لن كان يابوزيد ثار المقمع

[ابوجراح]

يالله ياللي فوق عرشه ترفع = ياعالمن بامر الخفي والمخبا
افرج لقلب ٍ في زمانه يلفع = قلب ٍ سقاه الهم حتى تعبا
هموم صدري قطعت صدري اقطع =ماياصف اعلاجه كبير الاطبا
باسباب من عيى علي يتسنع =واهوه عندي غير كل الاحبا
ياصاحبي مامنك هذا امتوقع = صبيت بي ضيم الاصاحيب صبا
لبستها لبسن قصيرن مرقع = وطشيتها في جمرها بالمشبا
فرّحت ناسن للحكاوي تسمع = تارد على النمات ربعن وغبا
لقاطة ٍ للهرج ظن ٍ ومرمع = لقط الدجاج ان شاف بالحزم حبا
اللي ربى بالحقد حتى تولع = من صغر سنه للعداوه يشبا
فلى بواد البغض حتى تشبع = وجب العراوي بالاكاذيب جبا
لاشافني مسرور قام ايتوجع = وليا وجعت يقول تبًا وتبا
مانشدته لله ورى العلم مطمع = لو كان دايم للخرايم يذبا
هذاه طبعن فيه ماهو تطبع = تلقى دلاله بالوشايه تربا
لاامدور اشفاعه ولاهو مشفع = اشراعها هبت عليه المهبا
يابو عتب نويت هد المبرقع = على طيور الحوم حتى تربا
ينهد ثلجه والجليد ايتميع = ويقر صافي صافيات المصبا
ولاني على عجله بذوب المشمع= اصبر وياكل بالليالي مطبا
لن كان يابوزيد ثار المقمع = مانته بثبر ولاانت رجل ٍ يهبا
وصلاة ربي عد صخرن تصدع= على نبيًا كبكب الكفر كبا

نوح صقرالروقــــــــــــي