غلا المهور

[ابن فرحان]

هذه من قصائد الشاعر غازي بن عضيب الدعجاني ,,,

وهي عن غلا المهور ,,,


[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
رمع بي الهاجس وهيضت هالقاف=وكبدي كما المصلي على حمو صاجي
يا اهل التعاون والعداله والانصاف=ابناء الوطن ما يدركون الزواجي
والبيض عنس مابهن نقص وخلاف=الا المغالا حط فيهن خلاجي
وقت مضى والعرس بفراش ولحاف=ومقيطع يصيغ بقرف وزاجي
واليوم حدوهن بميات الا لاف=وبذخ وحفلات لهن ارتجاجي
وفي فندق الافراح وتشوف وتشاف=عقب الستر والسمت راحت سماجي
مالوم ها الشبان لو جاهم اعزاف=وراجوا مع الغبه على لوح ساجي
يا اهل البنات الي شريفات واعفاف=خوفوا من الله لا يرحن خماجي
وبيع العذارى يعتبر ظلم واجحاف=وبياعه النسوه تراهم دجاجي
راعي الوفا حر على راس مشراف=طبيب جرح ما وجد له علاجي
هاذي نصيحه واحد سامع وشاف=والصاحي المبصر يشوف السراجي
وصلاه ربي عد ما هل هتاف=على النبي وانا من الله راجي
[/poet]

[الأزوري العتيبي]

بارك الله فيك يا بن فرحان

[ابن فرحان]

يا هلا يا الازوري ..


مشكور على المرور يا الطيب ..




تحياتي لك ,,, يا صديقي العزيز ,,,

[فيصل محمد]

رحم الله الشاعر غازي بن عضيب الدعجاني رحمةً واسعه

وأطال الله في عمرك على الطاعة يا ابن فرحان

والقصيدة كالعادة نـ ....... " أكمل الفراغ "

[ابن فرحان]

مشكور يا ابن محمد ..


مانستغني عن توجيهاتك يا الطيب ..


تحياتي لك ,,,

[ابو فراس]

صح لسانك ولسان من قالها يا ابن فرحان

[’’الفارس’’]

يعطيك العافيه يالنشمي

وصح لسان ابن عضيب

الله يرحمه

[ابن فرحان]

مشكور يا ابو فراس ..

صح بدنك يا الطيب ..


الله يعطيك العافيه ..

[ابن فرحان]

الاخ الفارس ..



مشكور يا الطيب على مرورك .. بارك الله فيك ..



تحياتي لك ,,,