تفسيربعض من قصيدة الحر النداوي

[كاسر البرقاوي]

بسم الله الرحمن الرحيم


نتمى من اخوانا الشعراء والعرافين بالشعر توضيح قصيده يوسف فمن وجهة نظري ان كثيرا من المعاني كانت في اللجنه وحياديتها سأوضح لكم بعض الأبيات وعليكم توضيح باقي القصيده


فمن وجهة نظري ان يوسف يقصد بمجلس الشورى لجنة التحكيم

حين يقول

ياصدري تحمل ضيقتك والصدور قبور .............. دفنا السوالف ماكشفنا لها عوره
لكن ودك الرجال لا قال كلمة زور..................... قبل مايطلعها توقف على زوره
مواطن وأطالبهم بحقي من الدستور................. ومشكور ماقصرت يامجلس الشوره
ولا هو صحيح تحطني بآخر الطابور................ على ساس لا عندي طوابع ولا صوره
ياحزن الشوارع لا تبكي عيون الدور ............... لك سنين وارصفتك من الناس به تجوره
لك سنين لا مرك حمامه ولا عصفور .................. وحنا علا بينا من الذل ممزوره
شعب يشبه الثيران والثور ينطح ثور ................ وثيرانهم واجد ولا عندهم ثوره
يقولون تجمعهم مصالح مع الساطور .................... وأنا اقول ورقبتك من السيف مخطوره
ولد لا تقول الحق لا تكشف المستور .................... عن الحق ثلثين السواليف محظوره


وبقوله ماعندي طوابع ولا صوره يقصد الواسطه والمحاباه وقصد بقوله مواطن اي مشارك في المسابقه




هذا ماحبيت اقوله لكم وودي تمتعوني بردودكم وتحليلا تكم حيث ان المشاركه هذي جات على عجاله وحبيت استفيد من اخواني الشعراء في المنتدى

[سعود بن مويسان]

اخوي المده الزمنيه للمسابقه ثلاثه شهور وذكرها بالقصيده وابو منصور المذكور بالقصيده (شخصيه عتيبيه عصيميه بارزه)

اما البكره الحره فهي بيوت الشعر وقال رماها اللي مركب الناضور فهي وحده من ثنتين اما انه يقصد الدكتور بحكم انه الوحيد اللي لابس نظاره او العميمي بحكم انه يسمونه الراداروذكر انها عرجت من رميته لاكنه ماكسرها وذلك بدخول ربعه الهيلا وتصويتهم له وقلب الموازين ووضح ذلك بقصيدته اللي سبقة قصيدة اللجنه اسندها على العد الرهاوي وذكر بأنهم مخلفين الهقاوي واخلفوا هقوة اللجنه وفوزوه.

تقييمه السابق كان اخر الطابور لانه ماله وجود في الطوابع ويقصد المجلات والاعلام والشهره والاضواء مثل ذااااااااااك المحبوب عندهم بمولاته الشبيهه لمولات المغنيات والمطربات غير ذالك هو محبب عند الساطور.
اما الساطور من هو يقول يوسف ثلثين السواليف محضوره انا اقول خلي الساطور محضور لانه ضغط عاااااالي فوق اللجنه بكثير
مجلس الشورى مجلس اللجنه والثور اللي ينطح ثور اعضاء اللجنه قايد الثيران دكتورهم

[كاسر البرقاوي]

المشاركة الأصلية كتبت بواسطة سعود بن مويسان

اخوي المده الزمنيه للمسابقه ثلاثه شهور وذكرها بالقصيده وابو منصور المذكور بالقصيده (شخصيه عتيبيه عصيميه بارزه)

اما البكره الحره فهي بيوت الشعر وقال رماها اللي مركب الناضور فهي وحده من ثنتين اما انه يقصد الدكتور بحكم انه الوحيد اللي لابس نظاره او العميمي بحكم انه يسمونه الراداروذكر انها عرجت من رميته لاكنه ماكسرها وذلك بدخول ربعه الهيلا وتصويتهم له وقلب الموازين ووضح ذلك بقصيدته اللي سبقة قصيدة اللجنه اسندها على العد الرهاوي وذكر بأنهم مخلفين الهقاوي واخلفوا هقوة اللجنه وفوزوه.

تقييمه السابق كان اخر الطابور لانه ماله وجود في الطوابع ويقصد المجلات والاعلام والشهره والاضواء مثل ذااااااااااك المحبوب عندهم بمولاته الشبيهه لمولات المغنيات والمطربات غير ذالك هو محبب عند الساطور.
اما الساطور من هو يقول يوسف ثلثين السواليف محضوره انا اقول خلي الساطور محضور لانه ضغط عاااااالي فوق اللجنه بكثير
مجلس الشورى مجلس اللجنه والثور اللي ينطح ثور اعضاء اللجنه قايد الثيران دكتورهم

بيض الله وجهك وهذا هو التفسير اللي الكثير من الشعار فسروا به القصيده

واللي يأكد ذلك النسبه اللي اعطتها له اللجنه فهم زعلوا من القصيده وفيه منهم اللي مشت عليه ولا يعرف

انه مقصود فيها بعدين حمد السعيد حب يلف على المعنى ويقول انت منت بآخر الطابور