قصيدة الدغيلبي في بدهان الرمالي

[عنتر زمانة]

إلا بالله يا للي كلــــــــــنا له=تعــــــــين اللي مكبل في حبــــاله
وتفرج كربت اللي طال همة=سجينن ينتظر حكم العداله
سجينن له ثلاث سنين وزود=هـمــومــــه تدرج ما رتاح باله
إلا وشلون يدله ويتريح=وســــاع الموت مرسل له رســــاله
يقول الحكم صادر في قصاصك=وراع الدم ما يبغي بداله
ولا يقبل شفاعة من تشفع=ولا جــــــــــاه الشفيع ولا حــلاله
وأنا أقول الـفرج بيدين منهو=يحق الحق ويسن الجزاله
إلا يالشيخ قبلان المسمى=عريب الأصل من عمه وخاله
تموت أزوال ما زولا نخــــاها=ولا تعرف ولا تفعل جـــــــــماله
وما دام الحق معك وفي يمينك=وباب العفو ما قفل قفاله
نخيتك بسم روق وبسم برقا=تفك الشمري من ما جراله
وليته والله الوالي تعالى=وعتقه مطلبي في كل حــــــــــاله
لا يغويك اللعين بما غوابه=ويحرمك الأجر ويطيب فاله
ولا تسمع كلام الجاهل اللي=على اخذ الثــار فايرتن دلاله
ولاكن شوف دمع العود ينخا=يذل النفس ويلح بســـــــــواله
يقول اثنين قبله قد توفوا=وثالثهم هذا عزي لحاله
وشوف عيال بدهان الضعافا=وشوف اللي جراء لهله وحــاله
وقدر مطلب اللي يطلبونك=رجال المجتمع وأهل الشكاله
رجالاً جوك من كل النـواحي=احد بالجاه واحـــد بحر ماله
عشمهم فيك عفوك يالشـراري=وعشمنا فيك لا يخطي مجاله
أبجاه الله ثم جاه القبايل=تفكه يالشــــراري من حباله
هذا والله يكافينا البلاوي=ومن حمل بحمل غصب شاله

الشاعر : ناصر بن محمد بن مطلق الدغيلبي

[رويشد المورقي]

بيض الله وجهك على النقل وصح لسان الدغيلبي

[عنتر زمانة]

[ابن معيض]

بيض الله وجهك اخوي علي هالنقل

صح لسانك ولسان شاعرها

لا هنت

[سماوي]

مشكور .. وقصيدة رائعة ..

[مرزوق حمدان العتيبي]

...
.
قصيده جزله من شاعر مبدع
في مجال انساني رائع ..
صح لسان ناصر ولاهنت يا عنتر زمانه
.. نشكرك على هذا النقل المميز ..
.....
ومن خلال هذه الصفحه وتفاعلا مع هذه القصيده
نوجه الدعوه لناصر للانضمام مع ابناء عمومته
ومشاركتهم في منتدى الجميع ...
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سعود النفيعي]

قصيده جزله وموضوعها أنساني مثل ما قال مرزوق العتيبي وصح لسانك ولسان قايلها


تحياتي


سعود النفيعي

[عنتر زمانة]

اسعدني وشرفني مروركم لاول مشاركة رسميه في هذا المنتدى الرائع ولا هنتم
ابن معيض>><<سماوي>><<مرزوق العتيبي>><<سعود النفيعي
تحياتي

[ابوبندرالشيباني]

صح لسانك
وصح لسان الشاعر
والله لايهينك
اخوك ابوبندر

[عنتر زمانة]

صح بدنك يابو بندر ولاهنت