++صوت العقل++؟؟

[ولد كريز]

ياربعي يابني عمي ياهلي ياعصابة راسي اسمعوا
تعرفون المثل اللي يقول الحق القوم العباة؟؟
الجميع يعرف ان شاعر المليون محدد سلفا
وهذا مكان اجماع والادله كثيره وواضحه
اخرها الحلقه السابقه والا الشمري يكون بعد تركي وابن فطيس
مع ان كل من له معرفه بالشعر يعرف ان العازمي والشمري ابدعوا ولم يكن تركي وابن فطيس منافسين لهم
والله فرق السما عن الارض
ابن فطيس في هالحلقه كان خارج الجو الا في قصيده وحده من القصايد الست وتركي اقل بكثير مما كان متوقعا
والاحبابي مع حبي له الا انه كان غير موجود وعلى فكره اللي هزأ اللجنه هو العازمي بكل جداره
حتى انه جعلهم مع الجادل الرعبوب
لكن صفق وخل السيف بنصابه
يعني الشغله مطبوخه ومنتهيه وسيل من المدح والتبجيل لبعض الشعراء على حساب الاخرين
بعدين يوسف العصيمي هذا انا اعتبره حاله نادره في الشعر واتحدى على ذلك
له طريقه خاصه في الشعر تصعب حتى على اللجنه وبصراحه حماسه الزايد وثقته بنفسه واعتزازه بربعه
سبب حقد اللجنه عليه وهذا على قول المثل كل ذي نعمة محسود
تدرون ليه اعطو يوسف 22؟؟؟؟؟؟؟؟؟؟؟
لو اعطوه 40 كان من المؤكد ان التصويت راح يكتسح كل التوقعات وراح يفوز بفارق رهيب
ولكن هذي النتيجه تؤدي الى عشرات الالاف من الرسايل حتى تصل به الى الخمسين يعني كل 100 صوت ليوسف
يقابله 1 لغيره بسبب درجة اللجنة المنحله اخلاقيا
وهذا مارايناه مع فهد القثامي مع ان الفارق لم يكن بهذا الكبر
ثم ان الزج باسم القبيله في موضوع فيه تآمر وتواطؤ وظلم واصرار على تتويج شخص معين
فيه من اللاعقلانيه فيصبح الشامت والحاسد يضحكون من الضرس الى الضرس وكأنهم جابو راس كليب
والمشكله هي مجرد ظرف يجيبه واحد مدري وش جنسيته ويقولهم ترى هذا اللي فارز
يعني كلها قريشات في مخبا هالاجودي وينطم هو وشاكلته وتلقون الفائز يتقدم ويرفع علامة النصر
حتى قبل لا يذيع المقدم اسمه وهذه حصلت قبل كذا والكل شاهدها حتى ان المقدم المسكين صار
يخربط ويحاول يتكلم بسرعه يبي يسبف الفائز
عمرها ماصارت الا في البرنامج هذاه
الكل يجزم بفوز فهد وانا واحد منهم لكن الشغله صارت عبيله مرقه وحليب تمغص البطن
اتمنى فعلا ان يوسف ينسحب وهذه تعتبر قاصمة ظهر والله لو انسحب ان البرنامج يفقد مصداقيته
وانهم يحاولون يحبون خشمه عشان يهون لكن اللي يبي يسود وجههم انسحاب يوسف
عقبها بيومين امسيه شعريه بابو ظبي وشوفوا الجمهور اللي يحضرها
هذه وجهة نظري
واخيرا وليس اخرا كم تمنيت ان يوسف يستلم الرايه بعد خلف بن هذال لانه سيكون خير خلف لخير سلف
وعذرا عن الاطاله