهديريس العتيبي

بارك الله في الفضاء واقماره المشحونه = ذبذبة عبر الهوى وإشارة ٍ يحكمها
بيّنت للناس نـوع الصـنـعـه المـدفونه = من ورى الاهواز قبل الفرس لاتتممها
شغلة ( اليورانيوم ) والنية المطعونه = (متكي واحمد نجاد) ومن طمع نادمها
ودهم طبة خليج العرب ويمصونه = تشرب آبار الزيوت وحوتته تلهمها
حالهم من وقت ماضي ماتطيب غبونه = ورثة ٍ لامات شايب للولد سلمها
من فعول العرب في وقت ٍ مضى مغبونه = النفوس اللي سواد الحقد قد غيّمها
مشترين الدار لكن مارضو بثمونه = والله انا قد قسمنا بينهم مسهمها
قيمته كانت فعول سيوفنا المسنونه = والرماح اللي من كرام اللحى نكرمها
مع قصار ٍ زادهنه سحنة ٍ مسحونه = من يمين اللي يشوق لفعلها يِلْهمْها
والهنادي في يدين اهل الوفا مامونه = كم كريم ٍ من جنوبه في اللقا تيدمها
لاركبنا فوق سرد ٍ وصفهن وش لونه= مزنة ٍ هلت ويرجف بالرعد مقدمها
الوطن نخلي هله من باحته واركونه = ومن فتل بيض الشوارب قدمنا ندقمها
فوقهم لمطر غضبنا من سواد مزونه = الخليله من مداعب خلّها نحرمها
دارهم ماجات غدر وفنة ٍ مفنونه = ولاهدايا ً كل عام ٍ بينهم نقسمها
ولاربضنا للزعيم ولانحب متونه = حِبته من حد حدب ٍ منكبه مطعمها
لين نحّى عنه غصب ومن بقى يقفونه = ماحلى ركب الحكومه مقتفن حاكمها
جات يعرب غصب ماجت منة ٍ ممنونه = يوم كان الرمح والسيف الحدب يحكمها
لين جانا (مجلس امن)وعالم ٍ مجنونه = الحقوق اطبق عليها والعرب يتّمها
ومحكمة :لاهاي والناتو: وشر ٍ دونه = المظالم كيف يقضي ظلمها ظالمها ؟
ريّس الجلسه يهودي والمسيح تعونه = والمصالح بينهم عندالعرب قاسمها
الكديش اللي تثالغ بالدبر حنحونه = مالقت من يفتردها يوم ثم ياسمها
كل ماترغي تدلاّ برطم الملعونه = وعضدها الايمن تحبه لامسح برطمها
والعوين الثاني اللي بيّحت مكنونه = حجة العميا تبيّح سد من قدّمها
مير ليته كان رايه دخّله ماعونه ! = صيدته وليا ذبحها الهزل يشرب دمْها
والله انا لوبنينا السد مايرقونه = البهيمه كلمة الرحمن ماتفهمها
القضاة من البعم والكاتبه ممحونه = والحسد والحقد سيد احكامهم واحكمها
العرب لو يطلبون الحق مايوحونه= والمهادن يبلع الجابه ولايبرمها
اختلف وضع العروبه ثم تغيّر لونه= والعداه الله رزقها بيننا واطعمها
هاضني قاف ٍ بناه اللي حكم مضمونه= ابو فارس والمعاني ضمّها وانضمها
لاعقد حبل المعاني ماتحل ممنونه= عايمن له في بحور ٍ قل من عايمها

ولكم خالص ودي وأحترامي