 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
27-Feb-2007, 10:11 AM
|
رقم المشاركة : 2 | |||||
|
اخواني أعضاء منتديات الهيلا
يشرفني أن أشارك معكم بهذه القصيد وهي مجالسي تحدثت فيها عن عدّة قضايا من ظمنها قضايا الشباب والفتياة إليكم القصيد عسى أن تجد منكم بعض القبول ما قلت حاجه ترى الخافي أعظم مضالي سنه ما صفى يوم جوّي أحدّر واسنّد ولا ادري ايش اسوّي وحظي من الله حظ متلوّي وما قلت حاجه ترى الخافي أعظم تغربلت شفت الأسى من زماني كفى يازماني كفاني ما جاني أعيش ابهموم ومن الحزن أعاني وما قلت حاجه ترى الخافي أعظم جلست أتفكّر بذا الوقت ساعه وابقول كلمه خذوها وداعه ترانا بغيرة زمن يا جماعه وما قلت حاجه ترى الخافي أعظم أنا اشوف في ذا الزمان العجايب واشوف البلاوي واشوف المصايب مصايب من اسبابها الراس شايب وما قلت حاجه ترى الخافي أعظم أشوف أكثر الناس تارك صلاته ولا ادري على ويش عايش حياته ولا ادري شيسوّي بساعة مماته وما قلت حاجه ترى الخافي أعظم واشوف الولد عاصي إلـ والدينه عليهم ينافخ ويرفع يدينه وروحي من اللي تشوفه حزينه وما قلت حاجه ترى الخافي أعظم واشوف الولد له علومٍ ردّيه مصيبه يحب الولد شخص زيّه وما بينهم به علومٍ خفيّه وما قلت حاجه ترى الخافي أعظم ونا اشوف في ذا الزمن جنس نكري من اسباب ذا الجنس محتار فكري وانا اظن كلٍ سمع بسم خكري وما قلت حاجه ترى الخافي أعظم ياحيف الرجوله إهي والشجاعه يحل إبدلها دلاعه ومياعه كلامي حقيقه وما هو إشاعه وما قلت حاجه ترى الخافي أعظم واشوف الشباب اللذي ما يهمّه سوى انّه يكيّف صقاره وشمّه ويدوّر لما يفسد عقله ودمّه وما قلت حاجه ترى الخافي أعظم وبنت القبايل ما ندري اش قلبها عطيبه عطيبه وما اكبر عطبها انا اشوفها اليوم قلّة أدبها وما قلت حاجه ترى الخافي أعظم ليا طبّت السوق إيعطّس عطرها وليا شافت رجّال واقف قطرها رمت بالعبايه وبدّت صدرها وما قلت حاجه ترى الخافي اعظم واشوف الدشوش ألا يالعن ابوها على كل بيت الدشير انصبوها وحتى البدو فى القرى ركبوها وما قلت حاجه ترى الخافي أعظم وانا اقول ذا الاجنبي وش نبيبه ونا ما العنه ألعن اللي يجيبه ويحطّه مع اهله وكنّه قريبه وما قلت حاجه ترى الخافي اعظم يجي الاجنبي بـ احلى كشخه وصوره وعند المواري يكدّد شعوره وكلّه على شان يسلّك اموره وما قلت حاجه ترى الخافي أعظم وفى اختامها ياعرب سامحوني واذا جا خطا فالرجا سامحوني أنا اللي كتبته رأيته بعيوني وما قلت حاجه ترى الخافي أعظم وسلااااااااااااااااااااااااااااااااااامتكم |
|||||
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري