الدره ( لبادي الرجم )

[ناصر الجلاه]

المشاركة الأصلية كتبت بواسطة بادي الرجم

ابتدي بسم الكريم اللي تعلا شانه = واحدن ما للخلايق حيلتن من دونه
عقب ماهود علي الليل زان المسرى = الذخاير في يديني والهدف مادونه
يا لبيب العقل تكفيك الاشاره مني = هاك مني حكمتن مثل الذهب مضمونه
التجارب يكسب الرجال منها خبره = تنضج العقل السليم ويرتفع مخزونه
كل ماهبت رياحك فاغتنم هبتها = حيث دورات الليالي ماهي بما مونه
من يبا شهد النحل يصبر على لسعاته = ما انت لاقيلك عسل مصبوب في ماعونه
من مشى فالدرب ياصل لو تطول سنينه = الحياه كفاح والفاشل تخيب ظنونه
كل هين ياتي بسرعه يروح بسرعه = مثل برقن لاح في عرض السما بمزونه
عش عزيز ومت عزيز وخل عندك عزه = لاتصير الروح من بين العرب مرهونه
لاتضلي فالعرب قاسي ويكسر عودك = ولاتضلي لينن تعصر كما الليمونه
كل رجلن مامعه سيفن جويد نصابه = يب يموت من القهر تكثر عليه غبونه
عزوتك وقت الرخا نجمن سطعلك نوره = ومعك في وقت الشدايد خنجرن مسنونه
من زرع زرعن يبا يحصد ثمار زروعه = كل رجالن يغناله بقيس لحونه
دولة الحق تحيا ولكل باطل جوله = من قديم الوقت هاذي سنتن مسنونه
لو تزل اقدام رجلك لايزل لسانك = مقتل الرجال يااهل العرف بين سنونه
الفعول ابلغ وخير من الكلام الزايد = يوم بعض الناس مثل التمر في عرجونه
والشراره تحرق الريضان لوهي جنه = والحضيض اللي تقدى فالبلد بعيونه

صح السانك يابااااادي الرجم

ولله درك


تقبل اعجابي

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com