ياصاحبي

[رائد الجديعي]

=بعض العرب ياصاحبي يتبع المال
=ولجل المصالح كل شي ٍ تبيعه
=يخاويك مدّه كلها عدة ليال
=واليا قضى قفـّا مع ارض ٍ وسيعه
=والا بعضهم خوته تشرح البال
=نفسه عن الهفوات دايم رفيعه
=سند خوّيه ساعة الضنك بالحال
=لا هو بنمامٍ ولا اذنه سميعه
=رجال باقواله وبالافعال رجال
=من نسل ريجيلٍ كرام وشجيعه
=طبعه كذا يا صاحبي طيب اخصال
=ماهو تطبع مثل غيره طبيعه
=يقدر المعروف ويقدر افعال
=رجال وافعاله لربعه شفيعه
=صاحب صحيبه صادق ٍ كل الاحوال
=وحافظ لسره مثل حفظ الوديعه
=بعض العرب ياصاحبي يتبع المال
=ولجل المصالح كل شي ٍ تبيعه

رائد الجديعي

[السميــــــري]

الله الله ..
يارايد جمعت الابداع في هذاه الكلمات ...

يخاويـك مـدّه كلهـا عـدة ليـال
واليا قضى قفّا مع ارض ٍ وسيعـه
والا بعضهم خوتـه تشـرح البـال
نفسه عن الهفـوات دايـم رفيعـه


صح لسانك __

[خلف بن مرزوق]

...
..

هنا للشعر حضووور

صح لسانك مليار يارائد الجديعي

قصيدة يندر ان نجد مثلها

ودائما مبدع في كل قصائدك

موووودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[نواف العصيمي]

وعليكم السلام ورحمه الله وبركاته

صح لسانك ... يارائد

... قصيدة رائعه جدا وجزل لا حرمنا من إبداعك

ولك التقدير والإحترام

التوقيع

[مرزوق حمدان العتيبي]

بعض العرب ياصاحبي يتبع المـال
ولجل المصالح كـل شـي ٍ تبيعـه
يخاويـك مـدّه كلهـا عـدة ليـال
واليا قضى قفّا مع ارض ٍ وسيعـه
والا بعضهم خوتـه تشـرح البـال
..
صح لسانك يارائع
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[رائد الجديعي]

هلا بك اخوي السميري
مشكور على المرور الكريم
وهذا من ذوقك

تحياتي
رائد الجديعي

[رائد الجديعي]

اخوي خلف بن مرزوق
هلابك رأي اعتز به
مشكووووووووور على المرور الكريم
تحياتي

رائد الجديعي

[رائد الجديعي]

هللا بك اخوي نواف العصيمي
صح بدنك
اسعدني مرورك وشرفني رايك
شكرا

اخوووك

رائد الجديعي

[رائد الجديعي]

هلا اخوي مرزوق العتيبي
مشكووور على المرور
صح بدنك

اخوك

رائد الجديعي