حـــــــــــــــــــذارى ؟؟؟؟؟؟

[ابن زهيميل]

=حـــــــــــــــــذاري !
عفا الله عنا صاحـب العفـو والغفـران =انا في رجـا عطفـه ولطفـه وغفرانـه
جزيل العطا عدل القضا المالـك الديـان= عزيز الجـلال مكـون الكـون سبحانـه
لك الحمد ربي ما تجـلا الصبـاح وبـان = وقفـى ظـلام الليـل ونهـدت اركانـه
لك الحمد ربي ما علا الصـوت بـالأذان= ومـا رحـب المسلـم وهـلا بضيفانـه
انخنـا مطايانـا ببابـك فيـا رحـمـان =تقبـل دعـا عبـدٍ يناجيـك بايمـانـه
تجاوز عن السئيه وثقـل لنـا الميـزان = بيومٍ يشوف الهون مـن خـف ميزانـه
انا خفت من زودٍ يسبب لـي النقصـان = وصديت مثل اللي رجع ما قضـا شانـه
رجعت وردعت النفس خوفٍ من العصيان = كما يردعون اللي على الحوض ضميانـه
لك الله عيوني ساعديني علـى النسيـان = مناظـر نجـوم الليـل للعيـن فتـانـه
تلاطم بنـا الامـواج والسالـم الربحـان = وكم غافلٍ يلعب يـا دانـه يـا لا دانـه
ارى الوقت يبرى الحال ويفرق الخـلان = احد يفقد احبابـه واحـد يفقـد اوطانـه
فلا تجعـل الأحـلام تخدعـك يالأنسـان = الأحـلام كـذابـه والأيــام خـوانـه
تجـود بحبـل الله ولا تعتنـز بـأفـلان = ترى اكثر صداقات البشر مالهـا خانـه
فكم من رفيقٍ صار من زمـرة العـدوان= بعد ما خسرنا ما خسرنـا علـى شانـه
ولا تنخـدع بالهامـز اللامـز الفـتـان = كثير الوسـاوس بيـن ربعـه وجيرانـه
دنوعٍ بلوعٍ بالمجالـس طويـل السـان = يهـز الجبـال وياكـل النـاس بالسانـه
شرودٍ بوقت الواجب اشرد من الغربـان= ليا شاف لقاط الحصـا ضـف جنحانـه
ثم المفلسين اعوذ بالله مـن الخسـران = هـل الـزور والغيبـة وللديـن ديانـه
يحل الحسد والبغض واتخيـم الأحـزان = على سامع النمام لوهـو مـن اخوانـه
حذاري من النمام لـو جـاك بالبرهـان = يعينه علـى نسـج الأكاذيـب شيطانـه
وصلوا عى المختار ما حرك الأغصـان = نسيـمٍ بعـد نـوٍ سقـا الأرض ودانـه
=مــحــمــد الـســمــيــري

[الأمــير]

ابن زهيميل


صح السانك والسان الشاعر

ومشكووووووور ولاهنت على الابداع

[ابن زهيميل]

صح بدنك ذئب الحنابج والله يسلمك ولايهينك