يا لطامة العايل و يا حمران النواظر

[نسل مارق]

أحمد الله كلهم من عزيزين الجناب


تدرون الشطر اللي فوق وشنهو؟؟

هذا قاله شاعرنا الكبير حبيّب العازمي في عمّانه عتيبه وخواله مطير
ياجماعه والله اللي هالحين صاير إن مايرضاه عاقل
وإعرفوا إن مايحوول في الناس غير فعول جهالها وسفهاها

عتيبه ومطير مثل العيون اللي في الراس وهم وافين كلهم وطوال بعض
وحنا وياهم ربوع ومتخاوين في كل مكان
والله إن ماتلقى عتيبي إلا ورفقاه من مطير ولاتلقى مطيري ألا ورفقاه من عتيبه

تكفوون يالجماعه ردوا الناس المسفه اللي تسب بعضها
وأعرفوا إن إذا فلتنا سفهانا تفلتوا سفها مطير علينا وكلن يبي يسب قوم الثاني وبيتلحقون حتى الموتى

والله لاكسرنا بيرق من سبنا ولا هم كسروا بيرق
وأنتم شفتوا بهاللي أرسل قصيده عن المريخي لقاله سفيه زيه وسبه وتلحق ربعه بعد

وهالتركي 2000 اللي مبلشينا فيه تقل ذابح منا عشره
تراه مع شعارنا وهم وياه سمن على عسل
ماغير السفها اللي برى تكبر الأمور ومعميها التعصب
وكان ماتعرفون ترى أبو تركي خال لحبيب العازمي

فتكفوون يالربع . تكفون ثم تكفوون
فكونا من هالعلوم الرديه وإعرفوا إنهم عوانينا وإننا عوانيهم
وتكفون يامطير ردوا كل سفيه عندكم يكتب ويتلحق الموتى
وتكفون ياربعي ردوا كل سفيه يكتب ويتلحق موتاهم

قلت تكفوون
وشكرا

[رويشد المورقي]

هالله هالله يعطيك العافية على النقل

وصح لسان حبيب العازمي

[محمد العتيبي]

كلام سليم ومعقوووووووووول

تسلم طال عمرك ....

التوقيع

للتواصل عبر twitter تويتر al_bargawy@

[رجـم النـايـف المطيري]

لله درك ياشيخ


قسم بالله انك ماقلت غير الصحيح


يانسل مارق



مودتي واحترامي لشخصك الكريم

[النافذ]

اخي الكريم نسل مارق

نحن لان وكل القبائل في وضع يجب ان نحكم العقل قبل العواطف

والسب والشتائم مادري وش الفائده منه غير انك تغضب الله وتحرق نفسك

يالربعي عتابه ومطير كل واحد يتخيل انه ماهو من القبيله

وداخل على المواقع المذكوره وش بيقول بالله عليكم؟


اللهم ارنا الحق حقآ وارزاقنا اتباعه وارنا الباطل باطل وارزقنا اجتنابة


اخوك النافذ

[ابن مشيب]

اعتقد ان مثل هذه المواضيع , هي اللتي تثير الفتن وتجعل من الحبة قبة كما يقولون , عتيبة ومطير قبائل مثل غيرها , ومايحصل من اختلاف في وجهات النظر يبقى في حدود تلك الاختلافات والمواضيع , لماذا نثير ونكتب مثل هذه المواضيع , التي تجعل كل شخص يحمل الضغينة على اخيه , ويعتقد فيه اعتقاد السؤ.


الان سؤال لك ولمن يثيرون مثل هذه المواضيع:

لو مر متصفح هذه المرة الاولى لهُ يدخل فيها المنتدى , والمنتدى مليئ بالمواضيع العامة والخاصة وغيره , وشد انتباهه هذا الموضوع , ودخل وقراء ماكتبت , الن يعتقد ان منتدى عتيبة ومنتدى مطير , كلاً رمى على الثاني من اقبح الالفاظ , وقد يتخيل وهو لم يقراء مايكتب من اختلافات بسيطة , ان هذه الالفاظ كانت شنيعة وفضيعة وبشعة , وعتيبة ومطير تكرم عنها؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ياإخوان انظروا بالمنظور البعيد لا بالقريب , ولاتثيرون مثل هذه المواضيع , اللتي تكون هي السبب في غرز وزرع الضغائن بين الناس , فضررها اكثر من نفعها , وهذا الموضوع سوف يقفل ويحذف لاحقاً