((تقطعت كل الخيوط.))

[السميــــــري]

المشاركة الأصلية كتبت بواسطة مرزوق العتيبي

...
. متواضعه اتمنّى ان تحوز
ولو على الجزء اليسير من اعجابكم
....

يابنت انا قلبي يحب وله على حبه شروط = اول شروطه من يحبه مايريده يجرحه
الجرح الى منه تكرر وصّل لحمر الخطوط = والخط الاحمر من وصلّه نزعله مانفرحه
انا الوفى طبعي وكل الحب بالقلب امحطوط= وليا وفيتي لي لعبتي به سوات المسبحه
يابنت وش لون الغلا يبنى على الساس الشطوط = اللي يبا يضحك على الثاني ترى الله يفضحه
يابنت انا رجل ٍ غيور اليا زعل قلبه يشوط =اغار والغيره على الرجال خطره تذبحه
حبيت ابين لك شعورالصدق من حبٍ فروط=هذا الصحيح المختصر واليا بغيتي نشرحه
اخذت شوط مع الفرح ومع الحزن عشرين شوط = والباب مغلق لو نحاول ماقدرنا نفتحه
اغلقتي ابواب الا مل تقطعت كل الخيوط = رغم الاسى وايضا السهر مافيه شي نربحه
بعد الامل والحلم صرت اليوم في حالة قنوط = والمصلحه بيني وبينك مالقينا مصلحه
الله يعين اللي تعرض للمشاكل والضغوط = والوضع فوق انه يصلّح لو يحاول يصلحه

..
ابو محمد .
صح لساانك كل الثنااء لايوفيهاا حقهاا
الا نالت اعجابي كلهاا .. كل حرف منهاا عن بيت ..
ولاعجب !!
حيث ان الجزله لاتأتي الامن الجزل ..
وتعودناا منك دائماا مثلهاا ,.
ولاتبخل عليناا بجديدك ..
يابو محمد .

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مرزوق حمدان العتيبي]

.....
.

مرحبا يالسميري
كلماتك على راسي يابن العم
سررت بحضورك لاعدمتك
....
اخوك
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[حوام]

اخوي مرزوق
اتحفتنا بهذه المقطوعه الرائعه


مرزوق ماهذاشعر هذا دهن عود مخلوط
منقح من كل ورد يسلم لسانك فوحه

لاعدمناك

حوام