محاورة الطياره ( السناني + الرياحي + العصيمي + العازمي )

[ذيب الجهني]

السلام عليكم ورحمة الله وبركاته


جايب لكم اليوم محاوره من اشهر المحاورات في الجزيره العربيه . دارت رحاها بين أركان الشعر في المملكه وهم

1- محمد السناني الجهني
2- فيصل الرياحي البقمي
3- مستور العصيمي العتيبي
4- حبيب العازمي العتيبي

ــــــــــــــــــــــــــــــــــــــــــــــــــ ـ




- فيصل -

ونصفو في الطايف وين العب الكايف
فوق الضلع النايف طيري ياطياره

- محمد -

منهو شاف حبيب عنده علماً طيب
يلحق قبل يشيب طيري ياطياره

- مستور -

يافيصل سيرها وأفكارك غيرها
وأين انت وطيرها طيري ياطياره

- حبيب -

يامحمد ريحنا بالدعوه صارحنا
أمسينا وأصبحنا ما طارت طياره

- فيصل -

خندف مع شبابه لابه تنطح لابه
والدنيا غلابه طيري ياطياره

- محمد -

الموقف موقفنا والطيب شرفنا
ياحبيب سولفنا طيري ياطياره

- مستور -

خندف في ديرتها لاتقرى سيرتها
جابتها ودتها طيري ياطياره

- حبيب -

لا ينكبك العيه وتضويلك سيه
تسعين من الميه حمله في طياره

- فيصل -

يا مستور الثوره لنفس المغروره
خلوها مستوره روحو في الطياره

- محمد -

النكبه مقسومك يالي قرب يومك
غصب طيح نجومك طيري ياطياره

- مستور -

يا فيصل العيره طاحت في حفيره
صفر بالصفيره وأركبلك طياره

- حبيب -

راحت حطو وشيلو أعتدلو مع ميلو
كم يمشي من كيلو طبلون الطياره

- فيصل -

أثر العود مهذري ويسولف ما يدري
جاكم يمشي عبري ودعسته طياره

- محمد -

العاقل له طاعه وأسمع بالسماعه
خمسميه بالساعه طبلون الطياره

- مستور -

يا فيصل لو تدري عن ما حاوي صدري
ما تنقص من قدري يا راعي الطياره

- محمد -

قام محمد ينزي ويدور للكنزي
ويسافر بالعنزي في وسط الطياره

- فيصل -

يا منفوش الشوشه لا تفرح بالهوشه
لك فرشه مفروشه في ذيل الطياره

- محمد -

أحبيب له خطه وأفكاره مختلطه
بيسافر بالقطه في زقم الطياره

- مستور -

يا كساي السرحه لا تحلم بالفرحه
مالك غير الذبحه من دون الطياره

- حبيب -

ليش تذم الهره يا محلا هل الفره
راح وجيهك صره في وسط الطياره

- فيصل -

يا مسحرنا الداحه الحجل النباحه
خلك في مرجاحه تسحبك الطياره

- محمد -

عاقل وأرفع نفسي ماأبغى الهرج العكسي
باأوقف راعي التكسي وأطلع بالطياره

- مستور -

سولفلي عن ساره خيالً بالغاره
والدنيا دواره ياراعي الطياره

- حبيب -

يا محمد هرجنا ولا لا تزعجنا
الموقف يحرجنا جنحان وطياره

- فيصل -

ساره تسوى ميه منكم يالبسليه
نكست الطاقيه في ظهر الطياره

- محمد -

علمي علماً ثابت بندق صابت صابت
والعقال أرتابت طيري ياطياره

- مستور -

ساره فلقحناها وتصيح لعزاها
وأنت تشيل أرداها في جوف الطياره

- فيصل -

لا تقوم تبلبل ماأنت خيال البل
ياكاذب يا تنبل طايح من طياره

- مستور -

من يكذب غيرك لين تحرف سيرك
أرقص وأندر زيرك في جوف الطياره

- فيصل -

ليله وأبرك ليله رز الثعلب ذيله
بالله وش الحيله ثعلب في طياره

- مستور -

أنت ذيل الثعلب تجلس ولا تلعب
يافيصل لا تنشبب في باب الطياره

- فيصل -

أنت ولد الجني لاكن أبعد عني
يالطيار القني خربت الطياره

- مستور -

عاشو قوم الخرمه يوم أعطوك الدرمه
وأنت مثل الحرمه في جوف الطياره

- فيصل -

لا تذكرنا الحربي يا سحاب الزربي
مع بابها الغربي تدخل في الطياره



تقبلو تحياتي

كتابت أخوكم : ذيب الجهني

ــــــــــــــــــــــــــــــــــــــــــــــ

[الشايب]

هههههههه اهب يامستور

لاهنت يالجهني

[عبد الله الحليفي]

الجهني

بيض الله وجهك

محاوره ماتنسى

اخووك

[الحزييييين]

بيض الله وجهك

لــــكــــــن ::


ياليت تكون صوتية

بصوت واضح

[ذيب الجهني]

مشكورين على المرور الكريم

ودمتم ...

[راع العبيه]

هذا محاورة قويه وسفيه من نوع اخرى لكن فيه اقوى منها في المعنى

[احمد الملاح]

مشكور اخوي ذيب وعز الله ما قصرت

[الأكلبي]

هذي موال ولا بيوت

لاهنت

[بدر الديحاني]

الله لايهينك ياخ ذيب الجهني

فعلأ محاوره قويه بين حضار

عزوة شبابه وعزوة خنذف


تحياتي

[@ زيادالعتيبي @]

لاهنت يالجهني


بس كل ما تذكرت هالمحاورة قلت عسى ربي ما يعودها


لأن شعارنا ارقى من هذه الابيات التي خرجت عن طورهم ولا ننسى أبليس زوووود النار بنزين